اهمال الاطباء.. طبيبه سعوديه في مستشفى اليمامه

السلام عليكم ورحمة الله وبركاته
اليوم راح احكي لكم قصه ولادتي الي من مدة عشر سنين طبعا القصه ذكرتها باحد المواضيع بس حبيت افرد موضوع مو عشان تعرفوا معانتي لا بس
ابغى هالقصه يصير لها صدى وتوصل للمسؤليين ويصير عندهم اهتمام لمثل هذا الحوادث
ولادتي كانت بتاريخ 27-5 1419هــ يوم الجمعه الساعه 4 عصرا شفتوا كيف الدقه الي ولدتني طبيبه سعوديه في مستشفى اليمامه وطبعا يوم الجمعه مناوبه !! .


والله يااخوات لما اتذكر هذي الولاده والي جاني من بعدها تصيبني القشعريره والخوف جتني الولاده يوم الجمعه يعني الدكاتره مناوبين وزي ماذكرت ولدتني طبيبه سعوديه ماودي ادعي عليها بس عند الله تجتمع الخصوم المهم بعد ماولدتني وكانت معامتها قاسيه جدا مع انها كانت صغيره طبعا نظام السرير القديم وهي رفع الرجلين وبحكم اني مااعرف شيء عن الولاده الطبيعيه .. وطبعا ولادتي كانت متعسره جدا لدرجة انهم استدعوا اثين من الاستشاريين عشان يشوفوا وضع البيبي والحمد الله ولدت وبعد ذلك والي عليها القصه
المحروسه الي هي الدكتوره بعد ماولدتني راحت وتركتني معلقه بين السما ءوالارض حوالي نصف ساعه وطبعا بس طلعت البيبي والمشيمه بس يعني مابعد نظفت الرحم جت المحروسه بعد تقريبا نصف ساعه
يمكن اخذت غفوه ولاراحت تتغدى مدري الله اعلم خيطتني ثم نزلت رجولي ولا تنظيف ولايحزنون ,,,الله يكتب الاجريابنات ترى حصلي انزلاق عضروفي صرت اعاني منه طول حياتي المهم ودوني للترقيد ولاقدرت تحرك من التعب من بكرى لما سحبت نفسي لدورت المياه طحت في الحمام من الدوخه رنيت الجرس على الممرضات ولكن لاحياة لمن تنادي زحفت على الارض مثل الطفل الي لسى متعود الزحف لحتى طعت من الحمام شفتوا كيف العنايه جت دكتوره باكستانيه وقلتها القصه قامت تخانق الممرضه بس المفروض انها قاست الدم عندي ولاشيء من هذا المهم باليل مشيت لاهلي اطبعا سافرت ثلاث ساعات والحمد لله وصلت بالسلامه من بكرى هي الفاجعه والي عرضت حياتي للموت مرتين ,,, من البكرى العصر حاولت مع نفسي وقمت اتروش
جتني الدوخه بس تداركت نفسي ورحت لسريري والله يابنات مااكذب اذا وصلت لهنقطه احس برجفه بجسمي وخوف شديد حتى يدي بدئت ترجف مااقول الا حسبي الله عليها من دكتوره المهم رحت لسريري واذا مثل الطلق يجيني ويدف الدم والطلق مره ثانيه ويدف الدم في بداية الامر مااخبرت الي حولي بس شفت الوضع تازم قلت خالتي تعالي جنبي يجيني الطلق واضغط على يدها بقوه المسكينه كانت تحمل عشاني مفرشي يااخوات صار بركة دم
راحو واتصلوا على دكتوره هنديه اظن في مستوصف اهلي طبعا في القصيم وجت الله لايربحها ومعها ممرضتها وبدت تكشف واذا الصراخ والعويل والله كلما تذكرت فشلت من اهلي شفت انها بس قاعده تعذبني طردتها وخرجت دقوا اهلي على الاسعاف وشوي الا هما جايين على صلاة المغرب والله انه شايليني بفرشي من الدم الي انا اسبح فيه وحطوني في النقاله ورحت وراحت معي خالتي واحد من قرباتي على طول على غرفت الكشف وتعرفون ياحبيباتي الخياطه مازلت طازجه وطلبوا كيسين دم عشان صار الدم عندي 6 وجلست في المستشفى وقالوا لازم تنظيف ياماما عشا ن المشيمه متقطعه قلت لاااااااااااااااااااوالف لاااااااااااااا كان ضايق صدري مررررره والله يابنات جالسه ابكي كلما تذكرتها ,, المهم كان اخوي عندي في الزياره طبعا البيبي ماهو معي ولاشفته من الي جاني المهم كان اخوي عندي جت السستر وطلبت من اخوي دم عشان التنظيف قلت تعالي انتي ومن قالك اني ابي انظف المهم جلست ابكي واخوي يهديني حتى الزوار الي عند جارتي جو يهدوني المهم وقعت وخرجت على مسؤليتي تدرون ليش لاني نشفت والله ولانقطت دم وفرحت وقلت خلاص بس ترى هذا نذير بالخطر مو اني خلاص خفيت المهم وقعت وخرجت على مسؤليتي ,,,,طبعا جلست في المستشفى اربع ايام
طبعا خرجت من المستشفى على مسؤليتي وقف الدم يعني نشفت والله اني مسكينه احسبي خلاص انتهت المعانات ورحت لبيت جدتي الله يرحمها ويغفر لها وفي المساء اكلت علاج شعبي
وهنا المصيبه ......




