اه ه ه ه ........... ياولدي .

اليوم الساعة الاثنين الظهر وانا مجهزة الغدا وكان غدانا كابلي وبناتي يموتوووا على هذي الاكلة بعكس باقي الاكلات << خرجت عن موضوعي .
الموهم جاء ولدي وكان مريض بمرض التوحد << ادعوا له ان الله يشفيه .
وطبعا ولدي مايتكلم ولا كلمة مع انه يسمع فاشر لي للغدا فحطيت له في صحن لوحده ..قلت على بال اروش ولدي الثاني وعمره سنتين ..والله يكرمكم وانا في الحمام الا واسمع صكة باب البيت واحسب ابو الشباب جاء من الشغل وبناتي نايمات ..المهم اطلع اشوف الا ولدي التوحدي هو اللي خرج وجريت اخذت عبايتي وخرجت اجري في الشوارع وكانت فاضية الا من بعض العمالة ونسيت ولدي الصغير في الحمام والحمدلله انه اخوه <<عمره 6سنين.
انتبه لصراخه ودخل معاه ..
المهم دورت كل مكان ..كل شارع كل زقاق ..حتى الساعة 3ونصف واذكر انه في شيئ اسمه جوال وارجع للبيت وادق على زوجي والقى ولدي الله يحفظه مع اخوه واصحي بناتي حتى ينتبهوا لاخوانهم واخرج ادور على ولدي والله انه دموعي غطت عيني لدرجة ماشوف طريقي وجلست استودعه الله وادعي ربي ان يرده لي واستغفر ه ...حتى الساعة 4ونصف وعمانه وجيرانا الله يجزاهم خير الكل يدور بسيارته المهم الساعة 5 ولقيوه خرج من حينا لمنطقة مخططات مهجورة وكانت مياه السيول تجمعت في حفرة كبيرة مكونة شبه بحيرة طينية وولدي جالس عندها يلعب والله ستر ماطاح فيها وجاني يعرج وكعب قدمه منزوع من شدة الشمس وهو حافي .. والحمدلله على كل حال بس اللحين انا خايفة عليه اكثر من اول واتخيل لو مالقينا واظلمت الدنيا ايش كان حيصير ..لو احد خطفه من العمالة ..لو..لو..
انا في هم لايعلمه الا الله . ادعوا لولدي .:44: