اه منك يازوجي جرحتني جرح كبير

السلام عليكم

هذي صديقتي معاي ع الماسن وتبي تاخذ رايكم بمشكلتها

بنسخ لكم الكلام اللي كاتبته بالظبط وانتو احكمو

انا متزوجه من 5 سنوات وعندي طفلين والحين حامل بالشهر الثاني

وزوجي عنده عطر بالسياره دايم يتعطرر منه وهو عارف اني ماحبه

جا امس دخل البيت وهو حاط من هالعطر وانا كنت بوريه موضوع

في النت وجلس جنبي عشان يقراه حاولت اتحمل الريحه لين

خلص موضوعه وقراه وقلتله يافلان بعد عني ريحه العطر ماحبها

قام وقال لي من زين ريحتك انتي وانا واثقه ان مافيني شي

قلت له والله قال اي والله ان ريحتك زفت

تخيلو بعدين طلع ومارجع الا 10 وقال سوي لي شاي

وانا اعرفه مايطلب الشاي الا اذا كان متعشي ذبيحه المهم

سالته وين تعشيت قال تعشيت عند اخوياي عزموني ورحت لهم

وهو اصلا ماعنده اصدقاء ابدااا المهم اصريت عليه راح يحلف تخيلو (عرفت من عمتي انه متعشي عند جارنا عنده ضيف وعزمهم )

وسكت وانا زعلانه من كلامه اللي اليوم المهم قال وترى الاربعاء والخميس والجمعه

بنروح نخيم انا وخوياي وانا عاارفه انه كذاب لانه مايعرف

احد هنا المهم سكتت وقال انتي اغرب زوجه لاتلبسين لزوجك

ولاترحبين فيه بس مكشره حتى اللعب منتي مثل الحريم يقصد العلاقه الخاصه

انا سكت لاني ورب البيت قبل لااحمل كل يوم لبس شكل وتسريحه شكل

متعوده على كذا من بدايه زواجي بس هالفتره بسبب الحمل اكره امسك

الحكل بيدي ومع كذا شعري ماخليه منفوش مع انه خشن

صعب كل يوم افكه واستشوره بس امسكه بطريقه مرتبه المهم انه جرحني

بس بهالكلمه لما قال حتى باللعب غير مدري وش اللي انا مقصره فيه

والله اني احسسه انه ملك زمانه ومافي احد مثله بهالشي

واسوي كل شي يخطر على بالكم بهالوقت عشان اسعده بس

وش اقوووول يقوول لي بدور وحده تحترمني ماتخليني مثل التنكه جالس هنا

قلت له دور الله يوفقك قال والله لاتزوج والقى البنات ملي البيوت

وانا تخيلو يابنات ساكنه عند اهله جنبهم وعمتي سافرت شغالتها

وهي حرمه كبيره وعندها بنات متزوجات عندهم شغالات

اروح بنفسي

اغسل مواعينها واطبخ لها وابخر بيتها وهو معاي وشايف اللي انا اسويه وسلفتي ساكنه

معانا مانزلت ولايوم

وشكرني بس نسى بسرعه اللي سويته انا من جد كرهت

عيشتي واليوم مطنشني كاني غلطت يقول

مافي حرمه بالبيت مدري وش يبيني اسوي

احب رجله كل مادخل وطلع ولا وش اسوي حاط في باله اني

مو مثل الحريم ماحترمه ودايم يكررها تعبت من جد منه الحين

عمتي جات شغالتها وهو مايعبرني حالته الماديه زفت زفت صح انه مايقصرر ابدا اذا كان معه فلوس بس اغلب الوقت مامعه فلوس وجوالي لي يمكن 4 شهور مشحنته وياليته زينن الكشاف القديم حياتنا كلها ديوووون في ديوووون وصابره عليه من جد طفشت