اه ياحظي العاثر اه ياقلبي وش كثر بتتحمل

السلام عليكم ورحمه الله وبركاته خواتي الغاليات في عالم حواء اقروا موضوعي وادعولي انا محرومه من كل شي راح العز والدلال والجمال والسعاده عند اهلي اه يابوي الله يطول بعمرك ماقصرت ربيتني وعلمتني وصرفت علي رغم ضروفك ماكنت تخليني محتاجه لاحد والحين عذااااااااااب تزوجت وياليتني ماتزوجت استغفر الله يارب مصيبتي زوجي البخيييييييييل بالعواطف وبالمال وبالكلالالالالام قسم بالله المصروف مايعطيني الا اذا رحنا لاهله يعطيني 100ريال علشان ولدي مو علشاني انا حامل بالشهر الخامس ووزني 43 تخيلوا الدكتوره تقولي ليييش مو زين لك ولا للبيبي المهم معلبات ماعمره جاب لي اشوفها بس بالدعايات الجبن علبه وحده واذا قلت له خلصت يقولي ياسرعه تخلص والله اني افطر كل يوم على حبه وحده تخيلوا تعالوا شوفوا ملابسي ضاقت علي ماعندي الا جلابيتين البسهم اذا رحت لاهله ولدي ملابسه تفشل حفظوها الناس من كثر مايلبسهم اهله يتريقون علي وعلى شكلي حتى بيتي مافيه الا ثلاث منضفات فيري وصابون وكلوركس علبه صغيره اتعب في التنظيف وفي الاخير ماكاني نظفت اتفشل عند جاراتي بيوتهم كانها جديده نظافه ولمعان ماشاء الله الجوال دايم مافيه رصيد انحرج عند اهلي هم دايم يكلموني خواتي لي شهرين ماكلمتهم وعمامي سنه كله بسبب بخله واذا رحت لجاراتي اتفشل اكثر اسمع طاري السوق والماركات واحزن لاني محرومه منها ماعمري دخلتها ياحسرتي مانطلع ولا نتمشى ساعات ادعي عليه واتمنى موته صدقوني ماراح احزن عليه لانه حرمني من حقوقي ساعات اقول الله يحرمك الجنه مثل ماحرمتني سعادتي المصيبه الحين قاعد يدور نقل وبيسكني عند اهله كل هذا علشان تعب من المصاريف واهله معاملتهم لي زفت يكفي بس انهم يعتبرون ولدي ملكهم مو ملكي يعني لو بطلب الطلاق ياخذونه بحكم اني مهمله وجاهله في تربيته على حسب قولهم وش اقول وش اخلي ادعولي ان الحال يتغير لاني تعبت نفسيا ماعندي احد اشكيله ادعولي والله اني ماشفت السعاده معاه حسبي الله ونعم الوكيل