اه وآه

تأخر الحمل

بسم الله الرحمن الرحيم
قبل يومين كانت حالتي حاله لدرجة بكيت زوي معي رحت لحماتي واشوفها نفسها خايسه قلت وش فيك لفت ودارت بعدين قالت بصراحه انا حامل والحين داخله الرابع واثاري الكل داري وماخبرونا ونسالهم ويقولوا لامافيها شي الله يتمم لها على خير بس ليه صارت العالم يخافون منا محد يخبرنا الا بالصدفه
المهم لما قلت لزوجي ضحك ضحكه بها حزن وقال ماشاء الله وسكت وجلسنا ساكتين ومالنا خلق نكلم بعض ساعه ونمت ودمعتي على خدي واليوم الثاني رحت لجاراتي والا يبشرونا انه فلانه حامل لها شهرين والثانيه لها اربع وثنتين توا ولدوا وهذي زعلانه وخاطرها ضايق علشان لها شهرين تاركه الحبوب وماحملت وهذي حماتها مسكينه ماتجيب عيال وتتعالج واكره يفتحون موضوع المستشفيات يمدحون هذا وروحي لذاك وجربي هذا وهم موعارفين السالفه ولاالمشكله وارجع لبيتي وانا في حال يرثى له وابكي حتى زوجي قال خلاص قاطعيهم معاد تروحين لهم اخر شي لف وجهه عني وحسيته دمعت عيونه وقال تعالي نامي معي يمكن الله يرزقنا وسبحان الله احسه لما صحيت كنه هم وانزاح عادي مبسوطه والحمد لله على كل حال
19
2K

يلزم عليك تسجيل الدخول أولًا لكتابة تعليق.

تسجيل دخول

طبيبه عامه
طبيبه عامه
ماعليك منهن وانا اختك صارت كثييييييييييييييييييييييييييييييير اللى ماعنده اطفال يخافون يحسدهم الله يرزقنا
اميره&
اميره&
تصدقون اني ما احب اروح جمعات

وأقعد أبكي وأحسني أتعب نفسيا

انا مره راحت عند وحده اول مره ازورهم

تقولي الاطفال حلوين ليش ماتجيبي على باله انا مابدي اطفال

ولتجيء وحده تقول خدي كولميد



يارب ارحمنا برحمتك يارب
سوسو الحبوبة
سوسو الحبوبة
تصدقون اني ما احب اروح جمعات وأقعد أبكي وأحسني أتعب نفسيا انا مره راحت عند وحده اول مره ازورهم تقولي الاطفال حلوين ليش ماتجيبي على باله انا مابدي اطفال ولتجيء وحده تقول خدي كولميد يارب ارحمنا برحمتك يارب
تصدقون اني ما احب اروح جمعات وأقعد أبكي وأحسني أتعب نفسيا انا مره راحت عند وحده اول مره...
يارب ارحمنا برحمتك
وتمضي الحياه
وتمضي الحياه
سبحان الله الوحده لما تتاخر بالحمل تجي وتحكي لك وتتفاعلين معها وبس تحمل تخبر الدنيا كله الاانتي خايفه منك والصراحه انا محب احد يقولي انه حامل خاصه بجمعه لني اتضايق ويحمر وجهي ويقلب واتنكد
بياعة الورد2
بياعة الورد2
ليش تبكين من كلام الناس كلامهم لايودي ولا يجيب
والحمل اذا ربي كتبه لكي راح يجي بوقته
والحمد لله اللي يشوف امراض الناس وبلاويهم تهون عليه مصيبته