السلام عليكم ورحمة الله وبركاتة
مساء الخير وصباح الخير للغاليات
تصدقون يمكن اول مرة افضفض لكم اليوم جاني شعور غريب حسيت بالظلم مع اني ماعلقت نفسي بحافز من اول ماسجلت ان جا حياة الله
وان ماجا الله لايجعل رزقنا بيدهم والحمدلله عايشين من غير حافز اللهم ادمها من نعمة
المهم حافز نزلي لكن الشهر هذا تفاجئت فتحت الجهاز وكان زوجي جالس
ويوم فتحتة الا ومكتوب بالخط الأحمر
غير مؤهل
والسبب تتوقعون ايش
تصدقون ان العم حافز يقول
تشير سجلات الأحوال المدنية بأن العمر الهجري للمتقدم لايقع في الفئة العمرية المحددة
انا ماأدري ليش حطوا حافز اساسا الحين يقول للباحثين عن العمل
طيب انا لي اكثر من عشر سنوات كل سنة اقدم ع الديون
يعني باحثة عن عمل
وشي ثاني حاصلة ع شهادة تؤهلني للعمل
وفي الأخير حكمت محكمة حافز اني مااستحقها وانكرو اني ابحث عن عمل
وانكرو تقديمي كل سنة وانكرو شهادتي الي سهرنا الليالي وتعبنا
وانهلكنا وحنا نذاكر وكل سنة ع اعصابنا وحنا نقدم للديوان
وفي الأخير ما اقول الا لاحول ولا قوة الا بالله
وفي جدارة قالوا الأحقية للأقدمية وان النقاط تزيد بكل سنة نقطتين
وين طيب الوظايف وين نقاطنا ما فادتنا طول السنين الي راحت
حسيت بشعورمحبط وصابني صمت عجيب
بس ماقلتلكم ردة فعل زوجي يوم قرينا الخط الأحمر
تفاجئ وقال يعني عجزتي
لكن قلبتها علية لأن الفرق بيني وبين زوجي تقريبا 6 سنين
وقلت لحظة لحظة الفرق بيني وبينك 6 سنين يعني انت دخلت الاربعين
والا يوم طير عيونة قال لا باقي الا واحسب باصابعي واعد 35 وازود عليها ست سنين وتطلع اربعين
انقلب السحر ع الساحر :42:
صراحة المفروض يسمونة المؤرخ حافز لحساب الأعمار
لأنة كشف اعمارنا
يالله هذة حسنة حافز خلانا نعيد حساباتنا في عمرنا الي راح
* اسطوره انثى * @astorh_anth
محررة فضية
يلزم عليك تسجيل الدخول أولًا لكتابة تعليق.
منآآي آلجنه
•
استغفرالله واتوب اليه
الله يحفظكم ان شاءالله
ويمدكم بالصحه والعافيه
ويااااااااااااارب العمركله
والله ينصرناعلى حافزيااختي
ويمدكم بالصحه والعافيه
ويااااااااااااارب العمركله
والله ينصرناعلى حافزيااختي
غلط يحددون الى 35 سنه .. هذا العمر باقي في عز الشباب والوظيفة المفروض مالها عمر
الله يعوضك بوظيفة تغنيك عن حافز
الله يعوضك بوظيفة تغنيك عن حافز
الله يرزقك بالوظيفة بس. وش دخل انك عجزتي حافز من كيفهم حاطين العمر مو معناه انكم كباربالعمر لكن. مايبون عدد المستحقين يزيد فتزيد االاعانة والصرفية انت بقمة شبابك ولاتنسون اهل الجنة اعمارهم ٣٣ سنة
الصفحة الأخيرة