اهل زوجي وبنتي؟؟؟؟؟؟؟؟؟؟؟؟

السلام عليكم ورحمة الله وبركاته
انا يا بنات مو شيخة البيت انا صديقتها ماخذة نكها ابيكم تقرون قصتي
انا متزوجة وساكنة عند اهل زوجي وكنت حامل ببنوتة اول بكر لي وفي نفس الوقت كانوا سلفاتي الثنتين بعد حوامل واهم حالتهم المادية احسن مني بواجد المهم كلنا يا حريم الاخوان انعاني من اخت زوجي الصغيرة جدا عصبية وحارة ودايما اتغلظ علينا بس رجاجيلنا ما يقولون لها شي لان لسانها طويللللللللللللللللللللللللل وتاثيرة قوي جدا جدا على عمي وخالتي واهي ما ادانيننا وتحب اتغثنا لا وبعد تتامر علينا اهي عمرها عشرين سنة بس فيها تسلط اللهم يا كافي حتى على خواتها المهم سلفاتي ربو قبلي وكل وحده فيهم جايبة ولد وانا استغفر الله كنت مضايقة لاني بجيب بنت لان زوجي واهله وانا بعد نبي ولد المهم ربيت بعد سلفاتي بيوم وجبت بنتي وانا متضايقة على حالي لان زوجي ماديته قليله وانا ماراح يكون ترتيبي للاستقبالي في المستشفى مثل مستوى سلفاتي وطبعا عند اهل زوجي الي يجيب ولد ترتفع مكانتها لا والي زاد الطين بله زوجي قالي شرايك نسمي بنتي على اختي الصغيرة عشان اختي تستانس انا رفضت وقلت لا قالي لازم عجل اتسمين على خواتي الثانيات المهم انا قلتله خلاص انا خلاص بسمي على اختك الكبيرة المتزوجة لانها طيوبة لا تهش ولا تنش اما الصغيرة لو اتموت ما سميت عليها

يتبع