الي فهمته من كلام الدكتور ان الوحده تعيش لنفسها تدلع ذاتها بروحاتها بطلعاتها بلبسها يعني تعيش الذاتها وزوجها تقوم فيه بمايرضي الله اولا واكيد تدور الي يرضيه بس مايكون هو محور حياتها البس لاني البس له واصخر حياتي رضا له لاكذابتصير الوحده مافيه فرق بينها وبين الشغاله هوصادق الحياه حلوه فيهم اذازان لك وبدونهم احلا اذاماعجبك وتراي اول وحده جربت هالطريقه وارتحت

كلام سليم الرجال مايحب المره اللي شغلها الشاغل هو لا بالعكس كل ماكنتي بعيده نوعا ما عنه يشتاق لك اكثر وانا ما اقصد بعيده تروحين بيت اهلك لا اقصد بتفكيرك مهتمه بنفسك باكلك وزنك رشاقتك جمالك لبسك اطفالك حتى وهو جالس حسسيه ان الدلع لاطفاله العبي معهم اضحكي وهو يتفرج صدقيني كل ماقل شدة الاهتمام بالرجل كل ماحس بقيمة المراه
بعض النساء الله يهديهم مالها فكر الا بالزوج وين راح وش يبي متى يجي تلاقين الواحد فيهم نافخ نفسه وموطايقها وتجيك تنزل موضوع زوجي متغير ياختي انت بعد تغيري وبتلاقين الحل

ممكن

لإفراط ولا تفريط....

المقصود من هالمواضيع انو حبي نفسك دلعيها لاتجعلي سعادتك فقط بيد زوجك ...اتركي زوجك بحاله لما يكون برى البيت يعني بإختصار لاتصيرين لصقه لاتتنازلين عن حقوقك..لا تصيرين ضعيفه شخصيه ....لكن إذا جلس زوجك معك متعوا انفسكم اضحكوا سوي الشي اللي يبغاه يحبه سواء دلع او او او ...على حسب شخصيه زوجك....لانه بعض النساء تهمل نفسها وممكن تهضم حقوقها عشان ترضيه وتتنارل وتتنازل وتسكت وكل ماقالها شي بكت وووووووو هذا غلط لانها ماحبت نفسها كيف تبغى غيرها يحبها..والبعض الاخر عكس تماما تهمل وتطنش وتتغلى وتكلف على زوجها وتنافخ وتبغاه يركض وراها وهذا غلط ...
وهذا الامور مو مقتصر على الزوجه على الزوج كمان وعلى الناس كلها...لو زوجك يحبك ولا صق فيك 24 ساعه وحب ورسايل وبرى البيت يتصل عليك كل شوي وووووو..اكيد بتنغثين ..ولو زوجك مطنش ويتغلى ومو مهتم اكيد بتملين ويمكن تكرهينه ...انتبهوا المقصود من هذي الرسايل ..انك تحبين نفسك ولا تهملينها وبنفس الوقت تهتمين بزوجك بس ليس لحد انك تهمشين نفسك او تغثين زوجك... وهذي اللي فهمته من كلام كثير من علماء النفس واللي شفته بحياتي.

إنتبهوا من بعض الكلام والألفاظ اللي تخرب بيوت....كلمة اهملي زوجك مرفوضه إطلاقا..وممكن يطبقونها بعض النساء وتخرب بيوتهم

على فكره هذا كلام د. طارق الحبيب مو كلام الاخت اللي نقلت الموضوع

وهي نبهت بكذا في بداية الموضوع

وفعلا 100% الكلام صح