اه يازوجي

السلام عليكم ورحمة الله وبركاتة

اخواتي العزيزات انا متابعة للمنتدى من زمان. ومعجبة فية وما كنت اتوقع اني باحتاجلكم زي اليوم
حبيباتي انا متزوجة لي عشر سنوات وعندي ولدين وبنت
وزوجي طيب وعلى قد حالة يعني موظف ومستورين. وحياتنا مستقرة. المشكلة وين
انا سويت عملية زايدة طبعا زوجي وقف معي وما قصر لما كنت في المستشفى ولما نزلت البيت كنت لوحدي وامي موعندي ولافية احد عندي في البيت المشكلة ان زوجي مايجلس عندي ابدا يجي من دوامة ويتغدا طبعا يجيب غداء معه وينام ولما يصح يطلع ع المغرب ولا يرجع الا الساعة 12او1
وانا لوحدي مابي غير احد يجلس معي واتونس معة. ولما كلمتة يقول ما احب جلسة البيت وهو دايم كذا ما يجلس في البيت ابدا
بس لما تعبت ومرضت ابية يوم واحد يجلس معي يسليني يتعشاء معي لي تقريبا شهر ع الحالة هذي


شورو علي وش السواة كيف اخلية يحس بي ويجلس معي انا مابي اترجاة ع الجلسة قلتلة اكثر من كرة ولا فية فايدة
الحين ما اكلمة ويدخل وينزل وهو عادي عندة قلت يمكن يحس مافية فايدة



كيف اغيرة او اخلية يجلس عندي ولو مرة في الشهر

ابي صاحبات العقل الراجح يساعدوني