اهل زوجي يتدخلوا في خصوصياتي فيه حل للموضوعي ؟؟؟

احسن شي انك تخلين شغالتك بالبيت ولا تاخذينها معك وبكذا ترتاحين من المشاكل وتحملي اولادك كلها كم ساعه وراجعه

لو أنا مكانك وربي مااخذها معاي عندهم صدقيني اكبر غلط انو احنا نخلي شغالاتنا يختلطو مع شغالات العالم
انا شغالتي اقلبت علي تبي جوال وتبي وتبي اشياء كثيره وكل هذا بسبب اني اطلعها معاي

اما بالنسبه للاولاد عادي ياقلبي تحمليهم شويه وحاولي تعطيهم الاكل قبل وقت العشاء عشان ترتاحين
وحاولي مااطولين عند اهل زوجك

والله يساعدك ويساعدنا اجمعين

مادري التدخل في كل خصوصياتك اوبس في الشغاله عشان تريحي نفسك شغالتك شدي عليها وخليك رسميه جدا معاها ولا تخليها فاضيه كثير في البيت وفبل ماتروحي لهم اعطيها التعليمات واحمدي ربك بتجيك جديده عشان تبدئي معاها من جديد
وبالنسبه للخصوصيات الثانيه احسن شي خيط فمك لا تتكلمي انتي كثير عن بيتك مثلا زوج قا ل - بغير غرفة النوم - بروح مدري فين باختصار اي شي يخصك احتفظي فيه لنفسك وبيحترموا هدا الشي صدقيني والله يوفكك ويسخرلك زوجك وشغالتك واولادك واهل زوجك

بصراحة انا لو اعرف وحدة عندها شغاله وما تجيبها عندي احقد عليها ...

بس تعرفي اهل زوجك عندهم شغالات ...يعني مو منتظرين خدمة شغالتك ...

اذا اهل زوجك عادي تجلس معاكم ...خليه عااادي وخليها قريبه منك ..وابلشيها بطفل لك ..

تنيمه وتخليه بحضنها ..واذا احد سألها ...علطول جاوبس قبل شغالتك...بانها ماتعرف عربي كثير ..

او ان سمعها ثقيل ما تسمع ....او قولي والله لو تتكلمي من اليوم الى بكرة ما بترد عليك ..

بس قوليها بطريقة ما تفهم مضبط وش تقولين عشان ما تتأثر شغالتك ...وبسرعه كلمي شغالتك ...

قولي شوفي وين الولد او البنت ....يعني لا تعطين مجال تتكلم ....وبسرعه صرفي الشغاله عنهم ...

وكذا ....والله يسخر لك زوجك واولادك ...وشغالاتك ...

اذا شفتيهم جالسين مع شغالاتك قومي الشغالات قوليلها روحي شوفي شغلك . او ارسليها تعمل أي شي . وقولي لأهل زوجك بكل ذوق واحترام ارجوكم لاتعطون الشغالات وجه لأنهم صارو يتمردون علي وانا أدري انكم تحبوني وماودكم اتضرر .
الله يسعدك