اه اه ياخواتي موعارفه اتخذ قرار بس حاسه اني بموت

الأسرة والمجتمع

خواتي كتبتب قبل فتره موضوعي مع زوجي انه يبغي يتزوج وتغير علي فجاه في كل شي

الجديد انه نفس ماهو صار يمسك علي اي شي واي حاجه ماتعجبه وكثير الزعل والعصبيه يعني يدور الزله

وصار كثير ينتقدني ويقول انا مقصره في كل شي واني صاحبة مشاكل تخيلو قبل العيد بيومين انام ودموعي على خدي وليلة العيد بكاني من كلامه فلان تزوج وياحظه صاحب الثنتين واللي بيتزوج وقالي ا لو اتزوج اللي ماسويته بعرسي الاول راح اسويه المهم يوم العيد جاء وسلم وقالي قولي لي بنت حلال المهم سكت انا سلم ع امه وعلى اخواته وقالهم نفس العباره

طبعا قال لاخته من وراي هي قالت لي يوم جبنا الموضوع قالها انت عليك دين لازم ترديه لي قالت وشو هو قال انتي تعؤفي قالت اذا قصدك اجي معاك اخطب لك مستحيل زوجتك ماتستاهل الا كل خير لان كل اهله ضد الموضوع

سكت انا رغم اني ابكي بداخلي في الليل نفس الالموضوع فتحه بطريقه ثانيه قالي صديقي بيتزوج و

عنده خمسه عيال قال ماادري ليش الرجال هابين ع الزواج هالايام قال انا ماقولك عشان ابرر لنفسي قلت الله يرضى عليك قفل الموضوع مايحتاج نعيد ونزيد انت تعرف ردي لالالا


قال انتي تحرمي شي اباحه الله انتي بتتعاقبي لان الله سبحانه وتعالى قال فانكحو ماطاب لكم من النساء فان خفتو الا تعدلو قال بمعنى ان الرجال من حققه يعدد الا اذا خاف انه مايعدل وهذا مو فيني انا متاكد اني بعدل انا اعرف نفسي طبعا هذا كلامه قلت له وغرك وشو هو قال مو ضروري فيه عذر ولا اعيب زوجتي عشان اتزوج انا
ابغي اتزوج وبس فيني فقعه منففع وبس
هو طلع وانا تميت ابكي يوم العيد الناس تفرح وانا قلبي يتقطع مارمت استحمل كلمت اهله كلموه لاني قلت لهم خلاص ماقدر استحمل كلموه وعصبو عليه قالهم خلاص ماراح اكلمها بشي ثاني يوم قالي شو وووو احسن عنك انتي ارتكب الحرام ولا اتزوج قالي بس جاوبيني خلينا نتنافش قالي لان اكثر الحريم زوجهم يرتكب الحرام ولايتزوج قلت له لا هذا ولاذاك قلت له يعني اذا قلت لك الحرام بتروح اذا ماتخاف من ربك هذا بينك وبينه

قلت له انت متزوج ليش تروح عندك زوجه قالي بصراحه مغريات الزمن كثيرره الواحد يخاف على نفسه قلت كيف مافهمت قالي قفلي الموضوع خلاص وماجاوب علي


قلت له اسمع شورايك نروح عند شيخ يقرا علينا يمكن فيه شي خلينا نقتنع قالي انا مافيني شي انتي ليش ماتقتنعين قالي اوك بشرط اذا مافيني شي اعطيك ورقتك شوي وغير كلامه قال اذا الشيخ قال مافيني شي تقولين قدام اهلي موافقه ع زواجي

وطلع من البيت


اليوم طلعنا بس والله ياخواتي اني طالعه كاني مو مع زوجي الي اعرفه طول الطريق ساكت حتى ونحن نتمشى ماعاد يضحك احسه تعبان مضايق عصبي ماعرف ايش اقول ماتكلمنا كثير الا انه كان يقلب عيونه يميم ويسار يبصبص وهو من قبل فيه هالعاده يشوف البنات حتى انه قالي شفتي هذي تشبهه فلانه وفيه بنيه نادت صديقتها يازوزي رد وراها يازوزي قال اايش هالبنات اللي يتميعون وانا ساكته

