اه يابنات مالي وجه اشوف احد .. تعالوا واسووني وادعولي

آآآآآآآآآآآآآآآآآآآآآآآآه













عمري 26 وبنات العايلة ينخطبون والاغلب عرسوا وجابوا عيال
وانا فوق الالم والوحدة والياس والحسرة والكبت اعاني من احراجات كثيرة
اولهم انه الاهل يعرفون اني ما عمري انخطبت
رغم ان مرتين او ثلاث في بنات كلموني عن الزواج من احد اقاربهم لكن مايصير شي يعني فقط اقول لامي فلانة قالت لي كذا وكذا وبس ماعاد يفتحون الموضوع مرة ثانية مدري هم يلعبون بمشاعري او انهم يفاتحون اهلم ومايبوني .. الله واعلم الزبدة ان ماعمري انخطبت لاقدام اخواني ولا قدام ابوي ولا قدام الاهل
والي يجرحني اكثر ان اخواني يسالون عن الرجال الي يخطبون بنات اقاربي وهم اصغر مني
وان اختهم الي هي انا محد دق بابها انحررررررررررررررررج انحرج كلما تصير خطبة لبنت من اقاربي مالي وجه اشوف احد :44: احس بالنقص واني غير مرغوبة رغم اني احسن من كثير بنات لكن الحظ ناقص
واحس الكل يشوفني بنظرة شفقة او نقص او تعالي
واحس اني مكشوفة احس الكل يشوف قلبي وحاجتي للزواج

دايم اتهرب من المناسبات والتجمعات العائلية الي حتى وان حضرتها وفرحت ،، اتكدر بعدها حتى قبل اوصل البيت قلبي يتفطر وامسك نفسي لين اوصل ويبدا البكا والضيق ويستمر كم يوم وماتسوى علي الكم ساعة الي اجتمعت فيها مع خلق الله حتى لو ضحكت وسولفت اغتم بعدها .ااااااااااه ياربي فرج علي وعوضني وخلني ارفع راسي بين الناس ويعرفون ان في من يتمناني واني مرغوبة وان هناك من يستحقني ويقدرني واني بنت مثل كل البنات ولست نكرة او شيء شفاف لا احد يراه .

استغفر الله من كثر ما اشوف الناس تحمل وتولد اخاف اصير حسودة (صح بقلبي اذكر الله واقول الله يتمم لهم ) بس اقول يعني كل الناس تحمل وتولد حتى القطط والكلاب (اكرمكم الله) وانا لا ! حتى الحيوانات احسن مني!! استغفر الله العظيم

وانا كتبت لكم افضفض لاني مخنوقة
وودي تدعون لي