والله العظيم تاثرت من قصتك
ياعمري عليك انشاالله يارب ياعزيز ياقدير ياحي ياقيوم انك ترزقها بالزوج الحنون
الي يعوضك عن كل شي وتعيشي معاه احلى ايام عمرك:( :(

عزيزتي انت ضحيه للمجتمع المتخلف اللي مازال لا يقيم المرأه الا ببياضها و شعرها الحرير و خشمها الصغير و خصرها و ما أدري ايش. و كأن المرأه خلقت ليتفرج عليها الناس و من بعدهم ليستمتع زوجها بجمالها, كأن مالها احساس و لا كيان ولا مشاعر و هذه وظيفتها فقط في الدنيا, المصيبه ان النساء هم أكثر من يظلم النساء يعني المرأه تظلم من المرأه نفسها.

السمار نص الجمال, هذا لو ما كان كله, انا طول عمري الناس تناظرني اقل من بنات خالاتي واختي الصغيره, لاني سمراء و شعري خشن رغم ان ملامحي كانت أجمل منهم كلهم. و يوم كنت صغيره كنت أسمع الناس تقول معقوله هذه بنت فلانه, لازم ابوها اسمر, و يوم يشوفون ابوي يقولون ابوها و امها بيض من وين طلعت هذه؟؟ و يقارنون بيني و بين اخوي الصغير لانه ابيض و شعره سايح و يتحسفون علي و يقولون يا ليت لو بياض الولد و شعره فيها لانها ما تفرق الولد ابيض ولا لا, بس البنت مشكله, تخيلي و انا صغيره اسمع الكلام هذا. المصيبه ان حتى امي و ابوي ما عمرهم دافعوا عني و يمكن من غير قصد كانوا يرددون كلام الناس كنوع من النكت و المزاح بدون مراعاه لشعوري. كبرت و انا أحس اني مو حلوه. الين وصلت مرحله المراهقه و صار شباب الجيران يناظروني و يغازلون و ما اقول لك اول يوم غازلني ولد الجيران, حسيت انه مجنون و انه ما يشوف زين ايش يبي بواحده شينه بس بعدها عرفت اني مو شينه مثل مالكل يقول لي. (قصيت لك حياتي)
بقول لك على موقف صار لي مره و كنت مره محرجه, انا عايشه في امريكا و مره كنت مع صديقاتي الثنتين و هم بيض و انا طبعا سماري غامق المهم, كننا نتمشى على البحر و في واحد عراقي يبيع ورد, جاء و عطاء صديقاتي ورد و قال لواحده انها تجنن و ان عيونها احلى عيون و قال للثانيه انت شعرك سايح, صدق انك بدويه, المهم يوم شافني طالع فيني, ما عطاني ورده, قال لي طبعا انت مبين ان قلبك ابيض لان كل السمر قلبهم ابيض و دمهم خفيف. تشبهين الهنود. و راح اختار اكثر ورده ذبلانه عطاني اياها.؟ انا بصراحه ما حسيت برجولي من الاهانه بس تحملت و رحت البيت بكيت لحالي. طبعا لاني طول عمري احس اني شينه ما كنت احط مكياج ولا اهتم بشعري و اقول ما حد بيطالع اصلا بس يوم في الجامعه عرفت انه سال عني واحدعربي و امه ايطاليه و شكله مثل عارضين الازياء, اول شئ بصراحه انفجعت بس يوم شفت انه منهبل علي حسيت اني جميله. انا طول عمري مركزه على الدراسه و بس و بصراحه احساسي اني شينه نفعني اني تفوقت في دراستي لاني كنت ابي شئ يميزني عن غيري و كنت الاولى على المدرسه و بعدها الجامعه. بس تصدقين مره سمعت عمتي تقول من وراي يوم درت اني تخرجت بامتياز (الشينه لازم اهلها يسلحونها بالعلم لانها اكيد ما راح تتزوجو لازم تتعلم زين عشان يصير عندها وظيفه تعيش منها مسكينه)) تصدقين اني انا (قولوا ماشاء الله تقدم لي واحد شكله يجنن و مؤهل عالي و اخلاق ماشاء الله تبارك الله عليه, و تملكنا الحين و عن حب 8 سنوات وزواجنا في الصيف و عمتي اللي قالت اني لازم اتسلح بالعلم بناتها الهم لا شماته فوق 40 سنه و للحين 3 منهم ما تزوجن اكبر واحده يمكن 45 و اصغر واحده 36 و انا تملكت و انا عمري 25 و انا اصلا اللي ما كنت ابي اتزوج صغيره و انخطبت و عمري 19 سنه لأكثر من واحدا بس اهلي قالوا له بتدرس البنت و أنتظر الوقت هذا كله رغم انه خلص دراسته من 6 سنوات.

الزبده حبيت اقول لك ما عليك من الناس و صدقيني انت جميله لان مافي انسان قبيح, (خلقنا الانسان في احسن تقويم) و الايام هذه البنات يعرفون ايشلون يبينون حلوات و عليك بالمكياج و الصبغ و غيري في نفسك و استغلي سمارك و شوفي النتيجه.

ياعمررري انتي والله والله انك احسن من مية وحده زينه صدقيني اللي زينه من برا يبين بالبدايه بس بعدين الناس تبي زين اللي بداخلك
الجمال عمره ماكان مقياس ولو كان يكفيك انه مقياس فاشل
بعدين صدقيني مافيه وحده شينه بهالزمن تزيني البسي اكشخي تمكيجي اعتني بنفسك وبجسمك
واذا على الشعر الله يخلي اليوكو واالفرد وووالخ ماعاد خلو شي
انا متاكده انك منتي شينه بس محتاجه شوية اهتمام وتصيرين قمر
وحتى لو منتي قمر يكفيك انه بوسط ضلوعك قلب مافيه ازين منه


روحي بابنت لطيفه << حفظت اسم امك
الله يكبر حظك

قهوه ساده أجل مين ذولي ؟؟ :confused- :confused-


عائلتي الصغيرة

انا 28 سنه
زوجي العزيز 35 سنه
فيصل 5 سنوات
عبد العزيز 3 سنوات
لمى 9 شهور
:crap: :crap: احترت مين أصدق التوقيع او قصتك ......... ايش السالفه ؟؟

اولا اخواتي العزيزات اود ان اخبركن بانني لست الاخت قهوة سادة فهي الان في مكه وقد اعارتني معرفها بعد ان تعرفنا عبر الماسنجر فجزاها الله خيرا


:) خلاص فهمت