هلا عزيزتي
و الله حذفت الموضوع من القهر يقرون و يطنشون .... الله يرزق اللي تبرد نار قلبي كل ما تتمناه يااارب


بخصوص موضوع الخدامة القصة و مافيها باختصار جبنا شغالة على اساس انها مشتغلة ست سنين في قطر. و لما جت اتضح ان 6 شهور بس و لاغين كفالتها.

سالناها ليش قالت صرت مريضة سفروني

نحن ما اقتنعنا. حصلنا اسم الكفيل من جوازها و عندنا اهل في قطر طلعولنا رقم الرجال و لما اتصلنا فية قال اخلاقها خايسة وما انصحكم. زوجي قاله شو يعني شو سوت : كانه قال انها كلمت هندي هناك


اللي انا قاهرني اني انا اشوفها عادية جدا و صراحة ما شاء الله عليها ما تعبتني من اول ما جت تفهم مش مثل بعض الاندنوسيات

و ايضا عطيتها شروط قاسية بخصوص الطلعة وتحذيرات وخوفتها من الطلعة و من انها تنقتل و ماتت من الخوف و انا ممكن اطب عليها باي لحظة اثناء الدوام

وعلى فكره هي 18 سنة و قالتلي انا اريد اشتغل و بس ...وانا اللي كنت مصرة اجي محد اجبرني من اهلى ما اريد اطلع برا ولا شيء و لا اريد تلفون و انا حبيتكم و اريد اظل معاكم .

و اشوفها مسكينه وتشتغل من قلبها و انا بالطبع عطيتها محاظرات و كلمتها عن الاخلاق والحرام والحلال كاني الابلة الناظرة. بالاضافة الى اني ناوية اجيبلها كتب بلغتها عن السحر و الزنا و ايضا ادعية.

و الحين لما نطلع تخاف تحط عينها بعين حد وممنوع تكلم حد. و اصلا في شقتي ما تقدر تطلع حتى لو تجرات لان الحارس و راعي البقالة على طول بيخبرونا وهم مسلمين واخلاقهم زينة. و اعتقد ان اي شغالة ممكن تخترب اذا حصلت حرية في الطلعة والدخلة وكانوا اهل البيت غافلين عنها . بس هاذي الحين في فترتها التجريبية وعلى الضمان و اي حركة غلط اطيرها عادي . بس في مرة كبيرة عندنا لما استشرتها قالتلى الظلم ما هو زين و يمكن الناس اللي عندهم يبالغون و شافتها وقالت شكلها عادي و حركاتها ومشيتها ما توحي .

ادري انكم بتقولون اني مب صاحية بس انا خايفة اسفرها تجيني وحدة العن منها و اخس منها مليون مرة شو يضمني ....


الحين بعد القصة اللي ما صارت اختصار شو رايج

الله يعينج اختي

تدرين انا كم مره شفت خدامتنا تتكلم ويا راعي الدكان وكنت ما اقولها شي لأني ابي اتأكد منها اكثر وفي مره شفتها تتكلم وياه وتضحك وبعدين لما دخلت عصبت عليها ونازعتها وقلت لها اني شفتها وخبرت ريلي عليها وريلي اتصل براعي الدكان وعصب عليه وكان ريلي مسافر وقال لما بيي بيتصرف ويا الاثنين لكن اهله ما قصروا قالوا له خلاص سامحهم و الخدامه اللحين عرفت غلطتها وجيه وريلي سكت ما قال شي لكن انا دايما اشيك على ارقام التيلفون وشفت رقم غريب دايما تتصل فيه ولما شيكنا طلع رقم مغلسة ملابس وريلي عصب عليها ونازعها ونازع الهندي وقلنا بنسفرها بس كل ما قلنا بنسفرها نهون .. انا اخاف تكون مسويه لنا شي :23: انا دوم اشيك على اغراضها وملابسها اقول يمكن مسويه شي وشفت خرقه مخيطه وداخلها ورقه بس هي حاطتها ويا فلوسها .. فنحن قلنا يمكن تخاف حد ياخذ فلوسها عشان جيه مسوتنه مع ان ما حد غريب يدخل بيتنا وما احد يدخل غرفتها وهذا شفته بس من شهر يعني من اول ما يتنا ما شفته وياها .
نسيت اقول ان خدامتنا وايد زينه وما يبين عليها انها مال هالسوالف.. و وايد تحب عيالي :06:

ان اردت رأيي اختي فهو الاستخارة اولا ثم ثانيا ثم ثالثا وبعد ان تصلي استخارة قرري اما ان تبقى واما ان تذهب

لسبب بسيط .. هنالك احتمال ولو انه ضعيف لكنه وارد وهو ان الكفيل السابق يتجنى عليها لاي سبب كان ..

وحتى لو فرضنا ان الكفيل صادق فيما يقول فربما انها كانت كذلك ثم تابت خاصة وان عمرها مازال صغيرا

ولكن بما أنها كلها إحتمالات غير مؤكده وحتى تكوني على ثقة من قرارك فالاستخارة هي الاساس وبعدها فكري في امر هذه الشغاله فإن رأيت بقائها فاستخدمي معها اسلوب التعليم بدلا من التخويف .. علميها الصواب من الخطأ وكانك تعلمين ابنتك وبذا تكسبين فيها ثواب خيرا لك من ان تخوفيها من الخروج لانها سوف تكتشف عاجلا ام آجلا ان مخاوفها غير صحيحة وعندها لو لم يكن لديها مايردعها فسوف تفعل ماتريد ..

وفكرتك عن الكتب ممتازه شرط ان لاتجبريها عليها حتى لا يؤدي ذلك الى نتيجة عكسية

وفي كل الاحوال لاتعطيها الأمان المطلق وتطمئني لها مهما بدت لك مطمئنة وراقبيها دائما من بعيد ولازمي الدعاء ان يصلحها لك الله ويعطيكم خيرها ويحفظكم من شرها كما ادعي لها ايضا ان يعطيها خيركم ويحفظها من شركم..

ولكن هنالك نقطة استغربت لها .. كيف تأمنين على زوجك من وجود فتاه في هذه السن معكم بالمنزل؟؟؟:07: