اه كم تألمت بالحقن المجهري هذه قصتي

بسم الله الرحمن الرحيم
بقولكم اولا وش سبب تأخر حملي لمدة ثلاث سنوات انا تزوجت وعمري 21 سنه ودورتي من عرفتها ملخبطه
وهذا كان مأكد لي اني السبب في تأخير الحمل اول شهر من الزواج صار علينا حادث دخلت المستشفى للاطمئنا قالوا عندك تكيس مبايض!!!!!!!!!!!!
لقيناه اثناء الفحص وابتدات المعانه خيروني بين ابي حمل يعطوني منشطات او مابي فيعطوني موانع
رفضت الاثنين قالوا بيكبر التكيس وبتخسري كل شي قلت يالله هات يامنشطات من ثاني شهر زواج كلوميد بدون تفجير
ويالله بجميع اشكال المنشطات بدون تفجير وكل هذا علاج للتكيس وطبعا مع الكلوكوفاج والفورميت بعدها رحت مستشفى الفلاح عند الدكتور سمور كنت قد خلصت سننه من الزواج والبلع سوى لي اشاعه قال مبايضك جديده ولا تكيسات ولا حاجه قال زوجي اجل ليش مافي حمل قال يمكن هرمونات بما ان الدوره ملخبطه سوينا تحاليل وطلعت سليمه رجعت البيت وبديت في خطة التمريخ والاعشاب واقعد فيها كمان سنه ولا جابت نتيجه
وكل شهر تحليل وبكاء وحبوب تنزل الدوره وانواع المغص المهم الله هدى زوجي وحلل بعدما خلاص انتهينا من ضغوطات الاهل وطلع عنده العدد 6مليون فقط
وكان العيب منه
انصدمنا صدمه جنونيه ماصدقنا احترنا ايش نسوي رحنا للدكتور حمود المطرفي قال دوالي الخصيه لازم عمليه هنا زوجي تراجع وقال مستحيل حاولت بكل الطرق ولكنه رفض حوالي 8شهور محاولات ولافائده
قررنا نروح للدكتور حمد الصفيان ونعرض عليه حالتنا ونشوف قال لازم حقن مجهري انابيب لكنها مطوره ونسبة نجاحها 60% ويمكن توأم لان زوجتك سليمه
بكيت من الفرحه قدامه وقال فيه ناس تسويها من غير مايكون فيهم مرض مثلا رجل اعمال دايم مسافر يجمد حيولنات منويه واذا بغت زوجته تحمل تروح تسويها قلنا على بركة الله...
جيت النت وقريت كل التجارب بالذات تجربة شرايين زوجها وبكيت حسيت نفسي مكانها وحسيت العمليه سهله

