اهل زوجي و غرفة نومي

السلام عليكم
يا بنات حبيت اسألكم و أعرف رأيكم


هل اذا جوكي أهل زوجك تدخليهم غرفة نومك..
يعني مثلا يبغوا يصلوا
و المجلس اللي نحن فيه نوعا ما ضيق بسبب وجود التحف و الطاولات رغم انه ممكن افرد سجادة للصلاة لكن راح يكون في حتة ضيقة جدا و في الممر ما تكفي الا لسجادة وحدة فقط و هم عددهم 4 او 3 انفار.. اتمنى تكونوا فهمتوا عليا..
و في غرفة اولادي لكن يكونوا الاطفال مجتمعين فيها و آخر ازعااااج غير الالعاب المرمية في الأرض بسبب الاطفال
فاضطر احط السجاجيد في غرفة نومي و اقول لهم تعالو صلوا هنا

ما ادري هادا الشي صح ولا غلط

لانه احس من جوتي انه المفروض محد يدخل غرفتي و انه شي خاص فية

ما ادري ايش رايكم انتوا؟؟؟

و اللي ضايقني شوية و عمل استفهام في راسي انه لما وحدة تخلص فيهم من الصلاة ما تخرج على طول
لا.. تقعد تنتظر الباقيين و تجلس اما عالسرير تتأمل في الغرفة او توقف مكانها و تطالع هنا و هنا

قولولي رايكم

اقصد بأهل زوجي يعني أمه و أخواته فقط
و احب اقولكم انه في غرفة مكتبة لكن عادة يكون فيها الرجال
و اذا ما فيها الرجال احس انه اهانة لهم لو صلوا فيها مدري ليش احس كدة رغم انه الغرفة مرتبة مرة
و اللي يقولا عيب يصلوا قدام الضيوف.. اصلا عادة يجوني لحالهم اام و بناتها بس
تفكيري صح و لا غلط