اهه تعبت من هالدنيا .. والسبب تفكير اهلي

ماعليش حبيبتي حتى لو كلام ضايقك تحمليني
انتيلما شفتي القروبات وصخه المفروض تطلعين منها لانك ارقى من انك تستمري فيها
اللحين انسي موضوع الجوال واهتمي كيف ترجعي ثقة امك وابوك فيك
يعني اقعدي مع امك صارحيها ان موضوع القروب كان غلط لكن ماكنتي منتبهه وانك خلاص كبرتي وخليك قريبه منها كل ماكنتي قريبه للام كل مافهمتك اكثر لاتزعلين منهم بس هم فجيل غير جيلنا وصعب يكون عندهم فكره واضحه عنا هم همهم انهم يحافظون عليك وماالومهم
اطلبي من امك تساعدك على ابوك وتعلمك كيف يرجع يثق فيك
توددي له وسوي اللي يحب وناقشيهم على انك بنت كبيره بدون ماتزعلينهم
وادعي دايم ان الله يساعدك فبرهم وانهم يثقون فيك

اكتبي رسالة لابوك ووضحي له فيها إنك انخدعتي فيهم ووضحي موقفك .. واحلفي واقسمي انك اول ماتواجهين بنات نفسهم تسحبين نفسك فورا ..وماراح تخربين تربيته لك ..وراح تبيضين وجهة ..وحطي الورقة على مخدته وخبري أمك ..واصبري تراه بيتأثر فترة ويجيب لك جوال ..
مهما كان انتي فلذة كبده ..

اتركي الجوال ع جنب وشدي حيلك بالدراسه عشان ترجعي ثقة ابوك هو يسوي كذا لانه خايف عليك

تدرين ليش سوومعك كذا لانهم حسو انك خنتي ثقتهم فيك لان امك حذرتك من قبل عن هالقروبات والبنات ذولي همن اكتشفوا القروب وكلام سخيف فيه فهم ايش دراهم انه مو نفس البنات هم بس خايفين عليك لاتتخيلين او حتى تفكرين انهم يكرهونك او حاقدين عليك وانتي غلطتك انك ماحذفتي القروب وانتي عارفه انه اهلك مايرضون فالي عليك الحين انك تنسين سالفة الجوال حاليا وتركزين على الاشياء الي ترضي امك ابوك استرجعي ثقتهم فيك اقعدي معهم سولفي خليك طبيعيه ولو ترسلين لهم رسالة تعتذرين وتفهمينهم الموضوع وانك غلطتي بانك ماحذفتي القروب واهم بتلقينهم بعد فتره جايبينلك جوال

انا مارح اقولك امك واهلك ويخافون عليك وهالكلام الروتيني لكن بقولك الغلط منكم الأثنين
انتي غلطتي انك استمريتي بالقروب ولو زميلتك زي ماقلتي قمة الادب والذوق كان سحبت نفسها
ومادخلتك بهالدوامه وانتي برضوا درس واحد كان كفيل بانك تتعضين وتبتعدين من هالبنات
امك وابوك كان ع الاقل استفسروا منك قبل مايسحبون الجوال منك او ع الاقل يمنعونك من القروبات وبس
اما الضرب والصراخ عمره ماكان حل ولا عمره بيصير حل لأي شئ
مشكلة بعض الاباء الله يهديهم ماعندهم حسن تصرف بس يسمع من الام ويجي هايج ع العيال
وهالشئ غلللللط من المفترض ابوك يتفهم منك الموقف ويسمع لك
بعدين معليش ترى المسأله مو مستاهله كل هالزوبعه كلام بذيئ عليهم مو عليك
وانتي اذا ماسمعتيه منهم بالقروب بتسمعينه بالمدرسه !
حاولي تتكلمين مع امك وقولي لها هالشئ انك منتي عايشه لحالك ولا المدرسه تجيك لغرفتك
انتي مختلطه مع ناس وعالم من مختلف الاعمار وهالشئ بشوفه غصب عني مو بكيفي ولا هي القروبات
الي بتمنعني من سماع هالاشياء قولي لها انا لو عندي خرابيط او لي متعه بهالشئ كان قدرت احذف القروبات
وقت ماتجين تفتشين وما كأني سويت شئ بس انا مافي بالي شئ من الي تفكرين فيه
وحاولي تعتذرين من الي سويتيه اعترفي بغلطك وانك غلطتي بإضافتك لهم بس هالشئ كان برغبة
زميلتك مو منك انتي << لازم تقولين هالشئ عشان يثقون فيك أكثر
والله يخلي لك اهلك ويحفظهم لك ..