اهل زوجي وحياتي الزوجيه

من منا عاشت تلك الهموم وتلك المشاكل والمنغصات اللتي لا احبذ ان تتمناها كل شابه في مثل سني ، 
لن اطيل عليكم وراح احكي قصتي لكم وعسى ان اجد الحلول 
اول شيء نشأت في كنف عائله شبهه غنيه ومعروفه في المنطقه اللي حنا فيها ، انا ماامدح نفسي بس كنت بنت مطلوبه وتقدمو لي خطاب واجد لاكن كان عمري صغير جدآ الين بلغت 18 وكنت ب ثالث ثانوي علمي طبعآ كنت ابي اجيب معدل وكانت بدايتي جيده الين جاء عيد الاضحى واتصلت ام زوجي وكلمت امي على اساس يخطبوني ، امي وافقت وكانت مؤيده لهذا الزواج عكس ابوي الله يحفظه وخواني وانا كنا  رافضين بغض النظر عن اختلاف الاسباب ، ابوي رفض لانه عاطل ، انا رفضت لاني مو قد الزواج وانا اعرف ، امي بدت تضغط علي وكانت دايم تقولي وافقي نصيبك حلو لا تكونين مثل خواتك (خواتي اللي اكبر مني وبعدهم ماتزوجو ) واللي زاد امي يقين ان اللي بياخذني معاه بيت لحاله ومستقل ، كنت رافضه ، امي صارت تقنع في ابوي واخواني لين اقتنعو ووافقو بعدين انا صليت الاستخاره مرتين ولا ارتحت وكنت مو مرتاحه ومتردده وكنت في حيره ،المهم جو وخطبوني انا ماكنت ابي ادخل للشوفه بس امي اجبرتني دخلت حطيت شي خفيف مرطب وكحل وبس فكيت شعري ودخلت طبعآ انا حلوه ومايحتاج اكثر مكياج ، شافني وافق على طول انا شفته ومااقتنعت ابدآ ماكنت اتوقع اني اتزوج واحد مثل ذا كان اسمر ومو حلو وشفته عطيته 36 بس هو طلع عمره 28 لاكنه كان يشقى ويتعب في هالحياة ، مو مهم عندي اللون بس كان اهم شيء المملامح ، لا هذي لاذاك لاكني وافقت تحت ضغط امي واختي ،وماانكر اني اتردد ، بس نصيب ، وعلى ايش مهري كان قليل جدآ وانا كان شرطي اكمل دراستي ، طبعآ انا بجهه وامي واتفاقهم بجهه قلت لها امي ماابي الزواج على طول كانو يبون العرس بين الفصلين الدراسيين وانا ماركزت فالمذاكره لاني خفت وكنت مو مرتاحه طبعآ جاء الزواج وفي الليل طلبت مصوره لتدشين الذكرى وياليتني مجبتها هوا تصور معي بالغصب ودفع فوسها قامت امه معصبه وتهاوش ليش تدفع وانت ماجبتها وهو ساكت وانا كنت مستغربه عريس وامه في يوم عرسه مااحترمت خصوصيته واكتشفت ان امه تتحكم فيه ، ياليل يا اسود ، المهم تزوجت ، تدرون حتى شهر عسل مافي بس 3ايام وبعدين وعدني بناخذ عمره ونطلع وكذا والى يومكم لا عمره ولا طلعه محترمه ، مر على زواجي سنتين وشوي واعاني ولازلت اكتشف عنه وعنهم اشياء مااحد توقعها ،،،قصتي ماانتهت لاكن ابي اشوف رايكم ونكمل لو اعطاني الله العمر