كوبونات الراقية تسجيل الدخول

ام فهود وغلاوي
ام فهود وغلاوي •
الحال من بعضه يااختي والله اني في هم مايعلم فيه الا الله واللي زودها علي زوجي كل يوم مشاكل على اتفه شي وانتقاد من جيت للغربه تغير علي في اسلوبه وصرت طفشانه ومالي خلق شي حتى نفسي وبيتي اهملته ولالقيت احد يعيني على الغربه كلن نفسي نفسي وزجي يتحجج بالماديه ولا انا ميته اني ادرس على الاقل اروح من خشته شوي وهوعادي بالعكس يحب البيت ومايحب يطلع ياليت معي لغه ورخصه والله لاروح واغير جو بدل هالحبسه بين الجدران الله يعين ياختي جيتي على الجرح
-نسيم-
-نسيم- •
الله يفرج عليك وييسر امورك

عليك بصلاة الليل والاستغفار
أم دحومي الحلو
أم دحومي الحلو •
يا عمري البنات ما قصروا ..

نصيحة العلم والثقافة مو مصدرها الدراسة وبس ..
تعلمي وأنتِ في بيتك وتثقفي في علوم أنتِ تحبينها
وان بغيتي تدرسين تقدرين حتى لو عن بعد

كثير بنات ضيعوا بين الأولويات وبين الثانويات
أولويات الزواج والأمومة أنتِ تعرفينها زين ومسئولة عنها .. ولا ليش تزوجنا ؟
لا تندمين ولا يأنبك ضميرك انك قاعدة مع عيالك
أنتِ متزوجة من ثلاث سنين وعندك طفلين معناها صغار مررررة يا عمري
وش ذنبهم يروحون أغلب الوقت في دي كير
بعيد عن أمهم وحضنها وأنت عندك بدائل وتقدرين تتعلمين من مكانك
كلن يعيش حسب ظروفه مو حسب كلام الناس


معظم الناس ترا مو قصدهم من السؤال عن الدراسة نقد ولا تحطيم ..
مجرد بيفتحون موضوع معك وأول ما تلفين عنهم ينسونك ..
ومواضيع الغربة دايم تدور حول الدراسة والسواقة ..
أكثر سؤالين انسألتهم وأنا غربتي تقريباً 10 سنوات
كل مرة أرجع فيها زيارة أو حتى من البنات الجدد اللي يجون في الغربة
نفس السؤالين ينعادون علي
لدرجة ودي أسجل إجابتي في شريط وأوزعه هههههههههههه

بالنسبة للطبخ .. أول شي المشكلة في زوجك
إذا شيء يزعلك في أسلوبه قولي له بأسلوب حلو ترا هالشيء ما أحب أسمعه منك
الرسول صلى الله عليه وسلم إذا ما أعجبه أكل سكت مو يقعد ينقد ويقارن
لازم تصارحينه ان المقارنة ماتبينها في حياتكم أبداً في أي شيء لا طبخ ولا غيره
ولو بيقارن خل يقارن في الزين بعد مو الشيء اللي تغلطين فيه يركز فيه
والشيء اللي تتميزين فيه مايعلق عليه ..
هو طيب على كلامك بس يمكن كذا أسلوب بعض الرجال صريح ولا ينمق كلامه وهالشيء الحرمة ما تحبه

وثاني شيء الطبخ مايبي له أبد لا تتعبين نفسك في دورات ..
إذا عندك وقت للدراسة خليه للغة والأشياء اللي تفيدك أنتِ
مو تعبي بطنه ..
أكثر ما كثر الله المطاعم والأشياء الجاهزة
وإذا على تعلم الطبخ القنوات ماقصرت و المنتديات وتويتر وفيسبوك واليوتيوب وكللل محل
غير جيرانك وصديقاتك وأهلك يعني المصادر كثيرة وتتعلمينها وقتها
خسارة تضيعين وقتك في دورات طبخ إلا لو ناوية مشروع تجاري

من ناحية اللغة
شوفي لك مواقع اون لاين تعلمي منها وخليك جادة
لا تحدين طموحك بالطلعة من البيت وظروفك الحالية ماتسمح
فيه مواقع تقدرين تدرسين معها اون لاين وتعطيك شهادة بعد مافيه أسهل من كذا

http://www.usalearns.org/index/welcome.cfm?CFID=9510527&CFTOKEN=65085476&jsessionid=3c304e891296c72ad96d277c4e484542593b

http://www.englishlink.com/en-US/home/index.aspx

http://www.learnamericanenglish********com/

ادخلي اليوتيوب واكتبي learn english
بتلقين مقاطع كثيرة تفيدك
ركزي على سلسلة معينة عشان ما تتشتتين

فيه سعودي يعلم إنجليزي في يوتيوب وله حساب في فيسبوك وتويتر
اسمه عبدالرحمن العمار .. ممتاز ما شاء الله عليه ويسوي دورات

هذي قناته على يوتيوب



حاولي تكلمين جيرانك الأمريكان
واقري كثير واسمعي كثير
وحتى لو تشوفين مقاطع انجليزية مو تعليمية مع الوقت بتصيرين تفهمينها أكثر وتتكلمينها

أهم شيء لا تقارنين نفسك في أحد ..
واشتغلي على نفسك بعد التوكل على الله
وبتنجحين ان شاء الله
أم الأمورات
أم الأمورات •
صح لسانك يام دحومي الحلو وانا استفدت منك كثير جزاك الله كل خير
أم دحومي الحلو
أم دحومي الحلو •
أم الأمورات وياك يا قلبي