السلام عليكم ورحمه الله وبركاته
كيفكم ياغوالي ..والله البارح كان بيني وبين الجنون خطوه ...
تخيلوا طلعنا طلعه مع اهلي ومستانسين بناتى مع بيت جدهم
رغم اني من بيت اهلي في نفسي ماودي اروح لان زوجي بالعمل
واذا هوا مو مع الصغار ينتبه لهم انا اضيع بطوشه مااعرف وش اسوي قالوا البنات خلاص ماما خلينا نروح معهم قلت طيب :44: وفي السياره اهدد ياويلك تروحون بعيد يابنت انتبهي لاختك الناس زحمه واحدذر وانصح جبت لهم القرف من كثر النصائح
حريصه يعنني ياليتنى ماحرصت يمكن ماضاعت بس الحمدلله
وبس ياحبيباتي وصلنا وفرشنا والبنت الصغيره عمرها 3ونص
اول مانزلنا طيران للالعاب وجلسنا نتقهوى وسوالف واناعيني
عليها وعين مع امي واخواتي :39:
بس نهرج ومندمجين لا تجي البنت الكبيره ماما (.....)عندك
اقولها ماشفتها لا وينها ماجاتني :mad:
ياويلي كيف غفلت عيني عنها واختفت واطير ادور هنا وهناك والله لا لها حس ولاخبر
وابكي ياناس شوفتوا بنت صغيره
ياناس احد شاف بنت لابسه بنطول ...
مرت من عندكم بنت صغيره لابسه ..
خلاص انهرت وتعال دوروني اصارخ وين بنتى ياناس بنتى انخطفت
وينك ي.....
تعلي عندي يماما :( تعالي .خلاااص فقدت الامل
مافيه احد في الحديقه مااقام يدور معنا البنت لاحس ولاخبر
وانا ابكي واتذكر يوم دعيت عليها يوم ضربت اختها 7شهور على راسها البنت انصرعت بين يدى
في لحظه قهر قلت الله ياخذك ياشيخه وانا ضرب فيها ادعي :mad:
اذكرت دعائي وابكي ربي عاقبني ياويل حالي ..ياربي بنتي وين راحت من يدي مين اخذها اكيد واكيد واكيد وقمت ادورش :7_5_122:مدري ربي وين موديها
بسبب دعائي ...........يارب ترحم حــــــالي وتردها لي
اخذنا زي ساعه الاربع مدري وين البنت فيه واتصل في ابوها ويجي
ويدورن الناس البنت اختفت وانا ادور وخواتي وامي البنت مالها اثر
يارب لاتعود الساعه ذيك ولا تذوقها غالي عذااااااااب تللك اللحظات شعور قاسي ياارب يابنات اكتب وانا :icon33::icon33: من جد صعب اوصف شعوري
واخواني يجون متى اخر مره شفتيها وتحقيق حسيت اني فقدت الامل وكل عائله فزعت معنا ونسال كل واحد يقول توها مرت تمشي من هنا تخيلوا يابنات تمشي تمشي وجات عند شباب عزوبيه ويسالونها انت مين ماتعرف غير اسمها ومايفهمون على هرجها وش تقول كلامها ماينفهم وشوي من التعب اللي شايلها نامت على يده وهو شايلها احتاروا وين يودونها يستنون احد يجي يسال عنها بس والله مكانها بعيد بعيد ماتوقعنا انها هناك في بالنا جاء انها مشيوله :44:المهم هم سلموها للدوريه
لمن راح اخويا بيقول لهم عنها الا لقيها معاهم ونايمه ياقلبي
عرفها واتصل يطمنا لا انا اغمي علي يابنات مدري هي فرحه ولا من كثر بكائي انهرت اه ياقلبي
بس والله اخر مره ادعي اخر مره ادعي ذقتها فجعه في حياتي ماذقتها ......
الحمدلله ياارب انك مااستجبت دعائي وفقدتها للابد وااله لااموت
وانا السبب بلساني عساه بالقطع لودعيت ثاني مره
ياناس نصيحه لاتدعوون على اولادكم والله اللي ذقته ماهوا سهل الله لايوريكم مكرووه في عيالكم..:44:
همس الحوريه @hms_alhoryh
محررة برونزية
يلزم عليك تسجيل الدخول أولًا لكتابة تعليق.
همس الوفاء1551
•
الله يحفظها لك
ارض كندا
•
يالله عشت الموقف ...الحمدلله لقيتوها
الله لايفجعنا في غالي حتى انا اعصب على بناتي والله بس هم السبب يخلونا نعصب عسى الله يهديهم ويصلحهم
الله لايفجعنا في غالي حتى انا اعصب على بناتي والله بس هم السبب يخلونا نعصب عسى الله يهديهم ويصلحهم
الحمد لله على سلامة بنتك
الله يحفظها من كل مكروه
والله انك صادقه احيانا نقول كلام وقت الغضب نندم عليه بعدين
الله يحفظها من كل مكروه
والله انك صادقه احيانا نقول كلام وقت الغضب نندم عليه بعدين
الصفحة الأخيرة