Joud1131 @joud1131
عضوة
اه مو قادره انسى طليقي
السلام عليكموربي تعبت تعبت ابي انساه مو قادرهامانه عليكم لا احد يجرحني بالكلاموربي عشت معاه احلى الايام لدرجة كنت اقوله ربي عوضني فيك وهو يقول نفس الكلام مو قادره انساه يا بنات كان يشم ملابس وريحتي من حبه لي واذا سافر ياخذ شيء لي لازم واذا رحت عند امي يكلمني بالساعه وما ينام الا لما اسولف معاه اه كيف صرت غريبه الحين بالنسبه له ولا بييننا اي كلام اه كان يحلف لي والله ما اتزوج عليك انتي الزوجه اللي اتمناها كان مو مقصر معاي ب اي شيء وحاول قد ما اقدر اني احمل ما خلينا دكتوره ما رحنا لها اه احبه ومو قادره انساه فجاه صرت غريبه عنه وصار غريب عني اه كنت في بيتي مرتاحه ونعدل غرفة النوم ونسوي غرفه لطفل اللي نخطط له وفجاه كرهني وطلع فيه سلطان وفجاه طلقني وطردني من البيت اه مصدومه مصدومه عقلي مو قادر يستوعب مو عارفه استوعب طلاقي الثاني ولا الشخص اللي كنت احبه ويحبني واني خسرته او بيتي اللي كنت متعلقه فيه وانطردت منه ولا مرضه بالسلطان ولا كرهه لي المفاجئ ولا الغرفه اللي كنت احلم فيها ولا الطفل اللي كنا نسوي غرفته واني خسرتهن ولا بيتي اللي بكبره خسرته اهه مو عارفه ليش انا ما تكمل لي فرحه خسرت بيتي وزوجي وكل شيء مره وحده اه نفسي اعيش مثل الناس نفسي في زوج اعيش معاه في موده نفسي في بيت ما انطرد منه اه حتى طليقي اللي قبل طردني من البيت كلهم يقولون لي ما نقدر نتحمل انتي مو مقصره بس انا مو قادر اهههههه انا محروقه انا اش فيني !!! مافي شيء اقل من البنات تعبت من الحزن اقسم اني صرت انام اليوم عده كله ما عاد في شيء حلو بالنسبه لي حتى حملي مو متحمسه له صرت كئيبه اشوف اختي ترقص وتضحك امسك دموعي نفسي لو اني مثلها بس لو اقدر اقل شيء اضحك او ابتسم من قلب نفسي بس لو اضحك كل شيء بالنسبه لي صار كئيب الايام صارت مثل بعض انام واصحي واكل مثل البهايم بس ذا اللي اسويه حتى خواتي صرت اشكي لهن صاروا يردون برد عادي الله يعينك او من هالكلام كانوا يسمعون مني الان لا امي تشوفني ابكي ما صارت تهتم وقبل كم يوم شافتني ابكي وتقول شكلك انتي كمان مريضه اههه محد حاس فيني وبحجم الاشياء الكثير اللي خسرتها مره وحده امي تقول عادي انسيه وانا ابوك تزوج علي وحده وثنتين وعادي هو الطلاق للمره الثانيه زي لما يتزوج علي ليته تزوج ليته واخذ علي وحده وثنتين ولا طلقني وخلاني مطلقه للمره الثانيه انا صرت مذبوحه وامي تحسب الامر عادي واني عادي انساه بسهوله انا معاه عشت سنه ضحت معاه وحزنت معاه واكلت وشربت معاه صرت انا غلطانه لاني ما اقدر انساه بسهوله
26
5K
يلزم عليك تسجيل الدخول أولًا لكتابة تعليق.
أسأل الله العظيم الحي القيوم ان يجبر كسر قلبك يارب وان يعوضك عوض خير ويجبرك جبرا تتعجب منه اهل السموات والأرض يارب العالمين مافي شي يسير الا وله حكمه الحمدلله على كل حال هذي إرادة رب العالمين ولازم عليك تصبري ميه ميه ربي حيعوضك عوض تنسين مرارة كلل شي صار اول إنتي بس خليك قريبه من رب العالمين وابدا لاتنسي قراءة القرآن وعليك بالدعاء الدعاء يجيب كللل شي الله يشرح صدرك وييسر لك أمرك ويسهلك كل صعب ويبعد عنك كل هم ويبدل مكانوا فرح ويجعل ايامك كلها سعاده بسعاده ياحي ياقيوم ويعطيك حتى يرضيك ويرزقك حتى يغنيك يارب العالمين 💗💗💗
الحياة ماتوقف على زوج احمدي ربك على العافية ناس تتمنى بس عافيتك وانت تفكرين بشيء تافه ..انا اتمنى بس اتعافى وطز بالزوج وطز بكل شيء ..احمدي ربك عندك كنز اسمه عافية تقدرين تسوين الي تبين ..غيرك مايقدر حتى يخدم نفسه او يسويىلنفسه شيء
Joud1131
•
زهرة البنفسج 16 :الحياة ماتوقف على زوج احمدي ربك على العافية ناس تتمنى بس عافيتك وانت تفكرين بشيء تافه ..انا اتمنى بس اتعافى وطز بالزوج وطز بكل شيء ..احمدي ربك عندك كنز اسمه عافية تقدرين تسوين الي تبين ..غيرك مايقدر حتى يخدم نفسه او يسويىلنفسه شيءالحياة ماتوقف على زوج احمدي ربك على العافية ناس تتمنى بس عافيتك وانت تفكرين بشيء تافه ..انا اتمنى...
والله استغرب منكم اهم شيء العافيه طيب انا فقدت اشياء كثيره مثل ما انتي فقدتي عافيتك ومثل ما تتمنين عافيتي انا اتمنى زوج وبيت وعيال اذا انتي عندك او اي احد مريض عنده كل شخص يتمنى الشيء اللي يفقده يعني انا متعافيه خلاص ما اتمنى لي بيت او زوج او عيال ! او المرض اللي عنده عيال وزوج مو من حقه يدعي بالشفاء لنفسه ذا منطق اش الفايده من العافيه اذا انا مو سعيده ؟ وليش مو من حقي اطلبها كلها الرسول صلى الله عليه وسلم كان يدعي ويقول (اللهم اني اسالك من خير الدنيا كله ) والرسول صلى الله عليه وسلم بكى يوم فقد خديجه وحزن حزن شديد ولا قال هاذا شيء تافهه وما قال اهم شيء اني متعافي وخلاص ماعلي ... ترا انك تفقد شخص عزيز عليك صعب وانك تطلقين وكمان للمره الثانيه صعب حتى الناس ماترحمك مو شيء تافهه بس مايحس بالنار الا واطيها
الصفحة الأخيرة
عليك بالحوقله خليها دايم على لسانك والله يصبرك ويقويك ويعوضك خير 🤍