بسم الله الرحمن الرحيم
هذا موضوع طلبته مني الاخت ركب الاغراب في قسم الطفل
ومالقيت اهم منه لاني نزلته ايام رمضان وكان عنوانه نظام نوم ولدي مريح في رمضان وجاتني رسائل كثيرة على الخاص من امهات احسوا بالذنب وطلبوا المساهده ولله الحمد كثيرات منهم طبقوا النظام واراتحوا ولاحظوا التغير في تصرفات اطفالهم.
كلنا نعرف اهمية النوم المبكر للاطفال
لكن اللي مايعرفه الكثير انه فيه دراسات في امريكا
قارنوا بين دماغ الطفل اللي ينام من اول الليل ودماغ طفل متعود السهر
وجدو انه دماغ الاول اكبر حجم واكثر تعقيد
ومع استكمال الدراسه لاحظو الاتي
اللي ينام بدري تقريبا من الساعه 8 لاهل الدمام
1-اكثر ذكاء
2-اكثر تركيز وسريع البديهه
3-صحته الذهنية ممتازة
4-تحصيله الدراسي ممتاز
5- هاديء ولا يصاب بنوبات الغضب كثيرا
اللي ليله نهار ونهاره ليل
1-اقل ذكاء
2-كثيرا مايصاب بنوبات الغضب
3-قلة التركيز وتشتت الفكر
4-يواجه صعوبات تعلم
5-تحصيله الدراسي غالبا مايكون متدني
6- اكثر عرضه للاصابه بامراض فرط النشاط
وايضا انه في خلايا في المخ لا تنموا الا اذا كان الطفل نايم
ولا تفرز هرمون النمو الا في اوائل الليل يعني من 8 تقريبا
لازم يكون الطفل نايم حتى ينمو دماغه بشكل صحي
ومايخفى عليكم كثرة الاصابات عند الاطفال بالامراض الدماغيه وفرط النشاط وغيره من الامراض
وفيه بلاوي اكثر من كذا بس هذا اللي يحضرني واتذكره كويس
والحمدلله عاهدت نفسي بأن اؤدي الامانه
وانظم نوم ولدي ومااحرمه حاجه تفيده طول حياتي
زي ماكانت الوالدة الله يطول بعمرها تنيمني بدري حتى بدون ماتدري عن المضاعفات الا انها تتبع قول الله تعالى وجعلنا الليل لباسا
انيمه الساعه8 ويصحى الساعه 8 الصبح
هذا نظام نومه حتى لو جاني ظيوف ادخله الغرفه وانيمه واخذ راحتي معاهم
يالله ياامهات جيل المستقبل همتكم اطفالكم اهم من النوم والزيارات نظموا نومهم لاتجنون عليهم طوال حياتهم
انتظر تفاعلكم