اهل زوجي يعاقبوني شوفوا عشان ايش !!!!

الأسرة والمجتمع

السلام عليكم

اخواتي كيفكم عساكم طيبين ان شاءالله
حوائياتي انتم اكثر ناس اقضي وقتي معكم لأني بين اربع حيطان لا روحه ولا جيه
المهم حبايبي انا جيت افضفض لكم لاقل ولااكثر
اول مره اطرح مشكله تخصني في منتدى بس من القهر احس عمري بنفجر الظلم مر
الخلاصه << اخيرا
انا متزوجه لي فوق العشرين سنه تخيلوا خلال المده هذي كلها سنه وحده عشناها لوحدنا فقط ومو كامله بعد
وكانت بعد خمس سنين تقريبا من زواجنا يعني حتى وانا عروسه معايه سكان
اخوانه اللي يبي يدرس واللي يبي يتوظف واللي يبي مستشفى واللي يبي يتمشى واللي انتقل لفتره سنه او سنتين يجي بزوجته وعياله يسكن عندي
تخيلوا حتى الذي تزوجت وهم في سن ثلاث واربع سنين
درسوا وتخرجوا وتوظفوا عندي مابقي الا امه كمان تجي تاخذ محو الاميه عندي
ومايطلعون من عندي حتى يتزوجون !!
حتى اخواله سكنوا عندي !!
مجلسي الله يكرمكم سار والله زي زريبة البهائم تكرمون
حتى الشغاله مايخلوها تنظف يطردوها واحدينام واحديصحى وعلى كذا
آخر واحد فيهم تزوج السنه اللي فاتت بيتي دماااااااار
بعد العزوبيه زوجي يتهرب من حد يحرجه ويدخل وين يستقبله المجلس يفشل
وبيتي كله اثاثه قديم ومكسر وزوجي ماعنده فلوس اخذ ديون كثير وراحت في خسارةالاسهم وساءت ظروفنا عالآخر الحمدلله على كل حال مع ان ابو زوجي يلعب بالفلوس لعب يعني تقدرون تقولون يشتغل في خمسه ملايين
وكل العايله ثريه
صبرت وصبرت
لحد ما ربي فرجها علينا شوي والحمدلله
جاته فلوس كانت دين له
قمت ظربت بويه ساده واثثت المجالس وخلصت الفلوس
البيت كله دمران بس ماعد عنده شلت الفرش ورميته جلسنا على البلاط
جاء ابو زوجي والله لا يوريكم غسله غسل يهاوش ليش هذا الكنبات!!!
سكتت ما تكلمت
وجات الرواتب الثانيه وفرحت بخبرها اكمل بيتي ونرتاح انا وعيالي على البلاط وايام بردوفرني عين وحده وثلاجتي وغسالتي يهت الصدأ منها والله العظيم يوم24 ابو زوجي يتصل يقول الراتب الثاني لي يكفيك راتب واحد
ومن هنا ومن هنا عطاه خمس آلاف غصب
وفرشت فينيل وخذت فرن ودولاب مطبخ جاهزوعالجت اسناننا انا وعيالي
شوفوا وش حصل هم الحين خلاص استغنوا ماعد يجيونا
بس طول الصيفيه كلما جو نفس المدينه جونا قلك يسلمون
تجي اخته تدخل البيت كله وتطالع كأنها تدور شي حتى غرف نومنا وبعض عيالي كانوا نايمين دخلت فوقهم
تضايقت بس سكتت
وجو كمان في رمضان وشافو حاجات زياده اكسسوارات وكذا
مع العلم انهم هم المطبخ تفصيل وانا جاهز لأن البيت اجار
وكسرو ارضية بيتهم وسوو سيراميك والكنبات كل سنه تغيير وحتى زوجات عيالهم الباقين زيهم بس انا شقتي اللي عندهم ما اثثتها بس الضروريات لأني نجيها اجازات بس
وبرضه عشان اعرفهم بتاخذها استقبال زي ما تسوي مع سلفاتي بيتها بس مقفل مدري ليش تسويه ولما يجيها ظيوف تستقبل عندسلفاتي
واول سفره نسافرها عندهم بعد هذا الكلام والثأثيث
رحت لهم في العيد وصلنا في الليل واليوم الثاني عيد واجي ام زوجي اقلها كيف حالك ماترد عليه سكتت
دخل ابو زوجي من عند الرجال واقوم بسلم عليه ويتعداني ويسلم عليهم كلهم ويرحب فيهم وانا يطنشني ويعطيني ظهره
وبنتي تمشي وراه تبي تسلم ويتجاهلها
انقهرت وجلست ابكي
انا لي سنتين مانعيد مثل المسلمين مرت عليه ظروف مرض وحتى عيالي بسبب مرضي مافرحوا بالعيد
قلت العيد هذا اول عيد يجي بعد شفائي ولله الحمد بننبسط انا وعيالي ونعوض الاعياد اللي فاتت في المرض
ونكدوا عليه وعلى عيالي وكسروا فرحتي
نكدالله عليهم وكسر قلوبهم وحرمهم الفرحه ماعاشوا على وجه الارض
وحسبي الله ونعم الوكيل فيهم
كل هذا عشان اثثت بعد الاثاث المكسر الذي جلست فوقه سنين وصبرت على ظروف ولدهم اللي ما واحد فيهم ساعده
حتى لو بالاقساط الذي شارك اخوانه فيها حتى يزوجوا اخوانهم الصغار ما قالوا كفايه عليه نكبةالاسهم ويشيلها ابوه او حتى العرسان نفسهم توظفوا خلص يكملوا اقساط حفلاتهم واثاثهم تخيلوا شارك في تزويجهم وتأثيث بيوتهم والله من افخم الاسواق وانا ساكته
وانا اثاثي كله من اسواق شعبيه مو زيهم
ملاحظه؛؛؛؛؛؛؛؛؛
ام زوجي كانت تهاوشني حتى على ملابس العيد
تقولي وش ذا كله وانا اقول الديون في ايش اثاريها في الفساتين !!!!!!!!!
مسويه نفسها ماتدري ان الديون في تزويج عيالها وتأثيث بيوتهم اربعه شباب كل واحد فيهم كلف زواجه ثلاث سيارات
يقسطونها زوجي واثنين من اخوانه الكبار لأن ابوهم كلفهم بذا الشي
وقبل زواج اخوانه كان ابوه ياخذ ثلاث ارباع الراتب كل شهر
واحنا آخر الشهر نكمل المصروف من ذهبي
والثروه اللي معاه له هو والبومه حقته
بس اخوانه ظروفهم تسمح لأنهم ساكنين بنفس المدينه وبيوتهم ملك اب عن جد يعني ما شروها
واحنا مسافرين بحكم عمل زوجي واكيد اجار

