اهمال الزوج

مساء الورد اخباركم كل عام وانتم بخير وصحه وسلامه وعيدكم مبارك بنات بدخل ب الموضوع بسسرعه انا متزوجه لي الان ١٣ سنه وعندي عيال الله يخليهم لي المهم انا زوجه ثانيه وببداية زواجي حسيت زوجي ماحبني ولايهتم فيني لانه متزوج يبي من عيال لان زوجته الاولى ماجابت الله يرزق كل من يبي ضنى المهم من يوم تزوجته ماكان يحبني وكان لاحملت يابعد عني في الفراش وجبن عيالي الأول والثاني والثالث ماشا الله ورا بعض خلال الفتره ذي صارت مشاكل بيني وبينه وبين زوجته وكان دايم بصف زوجته لين مره طلقني قدامها وعشانها انكسرت بكيت رحت لاهلي بدون عيالي لن اهلي رفضوهم حسيت الحياه صعبه بدونهم كلمته يجيبهم لي بكى وقال برجعك كانت لحظه غضب وافقت بشرط مااشوف زوجته الاولى ابدا وانقل من عندها بعد السالفه ذي رجعنا افضل من اول وصار مايصبر عني ويبيني ويبي عياله ومرره متعلق فيني حسيت وبعياله وندمان بس انا كرهته قلت له انا رجعت عشان عيالي حاولت احبه بس ماش هو أكبر مني ١٥ سنه مفروض يدلعني مايكسرني حاولت والله احبه وهو ماقصر معي وكان مره متعلق فيني المهم صرت مااطبخ له الا بمزاجي ولا اغسل ملابسه ولا اسوي له ولاشي هنا هو تحمل مره مرتين بعدين تغير علي مره وفعلا صار مايطلبني بشي ان سويت انا حره وان ماسويت انا حره صار يسوي اكله ملابسه عند زوجته تغسلهم صار مايتكلم معي كثير ينام برى الغرفه يبيني بس انا مالي رغبه فيه ويزعل يبي حقه بس ماقدر ولا اعطيه وجه بالامور الخاصه صار ينام برى الغرفه له فراش بغرفه ثانيه اذا مره عطيته حقه ياخذه ويطلع من الغرفه وخلاص...اسلوبه معي زين لايهاوش ولايضرب بس احس مايبيني وهو يبيني مادري كيف اقول يعطيني مصروف يجيب اغراضي مايقصر بس كزوجه وحب وموده ماعاد فيه تخيلو اروح لاهلي واجلس عندهم بالاسابيع مايدق الا كان مره والا يرسل رساله صوتيه والغالب مايدق انا ارسله يرسل مصروف وبس اذا بغى عياله عندهم جوالات يدق يسال ويتطمن عليهم وبس صح انا ماحبه واحس بالجفاف العاطفي بس اليوم حسيت زياده عند خوالي مجتمعين وماشا الله خواتي وبنات خوالي كل وحده زوجها يدق يعايدها ويسلم عليها وعلى عيالها انا وعيالي لا بس ولدي ارسل معايده بالقروب ورد كل عام وانتم بخير وبس...والمشكله زوجي دق ع ابوي وامي يعايدهم وانا مادق يعايد وانا من العشر الاوخر عند اهلي 💔💔💔💔💔 شعور يقتل اي انثى وش تفسيركم لاتصرفته وش يبي تتوقعون يبيني اتطلق لان كذا مره اقوله طلقني يقول انا ماراح اطلق وتصير الحقوق لك تبين انت انت روحي للمحكمه واطلبي الطلاق انا ماراح اطلق ماتبيني انت روحي عشان تطيح حقوقك...وع فكره هو يحب عيالي مره ومدلعهم بس انا مادري عجزت القى تفسير لاتصرفته دعوتكم الله ييسرها لين تعبت من اهماله وجفاه صح ماحبه عقب طلقه لي الاول بس مادري كيف وضعنا كذا دعواتكم الله يزينها بس ووش رايكم وش تفسير تصرفته معي💔💔💔💔