اهل زوج موضوع لاينتهي ...

:( مدري وش اكتب ولا وش اقول عن اهل زوجي ..عالم غريب عجيب اعرف ان في اهل زوج شداد ...يحبون ولدهم ..لكن مثل اهل زوجي مالهم شبيه ..كيف يبغون له شر..ويفرقون بينه وبينا اللي هو انا وبنتي وحامل
ولا يكلو ولا يملو من هالموضوع ...صرت اخاف لايصر الموضوع حقيقه واصير بين لليله وضحاها مطلقه وتشتت اسرتي ..
للتقولو شكاكه ..
والله والله شاهد اني دخلة عليهم بطيبه ورحمه عليهم مع ان الواقع يختلف وكل الناس نصحوني مااخذ من نفس العايله مشهوره بقسوته ..لكن خليت هالكلام ورايه وقلت وش دراى الناس فاضين ماعندهم الايتهمون الناس ...
زوجي اقولكم صفاته ...طيب ..حبوب ..راضي والدين لابعد حد ولله الحمد ..اللي فيجيبه ماهو له ..مصلي وصوام ويحب الخير ..حافظ اكثر من نص القران ولله الحمد ..نفسه بريئه مايعرف الف ودوران ويعامل الناس ببرائه..
اهل زوجي ..الاب طيب وشهم وملتزم دينيا ومتشدد ..ومايسمع في بناته >>
ام زوج ..طيبه تحب ابناها بشده لدرجة التملك متحكمه ومصيطره على كل شي ..واميه ..ورايها هو صح وكلنا غلط
خوات زوج ...غيورات .. شرانيات وخبيثات ..والله اعلم بلخافي وشديدات وقويات شخصيه مايهزهم شي ..وعلى العكس يظهرون لاخوانهم انهم ملتزمات وانهم صاحبات خير ..وانا اشوفهم يتابعون المسلسلات تركيه من غير الكلام الوسخ>>>كل هذا مالي دخل فيه شرهم على نفوسهم كنت اقول
لكن اكتشف بعد فتره ..انهم يحاولون في زوجي يطلقني من اول يوم هذا لا مايصير..
والله لوقلت لكم عن الكلام اللي ينقال لي وسب والاستخفاف بي وباهلي وبقبيلتي ..تقولو كيف متحمله وصابره ؟؟؟ كل شي عشان زوجي الطيب ومعاملته لي كاني ملكه
والله يابنات كنت اشكي له ومايصدق يقول اهلي مستحيل يقولو هالكلام ...:(
وانا مالومه لانهم قدامه يسون نفسه ملائكه ...لكن سهام الليل ماتخطي ...ربي كان معي
وعيني عينك تكلمو علي وزوجي جالس وفين في بيتي ...
وانا ساكته انتظره يرد ولا كلمه ...طبعا انا خلاصؤ وصل الحد اربع سنوات وساكته حلفت لااعلم اهلي وهو يترجى فيني ويتهدد مايصير لي طيب ...
انا بعد ماجلست وهديت... قلت ليش اسمح لهم بهدم بيتي وسكت ومررتها لهم ...لكن قهرني موقف زوجي السلبي :angry2:
قلت معليش دواكم عندي ..وبعد فتره طلعو اشاعه اني تطلقت لان اخته غلطت علي فضحو نفسهم بنفسهم مع اني ماعلمت احد ..واكتشف بعدين انهم وصلو سالفه عند ابوهم غير وشككو باخلاقي ...بس عمي عاقل وماتكلم معي بلموضوع وانا اصلا قد حلفت لزوجي لوابوه تكلم معي لادخل اهلي في سالفه