وقبل الفجر بساعه حسبت اني ابغى دورة المياه قمت قالت لي خالتي لاتقفلي الباب قلت طيب خرج مني كتل دم على كبر التفاحه وحده ورى الثانيه جلسلت ابكي وناديت خالتي جابت لي حفاظات من حقات ابني الكبير بس مانفع طلعت وطحت بالغرفه وقالوا نطلب الاسعاف رفضت خفت ينظفوني واذا نظفوني راح يفكوا الخياطه طبعا طلبوا الاسعاف اتسنت على خالي وخالتي وجاء الاسعاف وركبوني بالنقاله وركبوا فيني الاجهزه الله يعين بدت دموعي تصب يابنت اعقلي ...
وكان ابني الي والله ماكملت فرحتي فيه يبكي جوعان وكان صدري يوجعني لاني مافضيت عشان ارضعه وقلت لاهلي ولدي رضعوه والله يابنات تخيلت انهم شايليني على قبري ترى امي ماتت وانا عمري شهرين وكانت توصي اهلي وهي بالمستشفى تقول رضعو البنيه الله يرحمك يامي الحبيبه ورحت للمستشفى وطبعا للكشك وقالوا لي انتي الي خرجتي على مسؤليتك قلت عارفه اني غلطانه طبعا سيدا لغرفت العمليات وطلبوا ثلاث اكياس دم ونظفوني طبعا فكوا الخياطه ولما صحيت كانت آلام شديده ماتتصورونها وودوني لغرفت الترقيد وكنت طول الوقت اون والدم معلق معي كل الي حولي اسمعهم مشقفين علي وجلست في المستشفى خمسة ايام مارضوا يخرجوني عشان يتابعون فقر الدم والدكتور كان سوري اسمه مأمون طبعا في المستشفى المركزي في القصيم القديم والله ان عنايتهم احسن بكثير مع ان المينى قديم وكل شيء مهتري فيه ولكن عنايه بصحة المرض فائقه الله يوفقهم كلش ولا مستشفى اليمامه الي في الرياض ولا الدكتوره السعوديه الي ولدتني الله لايوفقها وعند الله تجتمع الخصوم يعني سببت لي كل هالمصائب وكما انزلاق غضروفي اعاني منه طول حياتي اخوي قال لازم تشتكين عليها لكن زوجي رفض قال مانبي وجع راس اكيد راح يقول كذا تدرون ليش لانه ماشاف كل الي صار لي بعيد عني .
الله يكتب الاجر بس والحمد لله انتهت هالقصه

منقووووووووووووووووووووووووووووول للفااااااااائده