اللي اهل زوجها لزقه مو عاجبها واللي اهل زوجها رسميين مو عاجبها !!!
قولي الحمدلله بس ع النعمه اللي انتي فيها
اجل ندمتي ع الزواج عشانهم رسميين معاك ؟!!
انتي قلتيها من يوم عرفتيهم وهما كذا حتى لو انهم عيال عمك مو لازم تكونون زي بعض بالطبع !! يعني مثال انا وبنات عمي طبعنا غير تماما
وماني فارضه عليهم طبعي حتى ولدهم خطبني ورفضت لاني مابي زواج اقارب و هم بعد بنات كثير ماشاء الله وولد واحد كبير والثاني صغير
ترا السالفه اللي صارت معاك امس مره عاديه مايبيلها كل ذي الدراما ربي يصلحك
هذا طبعهم وهم بكيفهم دام ماياثرون عليك بشكل مباشر خلاص خليهم مالك دخل فيهم
والعلاقه بينهم وبين اخوهم مالك شغل فيها خليهم ع راحتهم اخوان ويتفاهمون بطريقتهم

وش عليك منهم انتي متزوجتهم ولا متزوجه ولدهم
اهم شي زوجك يحبك مبسوطه معاها خلاص
بعدين يزين اهل الزوج الرسميين ومخلينك بحالك
هذي نعمه تستحق الشكر

اتركيهم بحالهم واكفيهم شرك وبس .. تحسبين نيتك طيبه يوم تعزمينهم وفي ظهورهم انواع السبب والانتقاد يختي رسميتهم مو عاجبتك وكلامهم مايعجبك لا تعزززززمينهم وانتهى او صفي نيتك وتقبليهم بحالهم وعاداتهم واعزمي براحتك

احسك مره مكبره الموضوع عزيزتي ومسويه من الحبه قبه ، ماله داعي تفرضين نفسك عليهم بالقوه وتزعلين اذا مابادلوك نفس الاحساس ، وهم احرار يقولون اللي يبونه المفروض اذا الحوار مو مناسب ان اخوهم يوقفهم عند حدهم فيه بس طالما انه ساكت فَ خلاص شتسوين ؟
والجمال تراه نسبي يعني انتي تشوفين شي وزوجك وهم مايشوفونه مو شرط الكل يتفق عليه ويقدسك عشانه 💗💗 لاحظت اكثر من موضوع تتكلمين عنهم فيه وانهم سلبيين والخ ! خلاص ابتعدي عنهم افضل لك وخلي العلاقه زي مايبون 🌼