اهل زوجي هاوشني ف بيتهم و مسحوا بكرامتي الارض

السلام عليكم ورحمة الله وبركاته
بنات انا زوجي طيييب معاااااي ل ابعد حد عمله نادره بهالوقت طيب و حنون الله يخليه لي ..المشكله بأهله انا ساكنه عندهم بغرفه و حمام بالطابق الثالث ..بالبداية كنت ما انزل عندهم كثير اضل بغرفتي بحكم انه اخوانه ثلاثه ذكور كلهم اصغر مني اكبر واحد اصغر مني ب سنتين اعتبرهم مثل اخواني و اعاملهم مثل اخواني عنده اخت صغيره عمرها ١٢ سنه اعاملها مثل اختي ..نحن طبعا مجتمع ما نتغطى عن بعض اقصد الوجه ..الشعر نغطيه ..متحمله الغرفه اللي بالطابق الثالث عشان زوجي و ظروفه ..المهم كنت انزل بين فتره و فتره اسويلهم غدا و اسويلهم عشا و احيانا اغسل الصحون عن امه ..مع العلم عندهم عمال اثنين يجون الصباح و يخلصوا كل اشغال البيت و يضل عليها الغدا و العشا و صحون الغدا ...امه راحت تركيا و خلال روحتها خلت بنتها عندي و انا اعتنيت فيها و عاملتها مثل اختي و كنت يوم اسويلهم الغدا و يوم العشا و كنت بعدني عروس جديده من شهرين متزوجه بس ..المشكله اهله كل مشكله تصير معلنا بالطابق الثالث يسمعوها بس ما يتدخلوا الا مره وحده امه طلعت و تدخلت و اتصلت ع اهلي و تقولهم بنتكم هاده البيت على روسنا و اصلا المشكله من ولدهم حتى ما حاولت تفهم المشكله ..المهم من بعدها صرت اعتزلهم لكن انزل و اساعد و حملت و ساعدتها بالبيت و قبل لا اولد بيوم جابت لي ٣٠٠ حبة سمبوسه الفهم ل رمضان كل هذا عجز عشان ما تلف السمبوسه ...المهم الله يسلمكم ولدت و بعد ما صار عمر بنتي ستة شهور صرت انزل ع الصاله عندهم و اجلس لين المسا بعدين اطلع غرفتي علشان بنتي ما اقدر اضل محبوسه بالغرفه ..الاحظ عمتي ما تشيل بنتي الا نادر و ما عمرها حطت بفمها لقمة اكل و لو تهلكني بكا ع الغدا او العشا ما تفكر تشيلها تخفف عني زائد احسها خبييه تمثل قدام ولدها انها مهتمه فيني و انا اعرف انه بس قدام ولدها المهم خلال فترة جلوسي بالصالة ما اخلي بنتي توسخ و اي شي توسخه انزف على طول و اي صحن اكل بيه اغسله و بالعكس صرت اساعدها كثير اغسل صحون الغدا من وراها و اساعدها بالعشا و يوم من الايام كان عندي مقابلة عمل و مستعجله اكوي عبايندتي و اسبح بنتي و افطرها و اغيرلها و انا اكوي العباه بنتي تصيح لا هي شالتها و لا بنتها شالتها عاد انا عصبت و خليت لها المطبخ محووس و رحت المقابله بالاضافه انه هي اذا طلعت منبهه ع ولدها انه ما تريد تجلس مع بنتي ف دايما اذا بطلع اودي بنتي ع بيت اهلي تعرفوا فترة كورونا و ممنوعين الاطفال بالاماكن العامه و على فكره اخت زوجي اربع و عسرين ساعه عندي بالغرفه ولا قلت لها شي اسرحلها شعرها و ادرسها و اعاملها بالحسنى ...المهم باليوم الثاني من المقابلة الصباح قايمه اجى عمي ابو زوجي استلمني صراخ انتي مخليه عمتج شغاله عندج تنظف من وراج و ما تساعديها و كان زوجي معاي انا فتحت عيوني سلامات و بصراحت ما سكتلهم قلت انظفلكم و اشتغللكم و من احسن ما يكون زين مني متحمله غرفتكم ..زوجي قال انتي يا امي لما رحتي تركيا هي سوتلكم و طبختلكم رد عمي ما سوت كل شي انا كنت موجود لا تصدقها كذابه تمثل عليما تحاول تخدعنا انها تنظف ..بعدين عمتي ردت طلقها و انا ازوجك غيرها وش تريدلها هذي ما محترمه ما تلبس حجابها زين قدام اخوانك و تتمدد بالصاله و تمنكر اضافرها ..ع فكره انا نمت بالصاله مره وحده كنت حامل بالشهر السابع و ضايق خلقي من الغرفه و مافي حد اسولف معاه المهم انا راددتهم و صرت ابكي و حسيت انه ما فيهم خير قلت انا بطلع من بيتكم قال عمي احسن ..و رحت انا و زوجي الفندق و باليوم الثاني رجعت و طيبت خاطرهم و هم اعتذرولي قبل لا اعتذرلهم و جلست مره ثانيه بالطابق الثالث لان ما اقدر انتقل الضروف صعبه و المصاريف كبيره ف عمان لكن رغم الاعتذار كرهتهم و خاصه امه الوسواس الخناس لكن بعدني اساعدها بس عشان خاطر زوجي لان بعد هو تحمل من اهلي كثير ...قررت انا و زوجي نطلع بعد سنه و نتجنب اهلي و اهله ...احسني كارهيتهم و متضايقه منهم الصراحه