اهل زوجي من صغيرهم لي كبيرهم شككوني بنفسي

السلام عليكم ورحمة الله وبركاته
انا خبرتكم قبل كيف ان زوجي شككني بنفسي والحين بعد اهله من زمان وايد حاطيني كاني وحده عيني حاره او فضوليه او مدري شو الي فبالهم
مع اني طيوبه والناس واهلي كلهم يعرفوني بنيتي الصافيه
وأحب الضحك وما احب الغضب واهلي عادي لما تصير مناسبه او ولاده ما يشكون فيني
بلعكس اولاد عمتي جميلين وعادي العب معاهم وكذا
اما اهل زوجي لما يكون في مولود صغير على طول يخبوه عني ولو صار اني مسكته ياخذوه مني بسرعه.
وأخوات زوجي لما يصير فولدها شي تشك فيني وتدخله عني
ولما يسقط على الارض تقول هذي من عين شخص وهي تقصدني انا مع اني والله والله العظيم ما جالسه اشوف على عيالها.
ولما تصير معاهم طلعات واسأل بصفتي وحده من العايله يقولو ما يعرفو شي وهم كل شي يعرفو
ولما تصير معاهم مناسبه ما يخبروني عشان ما اروح معاهم وحتى لو مناسبه عامه مدري ليش هم كذا يكرهوني من تحت لتحت وقدامي يبتسمو
ولما اقول لزوجي يقول لي انتي ليش ما تحبي اهلي
بالله وش هذا الظلم الحين من الي يكره الثاني بتصرفه
وربي طفشت منهم ومن هذا الزوج الميت في اهله على حسابي انا شريكه حياته وأم عياله