من هنا شرح العمليه بالتفصيل الممل:
عطوني موعد مع دكتوره اسمها هدى ابو شامه عطتني حبوب تنزل الدوره لمدة عشر ايام ومعها اجوسبرين وحمض الفوليك وحددت لي تاريخ اخذ فيه ابره تحضيريه اخذتها ب450 ريال اسمها لوبرون وقالت تعالي بعد 18 يوم أي يوم بالدوره حتى لو مخلصه عادي عشان نبدأ الابر المنشطه ومرت الايام ال18 ورحت وكتبت لي على ابر مينجون 3 بودره و2مويه لمدة 6 ايام واجي اسوي اشاعه واخذتهم ورحت وسويت الاشاعه قالوا العدد ضعيف والحجم صغير زادتني ثلاث ايام بعد واخذتهم وبدت الاوجاع والالم بغيت اموت ورحت وقالت تضخم المبيض شوي لكن عادي والعدد لسا ضعيف وزادتني يومين وسويت اشاعه قالت عند 14 بويضه ممتازة استعدي للابره التفجيريه
يوم الاحد والعمليه الثلثاء ان شاء الله خفت وارتعدت اقدامي مامر يوم من الابر الا ارتجفت خوفا من يد الممرضه فكيف العمليه ولكن عرفت انه لاتراجع بكيت وبكيت وبكيت من الخوف ومن الم تضخم المبيض اللي زاد بعدما اخذت الابره التفجيريه جا اليوم الموعود ورحنا لمركز ذريه الساعه 7 صباحا ودفعنا 11 الف كاش قيمة العمليه ولقيت وحده منهاره تصيح تقول مابي ادخل وبكيت معها وزوجي صبرني وقال بكره يجي النونو وتفرحين وتنسين الالم بس خليك قويه المهم دخلوا زوجي بغرفه عشان يعطيهم العينه
وانا دخلوني بغرفه غيرت ملابسي وقاسوا ضغطي وحرارتي
ودخلوني غرفه كبيره فيها 10 اسره مليانه حريم وحطوني بواحد وركبوا لي مغذي وتركوني ويجون الممرضات ياخذون الحريم لغرفة العمليات ويرجعونهم مخدرين يماااااااااااااااااااااااااااا اااااااااااااااااااااااه صراحه ندمت وخفت لكن قعدت استغفر وادعي ربي بسرعه ياخذوني وافتك
يوم سمعت اسمي جتني رجفه ودي ارجع لبيتي والله يابنات انتضار الحمل اهون من خوف يدخلونك عمليه والله اسالوني جربت وحسيت وماكنت صدقت احد لو قال لي المهم دخلوني الغرفه قالوا تبغين دكتور ولا دكتوره قلت لا دكتوره وجابوا هدى ابو شامه حقتي وحطوني بسرير الولاده وحطوا لب اكسجين وجا دكتور التخدير وزاد قوة الهوا وحسيت زي الاشواك بجسمي ورحت في نوم عميييييييييييييييييييييييق
ثواني لقيت نفسي بهذيك الغرفه الاوله وحق التخدير والدكتوره يصحوني وقمت اصرخ من بطني وعطوني مهذىء وكمادات ساخنه على بطني وهديت وسالت الدكتوره قالت ماشاء الله وضعك تمام 12 بويضه ممتازه و2 رميناهم مشوهين وخلوني ساعه وطلعوني وقالوا بنعلمك كم بيسير عندك جنين بعد 24 ساعه
والله يابنات مرت ثقيله كنها 24 سنه حسيت عندي اطفال احد بيطمني عنهم
حسيت قطعه من قلبي مو معاي ودي اسمع عنهم ومرت الساعت ال24 مادقوا انتظرت وانتظرتودقيت وعيو يخبروني الا بعد ماتوقعت انه فشل التلقيح دقوا قالوا ماتلقح الا 3 جنين درجه اولى وفرحت طرت من مكاني يعني الامل زاد يارب احمدك واشكرك تعالي يوم الاربعاء للترجيع
اجمل اربعاء انتظرته بحياتي يوم الاربعاء بيكون في رحمي اطفال وبكون ام بخاف على نفسي عشانهم بنام وهم معي اذا بكيت بيحزنوا واذا فرحت بيرتاحوا عاهدت نفسي احافظ عليهم
جا يوم الاربعاء ورحت المركز ودخلوني بس غيرت لبسي زي غرفة الاشعه سووا تشطيب ليزر لجنينين من الدرجه الاولى عشان تزيد فرصة الحمل وحطت لي بالمهبل بوز البطه اللي يوجع بكيت قلت خلاص ابي تخدير وضحكت علي الدكتوره نضفت الرحم شوي وجابت جنيناتي بابره وحقنتهم داخل الرحم وشفت صورتهم قدامي بالاشعه
2 صغار يجننون واحد اكبر من الثاني وعطوني ابره وانا بمكاني وخلوني شوي وقمت رحت الحمام وبعدين سدحوني بس نص ساعه مركز فاشل بصراحه وبعد الفلوس مايعبرونك
ورحت هذاك اليوم عند امي نمت عندها 3 ايام وكان زوجي يكلمني يقول كيفكم يعني انا واجنتي وكنت افرح لما يقولها وكنت اكل عشانهم واصلي قاعده وابكي من الم المبيض واتذكر انهم يتعبون من البكاء واسكت
صرت اخذ ابرتين بالاسبوع تثبيت وتحميلات سايكلوجت 400 وقت النوم رجعت بيتي وبقى 10 ايام عالتحليل ماشتغلت ولا شي والام الدوره معي من اول يوم والله لايوريكم ابر التثبيت كيف المها تورمت اوراكي منها هي والمنشطات بس عشان عيالي يهون
حاولت احلل اليوم العاشر واللي بعده وزوج رفض
المهم عمي قال بيسوي عزيمه لاخوه يوم الاربعاء اللي هو يوم التحليل وكنت اقول لو مو حامل شلون بيكون وضعي ونفسيتي بالعزيمه ولازم اجي مالي عذر لانه في بيتهم هم اهل زوجي طبعا تحت وانا فوق
رحت الساعه 2 الضهر يوم الاربعاء للمركز وحللت قالو يطلع الساعه 4 تحليل رقمي
ولكم تتخيلون صبري هذي الساعتين ابكي واضحك زي المجنونه واتصبر وادعي واتخيل نفسي بالحالتين
جت الساعه اربع لا دقووا بغيت انهبل قال زوجي روحي اشغلي عمرك البسي وتمكيجي للعزيمه رحت والله من غير نفس بس ابي الوقت يمر وسويت قهوه وشاي وجت الساعه خمسونص وهم باقي قال زوجي لازم تنزلين خلاص الوقت راح وانا بنام لي شوي وصحيني قلت له خلاص نزلت وجلست معهم وانا ارتجف ومخبوصه كل شوي بالحمام اشووف يمكن نزل شي لان الم الدوره مافارقني شوي ولا جوالي يرن
واروح اركض مركز ذريه يتصل بك يالله وش بيقولون شريط حباتي بالعلاج مر قدامي ركضت على غرفة البنات قلت
الو
السلام عليكم
عليكم السلام
مدام ........
ايه ايش النتيجه بسرعه
بصراحه يامدام نتيجة التحليل بتقول



















حامل حامل حامل
انهبلت مدري وش اسوي سكرت بوجهها من الفرحه طلعت اركض عالدرج ارتجف وانادي زوجي باعلى صوتي سمعني وفز جيت بحضنه يحضنني بكل قوته وانطط واقول حامل والله حامل وكنت بكامل زينتي وبكيت وبكى زوجي وجلسنا بالسرير نضحك وندمع بنفس الوقت مو مصدقين حلمنا تحقق يارب ياحي ياقيوم لرزقنا بهذه الفرحه جميعا يارب لاتحرمنا
الرجاء عدم الرد للقصه بقيه