اهل زوجي ومعاملتهم

السلام عليكم

بدخل بالموضوع على طول انا متزوجه من ٣ سنوات ونص وفترة ملكه وخطوبة سنه ونص
المهم ان طول ذي الفتره ماعرفت لأهل زوجي ايش يبون بالضبط ان جيت لاخت زوجي ماتعرفني الا وقت مصلحتها حلي لي الواجب وعلميني هذا الشي وذاك الشي وسوي لي البحث الفلاني وانا على نياتي اسوي لها طبعاً بس بعد اللي شفته منها ومن اهلها صرت اتجنبها واتجنب اهلها وقللت زيارتي لهم طبعاً هي بثانوي بس احس تصرفاتها ماتعجبني وانا ساكنه بشقه مستقله بعماره قريب من بيتهم واروح لهم يوم بالاسبوع واذا رحت لهم ذي نفسها اخت زوجي ماتنزل تقعد معي ولا حتى تنزل من غرفتها وتسلم تضل بغرفتها حتى اخوها زوجي يقول لي ولا كأني اخوها الكبير ماتنزل تسلم عليي اللي صار ان في ذي الفتره خلال ذي السنه اخو زوجي الثاني تزوج وزوجته تدرس بمنطقه ثانيه غير منطقتنا وماتجي الا بالاجازات وتوها ذا السمستر باديه دراسه يعني السمستر اللي راح كانت موجوده اقسم بالله ان يوم اللي تنزل من شقتها تعالو شوفو انواع الاستقبال والترحيب والضيافه وهذا وهي ماتنزل معها شي واخت زوجي ذي ماشوفها الا اذا مرت اخوها الثاني كانت موجوده تنزل مو عشاني عشان سلفتي وهذا وهي معهم ف البيت وانا لحالي وما ازورهم كل يوم مايشتاقو لي واذا اشتاقو لبنتي اتصلو جيبو بنتكم غير كذا مايسألو فينا واوقات يصير نفسي اطلع مع عمتي وحماتي واقول لهم اطلعو معاي لهالمكان او هذا المكان او حتى لو زوجي قال لامه واخته اطلعو معنا يرفضو ويطلعو الف حجه وبعدها نتفاجأ انهم طالعين مع مرت اخوه واكثر من مره يصير ذا الشي واذا كان اخوه طالع مثلاً مع زوجته وهم ماعندهم احد يوصلهم او يطلعهم يتصلو لزوجي تعال ودينا المكان ذا والمكان ذاك بس لوقت مصلحتهم ووقت اللي نبيهم يطلعو معنا مايبونا وصرنا مانقول لهم بنروح مكان لانهم خلاص مايبونا او مره ابو زوجي اخذ عياله كلهم وبنتهم وولدهم ذا المتزوج وزوجته وراح معاهم البحرين ليلتين هناك وحنا حتى لو نعرف نروح بروحنا بس طالما الطلعه عائليه فكان من المفروض يعطونا خبر ويقولو لنا بنروح كلنا روحو معنا واذا وديت معاي حلى او اي شي ماياكلو من عندي حتى اذا عزمتهم بالشقه مايجو وان جو ماياكلو شي وبس يقعدو شوي ويمشو وخالة زوجي جارتي باب شقتها قبال باب شقتي اقسم بالله ان ولا يوم عزمتني على فنجان قهوه برغم اني عزمتها بشقتي اكثر من مره وكانت تجي وبطلت وبناتها بعمري بس مره مايعطوني وجه وهي صارت زيهم ويمكن اعظم مع اني والله ماسويت لهم شي وكافيه خيري وشري عنهم بس مدري شفيهم هو من اول ماتزوجت تعاملهم ماش بس الحين بعد ماتزوج اخو زوجي زادو مره في المعامله الخايسه المهم ان ذي خالة زوجي وبناتها انا جارتهم ولا مره عزموني واكتشف انهم كل مره يعزمو سلفتي واخر مره بعد ماراحت المنطقه اللي تدرس فيها خالته عزمت اهلها اهل سلفتي بشقتها ولا قالت ليي عندي عزيمه بشقتي تعالي بس قالت لباقي جاراتي وغسلت العماره كلها وتركت عند شقتي ماغسلته حتى زوجي يقول مادري ايش فيها خالتي تسوي ذا الشي ومسويه لنا عداوه من لاشي المشكله اني عمري ماتكلمت عليهم لا بخير ولا بشر ماجيب طاريهم ولا احب اتكلم عند امي لان بضيق خلقها عليي ولا عندي صديقات اطلع معهم وان قطعتهم ومازرتهم يقولو انتو ماتجو لنا وان رحنا مايعطونا وجه وام زوجي قبل كنت اكلمها بالواتساب ماتبي تسكر تضل تسولف الحين تتهرب مني اذا كلمتها واذا اتصلت اتصال قبل ماتبي تسكر لدرجه اوقات الرصيد كان يخلص الحين الود ودها ما اتصل ابداً والمشكله انهم يسوو روحهم يحبونا ويخافو علينا بس الواقع يقول شي ثاني حتى بنتي صارو ينزعجو منها مايبوها تلعب يبونها بس تقعد وتشاهد وعمرهم ماجابو لها حتى لعبه بريال او عطوها شي مايعطوني لها الا ملابس مستخدمه عن نفسي الملابس المستعمله اخذهم واوديهم الجمعيه الخيريه اقول انا مو بحاجتهم فيه غيري احوج فيهم وغير ان بالسناب عاطيني تخصيص وبالانستغرام حاذفيني بالواتس مايكلموني و بالتويتر يخافو اعرف حساباتهم ذي مجرد فضفضه