اهمال وبرودة اعصاب من الدرجه الاولى

مساء الخير. بقولكم سالفه مضيقه صدري بلحيل وهو ان عمتي متوفي زوجها وهي ام ايتام صغار بس الله يهديها فيها اهمال بدرجه ماتتصورونها وبرودة اعصاب تخيلو بنتها الي في ثالث ابتدائي محتاجه اغراض للمدرسه من دفاتر وغيره تخيلو اتصلت على اخواني في اليل يوم جت تنام قالت اذا احد بيروح لم البقاله يجيب لبنتي كذا وكذا اخواني صدق طيبين بس ينقهرن من تصرف ها الحرمه يقولون سبحان الله توها تتذكر يوم جت تنام والله حاله واصلا اخواني بلكاد الواحد يروح يتقضى لنفسه تعرفون الشباب الله يهديهم انا الصراحه منقهره من ها الام وبرودة اعصابها هي ماعليها من ناحية الحاله الماديه المفروض تقدر تتصرف مثلاً لو تحط لها من ها السواقين الي يوصلون للمشاوير ويكون معه حرمه واذا بغت شي او مشوار توصيهم او على الاقل تتصل على اخواني العصر او المغرب مو اذا جت تنام كن اخواني مثاليين ومطيعين بس للاسف هم من جيل ها الوقت الي الواحد بلكاد يرفع راسه من النوم واصلاً ماتعودو يتحملون مسئولية انفسهم حنا يا خواتهم وامي كنا نتبهذل اذا طلبنا منهم شي في الشهر مره بس انا مقهوره من عمتي اكثر شي احسها جداً مهمله من الدرجه الاولى ولاهي اول مره تتصرف كذا ياكثر المواقف اذكر واحد من عيالها يوم كان في ثاني كان طول اليوم يلعب وانا استغربت لاني ما اشوفه ذاكر او حل واجب فسئلته قال ايه مذاكر قلت جب الشنطتك فجابها وانصدمت ياكثر الواجبات الي ماكان يحلها وكثير عليه حفظ ولا حفظ شي المشكله ان امه متعلمه وشابه لو انها حرمه كبيره او اميه كان عذرتها انا اليوم جداً تضايقت من اسلوبها مع بنتها فقلت لخواتي اني متضايقه وماودي اسكت فخطرت لي فكره وهي ان السواق الي يوديني لدوم هو رجال كبير وطيب ومعه زوجته وهو امين وقالولي هو وزوجته اذا احتجتي اي مشوار او اي توصيله دقي علينا الله يجزاهم خير انا دائم اقول لعمتي عن هذا السواق بس هي ما تحب السواويق معنه طيب وسعودي ومعه حرمته بس مو مقتنعه ففكرت اني اجتمع مع اطفال عمي الايتام واقول لهم شوفو حبايبي اذا احتجتو شي من المكتبه او اي محل او اي شي خاطركم فيه اكتبوه في ورقه وعطوني اياها وانا اذا رحعت من الدوام مع هذا السواق وحرمته امر واشتريلهم الي يبون والله لو اقصر على نفسي واعطيهم فقلو خواتي يا بنت الحلال لا تدخلين نفسك في متاهات انتي منتي احن من امهم انا صدق مو من طبعي القافه ولا احب ادخل نفسي في اشياء ماتخصني لكن مااتحمل اشوف يتيم ينذل ويهمل بها الشكل والله احس ان قلبي يحترق كل ما اشوف مواقفهم الي تمر من عندي المشكله ان يا اليت امهم من النوع الي اعصابها حاره وتهتم كثير. لا بلعكس انسانه بارده لو مثلا تتصل على اخواني وتقول بنتي تبي كذا واهملو وماجابو لها كان. عادي عندها كنه اخر اهتماماتها