اهمال بنفسي وتعليق زوجي

على كدا لاتلوميه ازا بعد عنك
معليش معاه حق
موشرط كول يوم استشوار ،حتى لو في الاسبوع مرا وتخليه يومين تلاته
ناعم وشكله مرتب ،مناكير لو بالاسبوع مرا بعد صلاه العشاء تسوي مناكير وقبل النوم
او قبل ماتصلي الفجر تشيليه ، ممكن تشيليه بمزيل الي يجي علبه فيها اسفنجه تدخلي اصبعك
ع طول حينمسح واللهي ماياخد وقت
ميك اب مو شرط ميك اب كامل ممكن كحل وروج وبلشر
وقبل النوم لمن تغسلي وجهك حيروح اثر الميك اب الي حطيتيه
والمناطق الحساسه عشان تفتح لازم تقشر والتقشير مايسود بالعكس يفتح
وترطيب طبعن ، شعر جسمك شيليه لو مرا وحده في الشهر بالحلاوه
لازم يكون في اراده منك انتي عشان تضغطي ع نفسك وتهتمي
لنفسك انتي اهتمي ، يوم على يوم حيكون روتين عندك الاهتمام
وموفقه

حبيبتي كل الرجال يبون زوجاتهم 
فيهم انوثه 
والشعر مو لازم دايم استشوار بس من قدام استشوري وحطي كريم ع شعرك وسوي حركه فيه 
مثلا تحطي ربطه تبين انك صغيره ويكون الوان فاتحه او ترفعي شعرك وتلبسي حلق ناعم وصغير يبين الانوثه كمان 
لو بشرتك حلوه بس حطي روج خفيف وارسمي حاجبك 
وحطي كحل فوق الجفت المتحرك يعني بين الرموش وخفيف وتسوي سحبه خفيفه ع زاوية العين بس مو واضحه 
وتحت تعبي فراغات الرموش بفرشاه بكحل 

ولون حيل فاتح وردي ع الخدود 
تحطي مزيل عرق ولوشن ع جسمك يكون بريحة الفواكه 

البسي لبس حلو مثل برمودا او تنوره تكون قصيره او فستان ناعم ويكون لونه فاتح وقصير 

واحتمي برجولك كل اسبوع تقشير

وعطري ملابسك بعطر خفيف 


وبخصوص المنطقع كل ماتتحممين رطبيها باي كريم يناسبك واهم شي جففيها زين قبل الترطيب وحاولي تلبسي فستان او تنوره من دون كلوت عشان تتهوا المنطقا لان لو لبستي شي  يحبس الرطوبه وتسمر 

وبالليل اذا خلاص بتنامين حطي عليها بودره بدون عطر او نشا
طبعا تحطي البودره بعد ماتغسلينها وتجففينها 

وبعد كل حمام رطبي جسمك بزيت جونسن 

وافركي جسمك بليفه مغربيه 


والله يهدي زوجك ويسخره لك

هذا طبع اذا مانتي من النوع اللي يهتم اجل ارتااااحي

اسمحيلي بس انتي ما تقرفي من نفسك يعني الاهتمام والنظافه لنفسك أولاً ولزوجك ثانياً..

الحين مالك نفس تهتمي وتتنظفي وسرتي عديمة احساس زي ماتقولي بكره لاحط على راسك وحده تجيك الطاقه والحماس

وسنتري عند صالونات التجميل ...حقيقه مادري ليش تسوو بنفسكم كذا ..الله يعين الرجال اللي مستحمل..

ترى الاهتمام والنظافه ما يبغالها شئ الحمدلله كل شئ ميسر وسهل ..

الشعر الغير مرغوب فيه شيليه مره في الشهر صعبه هذي ممكن ب الحلاوه واذا مستعجله جربي شرائح فيت تشيلها

بكل سهوله ...وبعد ما تخلصي سويلك حمام بخار اذاكان عندك خيمة السوانا اوهاتي وحده تسوي لك ..او اتحممي

بصابون مغربي او خلطات صابونيه قسم البشره مليان طبي واختاري..وافركي ف جسمك خلي البلاوي المتركمه

تنزل..واخرشئ اشطفي بجل استحمام ريحته حلوه وانثويه...بعدين حطي مرطب وتعطري وبخري جسمك ..وحسي ب

الأنتعاش ترى كلها ماتاخذ ساعه...حمام الساونا مره في الشهر كل ماشلتي سويه ترى يفتح لونك ويصفي جسمك..

