السلام وعليكم
مدري وش اسطر وش اكتب لكم وش الي احفظه اه ياقلبي بكتب كلي الي ودي اتكلم عنه لخواتي
ابسالكم وين حنا عايشين احس اني بغابة لا تقولون لي هذي الدنيا ماكنا قبل كذا
انا ملكت وجلست 8شهور مدة خطوبتي وماكنت مستناسة بس قلت الرجال يتغير بعد الزواج وما تغير ابدا
من ايام الخطوبة مايسال عني ويتعذر انه مشغول مع ابوه واهله وكنت اقول الله يعينك ويساعدك
وبعدها تزوجت وهنا بداية القصة
اول يوم بزواجي خذ كل الي يبغاه كاي زوج قلت خلاص هذا هو يحبني يبغاني
لكن الطامه من بعد ماصار ذاك شي صحيت ثاني يوم وانا فرحانه وزرت اهلي ورجعت بعدها الفندق لكن للاسف
شفت نظرات عيونه تغيرت قلت يمكن معصب مع اهله ولا يبقى يكلمني
وبعدها صار الاسبوع كله كذا
وهذا اول اسبوع وانا مخليته على راحته
قالوا لي قربي منه حاولي تشبعيه جنسيا ومنها بديت اتقرب منه وانا بداخلي ودي انفجر صياح وين انوثتي
انا ابقى هو الي يجي مو انا الي اروح له وقربت منه وبعدها تم الجماع بعد هو ماانتهى حسيت اني انا الي رميت
نفسي عليه حسيت ابي ارجع لا انوثتي ابي احد يفهم احساسي يقدر حياء البنت مو هذا
وجلست انتظره كل ليله وانا على مخدتي وكل يوم ابكي ماحسيت اني نايمه مع زوجي ابد
تعبت نفسيتي كنت احاول اغيره تعبت لا يتكلم معي لا يقرب مني
جلست على الحال قلت يمكن فيه ضعف جلست معه شهرين ونص ماجامعني الا خمس مرات بس
بعدها جلست معه 3 شهور مايلمسني حتى لما اقرب منه وسكت ولا علمت احد
وبعد 3شهور جابني لا اهلي وبدون سبب
وقالوا اهله انه مسحور ومريض والحين لي انا 9 شهور وصبرت عشان اهله قلت ماابي اغثهم طيبين
لكن تخيلوا طلع وجهم الثاني اخذوا طقم ذهب واخذوا عطوراتي وبعض من اغراضي يوم طلبت اغراضي
مت من القهر وقلت حسبي الله ونعم الوكيل
وخلوني ادفع لوحده تقرا 5 الاف ودخلت جمعية وادفع من مكافاتي وماكان يعطيني مصروف من تزوجنا ومت من
القهر مع ان امه قالت سلف وامس امي كلمتها قالت مااخذتي طقم الذهب ماكفاك قالت لها امي احنا نبي
الفين على الاقل قالت ماعندي وصرخت على امي وهاوشتها وقالت لها انقلعي وتقفل بوجه امي السماعه
ومايبون يطلقوني ابوي اشتكى موعد جلستنا في 24 في شهر شوال وتخيلوا يبوني ادفع المهر ليه
بالله عليكم انا وش سويت عاملتهم كانهم اهلي وش ذنبي
والا الطيب بهالدنيا ماله حظ
والا بنات الناس لعبة يتسلون فيه عيالهم ويرمونهم
ليه وش ذنبي اصير مطلقه
ليه يعذبوني حتى المهر يبوني ادفعه
يعني حتى هاللعبه الي لعبتها بدون ثمن
عوضني عن اغلى شي خسرته بيوم الزواج
عوض قلبي الي تعبته وشقيته
عوض عيوني عن ا لدموع الي بكيتها
حسبي الله ونعم الوكيل
ادعولي لي ان ربي يجبر بخاطري ويرزقني يارب بزوج صالح وييسر امور طلاقي
ومايجي رمضان الجاي الا وانا متزوجه بالزوج الصالح الحنون ويعوض صبري خير
اللهم اني اسالك انك الواحد الاحد الفرد الصمد الذي لم يلد ولم يولد
ولم يكن له كفوا احد ياارحم الراحمين ياارحم الراحمين ياارحم الراحمين
ياعزيز ياغفور يارحمن يارحيم ياعلي ياقدير
ييسر امور طلاقي وانصرني عليهم وعوضني خيرا يارب
اللهم صل وسلم على نبينامحمد
اللهم ارني فيهم عجائب قدرتك وفجأة نقمتك
يارب احرق قلوبهم على بناتهم
كما تدين تدان
دخلت من معرف صديقتي بس عشان اكتب لكم واشكي لكم وابي تدعون لي بظهر الغيب
وعذروني على لخبطة الكلام بس ماني عارفه اختصر دعواتكم لي
اتمنى الاقي ردود
جوجو الحنونه @gogo_alhnonh
عضوة جديدة
يلزم عليك تسجيل الدخول أولًا لكتابة تعليق.
قــــــــــمة
•
الله يعوضك ويصبر قلبك ويسهل امرك ويجازيهم باللي يستحقونه
والله قطعتي قلبي حسبي الله ونعم الوكيل فيهم الله ياخذ حقك منهم يارب
حبيبتي استغفري ليل نهار ولاتيأسين من رحمة الله
واللي صار لك يمكن خيره
حبيبتي استغفري ليل نهار ولاتيأسين من رحمة الله
واللي صار لك يمكن خيره
أنت لا تدعين عليهم البنات أيش ذنبهم ,,,
واللي حصل لك مكتوب ومالك هالحين إلا رب العالمين يعوضك خير دائم أدعي ولا تتركين الدعاء وإن شاء الله ماتشوفين إلا كل خير ,,,
واللي حصل لك مكتوب ومالك هالحين إلا رب العالمين يعوضك خير دائم أدعي ولا تتركين الدعاء وإن شاء الله ماتشوفين إلا كل خير ,,,
الصفحة الأخيرة