اهل زوجي وكرههم لي

السلام عليك ورحمت الله

مدري وش اكتب وش اقول من القهر اللي بقلبي ما اقول غير حسبي الله ونعم الوكيل

هذا ياحبيبات قلبي كنا انا واهل زوجي كلهم طالعين طلعه بر واحنا مطلعينهم المهم خوات زوجي مستحيل مستحيل انهم يساعدون المشكله انها طلعت بر المفروض الكل يساعد ويتحرك والله العظيم حتى الفراش ما فرشه احد غيري وقطعت اللحم وبهرته وصلحت الصلطات وهم جالسات يتقهوون وسوالف وبربره ولا كاني موجوده المهم مو هاذي المشكله خلاص تعود على طبعهم وحركاتهم مشكلتي انوا لمى خلصت وجلست اخذت علبه مويه وشربت منها وحطيتها جنبي ومع السوالف وحوست العيال جت بنتي تقول ماما بغى مويه يوم ابعطيها علبتي ماحصلتها اختفت قلت مو مشكله جيبي مويه جديده ولا سالت عنها قلت عايدي المهم ناداني زوجي قال غسلي البيالات المهم طلبت مويه اعطتني بنت اخوه الصغيره علبه مشروب منها ولا انتبهت وحده عن المويه قالوا مويه العين مويه العين الكل يسال عنها من حماتي وبناتها وخوات زوجي استغربت انا قالت البنت الصغيره انها اعطتنياها سالوني وين المويه قلت غسلت فيها البيالات قالت وحده منهم اطمنوا كلكم مابتذوقون غير العافيه عرفت بعدين انها مويتي سويت نفسي عطشانه وشربت شوي وخليت الباقي ونفس الشي انوخذت العلبه ترى هاذي مو اول مره يسوونها فيني كذا مره وانا اشوف واسكت اقول ما ابغى مشاكل وهم يقولون عني اني نحسه ومن يوم ماعرفوني وهم في مصايب ومشاكل واني اعطي عين وهم اخذوا مويه وهم كلهم متفقات وهم اصلا بينهم مشاكل بس لازم يتفقون عشان انا معطيتهم عين فرقت بينه والله العظيم اني من عرفتهم وهم بينهم كره وحقد ويسوون قدام بعض اني احبك واموت فيك
بس ما اقول غير حسبي الله ونعم الوكيل وانتم ياحبيباتي من صار لها نفسي وكيف تعاملت معاهم وخذت حقها منهم