اه ياليتني ماشفتها

السلام عليكم ورحمة الله وبركاتة


مرحبا بنات انا عضوه جديده بس كنت دائما ادخل المنتدى واقرا مواضيعكم وشدني حبكم وخوفكم على بعض

اليوم بكتب لكم قصتي واحكي لكم عن القهر الي في قلبي لعل وعسى القى منكم دعوى صادقه او نصيحه تفيدني

واتمنى تقبلوني بينكم

انا مثلي مثل اي بنت لما تتزوج تنتظر الحمل حملت بعد زواجي بخمس شهور وما **** كتب انة يستمر وفقدته بعد شهر وحملت عقبه واستمر الين الرابع وتوقف النبض وسويت تنضيف وبعدين قعدت سنتين ما حملت وكنت اتعذب كل ما شفت طفل وكانت نظرت الناس لي اني ناقصة والي تعبني زياده ان خواتي الي اصغر مني صار عندهم اطفال
وكتب ربي اني احمل وتعدي اربع اشهور وكل شهر كنت اخاف اكثر اني افقد الحمل والحمد لله وصلت لشهر السابع ورحت جهزت للبيبي وما خليت شي ما شريته واشوف الفرحه بعيون زوجي واهلي ويوم صار لي اسبوعين في السابع قرر زوجي انه يسافر هو وامي لبيتنا القديم لان اهلي صار لهم سنتين ناقلين للشرقيه ومخلين بيتهم وراحو ياخذون باقي اغراضهم وياجرون البيت المهم سافرو الاربعاء با اليل ويوم الخميس الصبح كنت نايمه وكانت عندي وحده من خواتي صحيت الصبح وفجأانفتح كيس الجنين ونزلت المويه دفعه وحدة واقوم اصرخ با اعلى صوتي جاء زوج اختي ودوني المستشفى وهنا بدى العذاب
اه نوموني عندهم يومين وبنتي ببطني بدون مويه وثالث يوم اتعبت بنتي والتهب رحمي والتهبت معاه وقررو يسون لي عمليه وطلعوها من بطني وروني اياها ثانيه وخذوها بسرعه علشان ينقذونها وحطوني بغرفت الملاحضه لان رحمي التهب وانا متلهفة اروح للحضانه اشوفهما واضمها وارضعها كنت ابي بس اشم ريحتها
انا ولدتها 2 الظهر والساعه 3 الفجر اسمع صوت زوجي وامي جايين واسمع زوجي يقول لسستر جايين علشان عمليه البيبي ويطير عقلي اي عمليه بنتي شلون تتحمل عمليه قالي البنت تعبانه والدكتور يقول لازم عمليه لان الرئه ما استجابت للاكسجين وكان زوجي عيونه فيهم دموع بعدين طلع برا الغرفة ورجع بعد خمس دقايق ويقول البنت تعبانه ادعيلها واصرخ باعلى صوتي قلت كذاب بنتي ماتت
اه ياقلبي ماتت ماشبعت من شوفتها ماتت مارضعتها ماتت ماحطيتها بصدري وشميت ريحتها
ياليتني ما شفتها
زوجي تعبان اكثر مني لانة هو الي غسلها ودفنها
والله اني اكتب وعيوني مليانه ادموع
انا الحين توني ما طلعت الاربعين ولا تنفست زي الناس حتى الاكل ماكنت اذوقه
وانفتحت عمليتي من الالتهاب صارت تصب دم وصديد
ادعولي يمكن دعوى من دعواتكم تستجاب
اعذروني كلامي مخربط ومو مرت