بنات سامحوني طولت عليكم وهذا قليل من كثييييييييير
ادعولي ربي ينصرني عليهم ويريني فيهم عجائب قدرته
ماجيت افضفض لكم الا من الحسره والقهر اللي بقلبي
الله ينتقم لي منهم شر انتقام
والله يابنات حتى اذا جونا يجيبوا معاهم كيس مجمعينه من البيت بطاطس فشفاش وشي مفكك وشي منتهي صلاحيته
كأنهم يعطوا شحاتين
كإحتقار يعني
يفكرون ان ابوهم مديون انه مجوعهم والله ماينقصهم شي الحمدلله
وولدهم يزعل بس يقول وش تبيني اقول لأمي الله يهديها

الله يوريهم اللي يسوونه فيه في بناتهم يارب
62
7K

يلزم عليك تسجيل الدخول أولًا لكتابة تعليق.

تسجيل دخول

!!** اميرة **!!
!!** اميرة **!!
الله يرزقك من حيث لا تحتسبين

عيشي حياتك مع زوجك واولادك

وطنشي

وربي يسعدكم ويوفقكم ويبعد عنكم اعين الحساد
rama_sa
rama_sa
ياختي ابعدي عنهم اريح لك وطنشيهم ولا عاد تروحي لهم ولا تستقبليهم ولا تسالي فيهم
الله يفرج همك ويريح قلبك
لإبتسامتي رواية
الصبر يابنت الحلال الصبر نهايته حلوة

اصبري
لاتفهموني صح
لاتفهموني صح
يوووووهـ الله يعييينك صصدق معانااااهـ
بسس مالك الا الصبررر وبعده الفرررج باذن الله .. اكثررري من الاستغفار وقول حسسبي الله ونعم الوكيل بترتاحين صدقيني الله يفررج كربك وتتيسسر ان شاء الله : )
ملاك الكون...
ملاك الكون...
رددي دائما ..حسبي الله ونعم الوكيل..
وراح تشوفين كل خير