رجعنا قلت في نفسي بحاول محاوله اخيره عشان عيالي حاولت اسولف وقلت له شو رايك نتصافى وخلاص ننسى اللي صار ونبدا صفحه جديده


قالي مااقدر مشاكلك زادت وانتي رحتي قلت لاهلي واهلك عن الزواج قلت هذا موضوع كبير ماينسكت عليه وانت اللي بديت بالموضوع

قالي انا خلاص حاس من داخلي اني ماعاد احبك واللي بينا كلها شهور سنه سنتين بالكثير ثلاث سنوات وننتهي مستحيل نستمرررر ماقدر قلت كبف تعيش مع وحده ماتحبها قال نمشي الامور وعشان هالولد والبنت

قال ويمكن قريب لين ماعاد اقدر استحمل قالي هالكلام روحي قوليه لاهلك ولا لاهلي ترى انتي عادي تطلعي الكلام

والله ياخواتي ان انا من تزوجت ماطلعت ولا كلمه كل الكلام بيني وبينه ماكنت احب احد يطلع على شي بيني وبينه لين ماهو قال بيتزوج اكيد لازم ادخل الاهل مافيها لعبه


الحين انا قررت اقول لاهلي وننهي الموضوع تعبت والله حاسه انه فيه شي في باله يخطط اه ومااعرفه وبعدين حتى في البيت مو زي اول كله ع التلفون ومايتكلم ولايسولف وحتى العلاقه الخاصه اللي بينا احس انه بس يجامل عشاني لانه مو نفس اول ولاعاد يهتم في هالشي


تخيلو قبل يومين قالي شوفي شفت قلت له وش يعني هذا قالي تاملي عدل كانت الصوره رقبة رجال مو باين من الصوره الا الرقبه وكان مجروح برقبته قال مافهمتي قللت لا انا على نياتي قالي هذي اللي سوت في رقبته قويه سوت له علامات قلت كذا اعوذ بالله قال الا شاطره خليته وقمت وانا مصدومه

ينسون كل شي في لحظه وينسون الايام الحلوه وتهون عليهم العشره
83
17K

يلزم عليك تسجيل الدخول أولًا لكتابة تعليق.

تسجيل دخول

hus44444444
hus44444444
والله يااختي نصيحه وجربيها :

قلوليه اليوم انك تبين سعادته لانك تحبينه واذا هو بكون سعيد بالزواج من الثانيه انت ماعندك مانع ويقدر يتزوج اهم شي يعدل ويعطيكي حقوقك - وقوليله انك مهما حصل حتستمرين بحبك له واحترامك له

قوليله الكلمتين هاذي وشوفي كيف نفسيته تتحسن معاكي - والله يسهلك
حبيبة بنو
حبيبة بنو
الله يهون عليك ويهديه سالفة تروحون لشيخ واضح وضوح الشمس زوجك مافيه الا العافيه من كلامك بس من الصوره كانه يبي يوضح لك عن شي هو يبيه ويدور عنه ممكن عنده طاقه شهوانيه زايده لان كثير يقولون مره وحده ماتشبعه مادري عن وضعكم بس هذا اللي حسيته من طريقة كلامه عن الصوره وشرحه يبي تفاعل اقوى واحساس اكثر حاولي تدورين الاجوبه بنفسك وشوفي الجوانب كامله الا ماتلاقين سبب وتقدرين تعرفين الحل
ام الحلوه 111
ام الحلوه 111
الله يساعدك ويكون في عونك
ويهديه ويسخره لك
أوركيدآ-2014
أوركيدآ-2014
وانتي وش مجلسك عنده اتركي له عياله وروحي لاهلك ليه تحاولين تدورين رضاه وهو بايعك كرامتك اهم منه
hus44444444
hus44444444
لا يمكنك مشاهدة هذا التعليق لانتهاكه شروط الاستخدام.
بس لا تعطيه كافور وتنكسر شهوته عليها كمان - بس وش دراكي ان يبي العنف؟ ههههههههههه