اذكر وقت ملكتي كان قبل عيد الاضحى بكم يوم ..
فاهديت ام وابو زوجي هدية بمناسبة العيد وعشان كانت اول مره ادخل بيتهم ..


ما اذكر بالضبط كم مرة اهديت ام زوجي بس اجيب لها .. آخر مرة اشتريت لها حلق ذهب مِن فلوسي .. ومره اهديت اخت زوجي الكبيرة تعليقة ذهب ..


بس بعد زوجي اول ما ملكنا اهدى امي ذهب، ويذكر اهلي بهدايا


اهل زوجي يذكروني ويهدوني اشيا بسيطة بعد زواجي لاني ساكنة معهم بنفس البيت
مثلا شكلاته ، ايس كريم ، حلق اكسسوار ، صحن و ملاعق عادية مرره هههه
بس عادي عندي


انا اذا اهديت اهديت مِن نفسي
حتى ما الزم نفسي بمناسبة
عادي اهدي بـَأي وقت لقيت نفسي فيه راضية وعندي فلوس ..



انتي لا تزعلي ولا تحطي شي ببالك
لا تهدي وانتي تنتظري رد للهدية

خلاص لا تجيب لهم انتى وديتهم وهم طناش فطنيشى

بصراحه حركتهم عادي ممكن بعد الزواج يهدونك
وانتي لاتهديهم قبل زواجك

تهادو تحابو
بالعكس الهديه مهما كانت لها قيمه معنويه كبيره بالنفس و القلب لكن دائماً يقال الشيء إذا زاد عن حده أنقلب لضده أنتي الأن ربي ميسر عليك و تقدري بكرا يتعودون و تجي عليك ظروف ما تقدري وقتها محد عاذرك و بكل مناسبه راح ينتظرو منك الهديه
و بالنسبه لهم المتعارف يجيبو هدية الخطبه و الملكه بس التمسي لهم العذر ما تدرين عن ظروفهم

حبيبتي ماتدرين وش اطباعهم ممكن مايهدون المتملكه ممكن بعد الزواج او شي ماتدرين وحاليا انتي بعد لا تعودينهم علي الهدايا بكره لا سمح الله تسافرين مايكون عندك ميزانيه ويزعلون انك ماجبتي لهم عامليهم مثل مايعاملوك افضل