الشعر لومرتين في الاسبوع تهتمي فيه مره ماسك ومره زيت شوفي اي نوع من المسكات والزيوت يناسبه وسويه

الصباح لما يكون زوجك في الدوم ..بعد ماتسوي الغدا اتحممي وغسلي شعرك وممكن تستشوريه خفيف بس من قدام

وممكن استشوار كامل حطي كحل روج احمرخدود علشلن تفتحي نفسه على الغدا..

ياحياتي شعرك مو ضروري كل يوم استشوار مره مكريه مره جعديه مره سيبيه على طبيعته مره حطي جل مره ارفعيه

مره سوي تسريحات ناعمه عندك اليوتيوب مليان شوفي واتعلمي..مره قصي مدرج مره قصير مره اصبغي يعني

خليكي متجدده..

المنطقه الحساسه طبيعي اذا فيه اهمال بتغمق لازم النظافه والتجفيف ب استمرار والترطيب ماهو عذر جربتي طرق

كثيره ومافتح لونها تتركيها كذا بقرفها.. فيه غسولات ومناديل معطره خاصه للمنطقه هادي تقدري تجربي اللي

يناسبك ..اهم شئ لاتهملي نفسك...

يدينك رطبيها وسوي لها صنفره وحطي مناكير الحين فيه مناديل مزيله للمناكير بكل سهوله تتشال وماتاخذ دقائق

يعني مالك عذر عشان ماتقولي مايمديني علشان الصلاه..وفيه استكرات حلوه ممكن تحطيها وكل اسبوعين سوي

بدكير ومناكير...

رجولك اذا خشنه نقعيها في مويه دافيه وملح وابرديها ب مبرد القدم اول شئ الجهه الخشنه بعدين الناعمه بعدين

ب الحجر واخرشئ الاظافرب الفرشاه وانعمي بقدم ناعمه ولا تنسي الترطيب..

انتي لازم تغيري من نفسك انتي ماتشوفي اللي حواليك كيف يهتمو ويدلعو نفسهم ايش يفرقو عنك والله اي وحده ممكن

تهتم ب نفسها بأشياء بسيطه يعني لا تعقدو الموضوع على نفسك علشان ماتتكسلي وتملي خلي التنظيف العميق مره

وحده في الشهر وباقي الايام استحمام ب صابونيه وجل استحمام بريحه حلوه وترطيب ..

مع الاهتمام حتى نفسيتك بتتغير..وراح تحبي نفسك أكثر..

ولاتنسي اهتمامك ب الملابس والتغيير والتنويع كمان الانجري نوعي فيه خلي المسكين ينبسط..

حاولي تستمتعي بكل شئ تسويه حبي نفسك ترى الحياه تتعاش مره وحده استمتعي بنفسك دلعيها ب لبس حلو

ب جلسة مساج ب تنظيف بشره استمتعي ومتعي زوجك الحياه قصيــــــــــره.......

انتي اهتمي في  نفسك عشانك اولاً ولزوجك ثانياً وصدقيني بتحسين بشعور حلو وثقة.
اعرف وحدة شعرها ما تستشوره الا نادر بس تسوي فيه حركات بسيطة 
ترفعه وتحط فيونكة مثلاً نفس لبسها مع الحلق تطلع تهبل ماشاء الله
عندك الحلق اللي يجي الوان في ابو ريالين كثري منه وحطيه في علبة وخليها عادة تلبسين مع كل لبسة حتى البجامة او قميص حلق لونه مناسب ومع القلوس بتطلعي ناعمه..
والاخت نسيان كفت ووفت بالطرق واضيف لك تخلطي زيت زيتون وسكر وملح وافركي فيه جسمك مع كل حمام وشوفي مع الوقت نعومة وصفاء
والله يعينك ويوفقك ويجملك في عيون زوجك♡