اهل سدير والحريق وثادق وشقراء والباقين المحلى المحلى؟؟؟

هلا فيك اختي صراحه مااعرف الطريقه بس اذا تبين تشرينه جاهز وشغل نظيف فيه
بمحل الحياله في الربوه عندهم ويجيهم كل يوم حرمه تسويه ماعليك الا تاخذينه وتسخنين
واذا بقى حطيه بالثلاجه واستخدميه مره ثانيه وبااالعافيه

معليش اختي ذكرت اللي اشتريه من عندهم الحنيني مدري عن المحلى

هلا فيك يا بنت ديرتنا
شكلك مضيعه الله يحييك حنا موب في قسم المطبخ حنا في ركن الازياء وتجهيز العروس
بس معك حق لازم العروس تعرف وش لون تطبخ قبل العرس

الحين اللي ذقتيه لين مره يعني لازم يوكل بالملعقه يعني بالعربي زي العجينه او منتثر؟
علي العموم ترا طريقتهم حول بعض بس وحده نكثر فيها الطحين
بقولك الطريقه بس بدون مقادير(ظفره)او (مطفوقة)
شوفي 1)تفقشين تمر مكنوز طبعا
2) تحطينه في قدر وتغطين التمر بمويه
3) حطي زبده المقدار اللي تبغين بس كل ماكثر زان(دبا)وتولعين النار وسط موب عالي عشان مايحترق
4)اذا ماع التمر يا طويلة العمر- طبعا انتى كل شوي محركة لين ماع - توخرين القدر عن النار بعدين الخطوة الصعبه يبيلك حيل تبدين تحطين الطحين الاسمر على شوي شوي وانت تحركين بشكل دائري لين توصلين الليونة اللي انت تبينها طبعا بترجعينها على نار هااااادية وبيلين شوي
5) كل خمس الى عشر دقايق روحي حركي المحلا عشان تستوي كلها موب تصيرين رفلا ويحترق جزء وجزء عجين
اللي يسمعني يقول ما شاء الله عليها ماقد طلعت من المطبخ

أهلين أختي ---
المحلى يبيله يد كانها اتوماتيك-

اول شيء جيبي لك تمر كنيز ممكن كيلو وحطيي عليه موية مغلية لا تكثرين بس على شان يموع التمر شوي ويلين وبعدين ارفعيه على النار على شان يسهل تحريكه وبعدين ارفعيه وحطيه على شخال وتحته قدر وحركيه على الشخال على شان ينزل لك التمر من تحت بدون نوى وقشر 0
ارفعي التمر المشخول على النار وزيدي كل شوي دقيق بر ليمن يكون سمكه مثل السليق او اخف يعني زي خف خليط الكيكة وبعدين حطي شوية فلفل اسود وقطعة زبدة وحطيها على ناااااار هادية او فوق النار حديدة الصبيب لمدة تقريبا ساعة وبعدين ممممممممممممم شهويتيني عليه امي الله يحفظها تضبطه ضبط0
وكلي وادعي لي 0

يوم شفت ثادق فز قلبي