اهل زوجي يتدخلون باتفه خصوصياتي، ويخبون عني خصوصياتهم؟

كنت جالسة معهم وجيرانهم فيه وقالت بنت الجيران فلانة وينك اليوم ما داومتي ماخذة اجازة؟ وشوي وجيههن تقلبت خوات زوجي وبنت جيرانهم على نياتها ما توقعت ولا ١٪؜ انهم مخبين عني شيء زي هذا. المهم انا سكت لكن بعدها بشهر جالسين انا وخوات زوجي وامه وقعدوا يستجوبوني عن وظيفتي وراتبي.




بنات انا مرره منزعجة من التناقض اللي فيهم. ليه تستجوبوني عن وظيفتي وشغلي وراتبي، وهم اخته يوم توظفت ما قالت لي وكلهم متكتمين على وظيفتها ما علموني. وانا ما انتظر منهم يعلموني بشيء ما هموني، بس على الاقل يتركوني بحالي.




يجوني من حسابات وهمية دايم بتويتر وانستقرام، ومره مكلمين مندوب قد وصل لي اغراض طلبوا منه يشوفون فاتورة اغراضي.




بنات انا ساكنة بعيد عن اهلي ولا اعرف احد غيرهم بهالديرة، فاحس بالوحدة مرررره ولا صادقت احد خصوصاً بايام كورونا الحين والاحترازات. كثير اضطر اني اقابل خواته وامهم.




المهم يا بنات انا قريب ان شاءالله بترقى، ودي احذر زوجي ما يعلمهم وش رايكم؟ لأن هو كل شوي يجي عندي ويقول انتي من اهل البيت ومدري ايش ومصر ان امه وخواته يعدوني مثل بنتهم 🙂




وبعد بنات تنصحوني اشتري سيارة 😭 احس بعد كورونا الدوام عن بعد صار فيني كبت مو طبيعي، ما ودي افكر بامه وخواته ابي انشغل بنفسي قدر المستطاع. قلت يمكن لو اسجل بالنادي واروح على سيارتي يصير عندي روتين شوي. زوجي مو دايم يفضى يوديني. وش رايكم والا بس زيادة مصاريف على الفاضي؟