بسم الله الرحمن الرحيم
حبيباتي انا زوجي له ثلاث سنوات متغيير وبقووه حاولت اعرف سبب تغيره لقيت الاخ ما يبغى اطفال وكلما جبت طفل اكتئب وصار اسوا من اول من نا حية المصاريف راتبه زين وانا الحمدلله موظفه يعني مو هوب فقران
واطفالي مالين علي دنياي لان الحياه معه كئيبه ممله المهم احدى الايام كان مسافر لابوه ورجع قالي: شوفي ترا لو تحملين المره الجايه وفي اقل من عشر سنوات باتزوج قلت :بالتوفيق الا الاطفال والله ماتحرمني منهم اقل شي تلحقني دعوه صالحه منهم في قبري وبعدين هالشي مو بيدي حملت مرتين على المانع والعمر يمشي لو بنتظر بين كل طفل وطفل عشر سنين وصلت لسن الياس وانا ماعندي غير ثنين
المهم سرت انا وهو اجساد بلا ارواح نجي من الدوام هو ينام وانا اروح لغرفة عيالي يصحى من النوم على الجوال والانترنت والمباريات والصلاه في البيت على الرغم من قرب المسجد منا وانا مشغوله بالبيت والله ما ابالغ ان حتى السواليف معدومه بيننا بس سؤال وجواب وبااااله مشغول دائما اجيب الشاهي والقهوه واقفل التلفزيون والانترنت عشان يصفى الجو ونونس بعض بس برضه لا حياة لمن تنادي
سرت افرح اذا سافر انادي جيراني وسلايفي ونجتمع وننبسط واذا جاء رجعت معاه الكابه والله يابنات اني استقبله بالحفاوه وبيتي ولله الحمد وعيالي مرتبين حتى هو يتحمد الله كلما دخل البيت يقول : مامثل بيتي يارب لك الحمد واطفالي يحبونه اول ما يدخل يركضون له ويحضنونه والله انهم يتراكضون على المطبخ اللي يجيب له مويه واللي يجيب له القهوه يعني مو قاصره شئ ولله الحمد والزعل بيننا مايسير الا نادرا لاني اتفادى المشاكل والعن الشيطان الف مره حتى اذا غلط علي رديت عليه بادب واحفظ لساني عن الغلط بس الله بلاني بواحد عينه طويله اكثر من مره اقفطه يطالع في بنات خلق الله في السوق وحتى هله وعائلته يقولون زوجك واخوانه معروفين بحبهم للنسوان وعيونهم زايغه ومع لك ادافع عنه:اقول لا زوجي عاقل وطيب ومستحيل يعرف هالسوالف وانا معه لاني دائما اذكره بالله وبالحساب والموت واحسه يستجيب للتذكير
ممكن تقولون تستاهلين انتي طيبه بزياده وخليتيه يتمادى ؟ والله ياصبري عليه مو ضعف مني لا وربي بس هو مر بظروف عائليه اثرت في نفسيته نسال الله السلامه امه واخوه مرضوا بامراض مستعصيه الام توفت واخوه تحت عناية رب العالمين وبعدها بسنه مرض ابوه واخوه الثاني بامراض مستعصيه الاب اجروا له عمليه خطيره ونجحت واما الاخ فاصيب الله يكفينا بمرض نفسي وراثي خطير حرمه من الوظيفه والزواج باختصار هله يمرون بازمه وهو متازم نفسيا عشان كذا رحمته وتغاضيت عنه
وسبحان الله فتحت النت امس وادخل موقع قبيلته لاني مو من نفس قبيلته وادخل باسمه المستعار وخمنت كلمة السر لحد مادخلت بروفايله وهنا الصدمه مافيه عضوه الارحب بها برسائل خاصه ويرد على مواضيعها بالذات ثنتين اسال الله العلي القدير ان ينتقم لي منهم عاجلا غير اجل
واتفاجا في هالزوج الصامت البخيل اللي الكلمه الطيبه ما اعرفها الا في النادر مع العلم اني ما اقصر ارسل له رسائل باستمرار ولا اقومه واجلسه الا بحبيبي حياتي من عيوني وهو مثل الجدار
لا وازيدكم من الشعر بيت يرسل لعضوه انه معجب جدا بمواضيعها ويتمنى منها المزيد وهيه ترد انها يشرفها انه يتابع مواضيعها المشكله يابنات انه منزل موضوع عن عائلته وعرف بنفسه انه ولد فلان والكل يعرف انه متزوج وكثير اللي يعرفوني وطلب صداقة عضوتين وحده وافقت بسرعه اوالثانيه قيد الانتظار ولا يقهر زياده الا انه مع النسوان اعضاء رجال مافيه ما عنده المهم كنت احس اني بنفجر من القهر لاني قريت كلام معسول ما يقوله لي الا نادرا ما كلمته وكلمت وحده من خواتي قالت خليك: ذكيه وادخلي باسم عضوه وابهريه بالمواضيع واكيد بيعرض عليك صداقته وانتي اقبليها وابداي العبي عليه لين تقلبين الطاوله على راسه قلت : ابغى اتاكد انه هو ما ابغى اظلمه لان واحد من اخوانه طلب اسمه المستعار وكلمة المرور وخوه ذا معروف بالحركات ذي حتى زوجته تشتكي لنا منه تقول والله انه كان يعاكس وحده وانا معه في السوق وجت تمر من عندي فدفني بقوه عشان اوخر لها في الطريق تقول وصارت مشكله طويله عريضه وفي النهايه راح يعتذر للي بعاكسها وانا اشوف
انا مليت ودي اواجهه يابنات لاني ضحيت كثير عشان اسعده واساعده حتى البيت رافض اشتري لي بيت باسمي مع العلم ماني مقصره اساعده احيانا في المصاريف والايجار وسداد الديون عليه ساعدوني كيف اواجهه؟
اسال الله العلي القدير ان يكرم لكل من ترد عليه ولو بدعوه
بدعوه مستجابه في هذا اليوم الفضيل
@@ام الشيوخ@@ @am_alshyokh_12
عضوة فعالة
يلزم عليك تسجيل الدخول أولًا لكتابة تعليق.
زوجة دلع
•
الله يفرج همك وهم جميع المسلمين والله يبعد عنه رفقاء السوء ويجعلك حورية بعينه والوحيدة بقلبه ولاتنسين الدعاء
ام سـطام
•
عليك بالدعاء والاكثار منه والاستغفار لازميه وبتشوفين الفرج قريب باذن الله
ويمكن ايضا انشغالك بالعيال خلاك تقصرين من ناحيته او ممكن يكون الامراض اللي مروا فيها اهله وراثية ويكون هذا السبب اللي خلاه يرفض فكرة انكم تجيبون عيال
ولازم توقفين جنبه وتسانديه لانه محتاج لك بسبب مايمر فيه من ظروف
ايضا حاولي ان تضيفين على البيت جو من المرح وانت جري السوالف منه والله يوفقك في الدنيا والاخرة
ويمكن ايضا انشغالك بالعيال خلاك تقصرين من ناحيته او ممكن يكون الامراض اللي مروا فيها اهله وراثية ويكون هذا السبب اللي خلاه يرفض فكرة انكم تجيبون عيال
ولازم توقفين جنبه وتسانديه لانه محتاج لك بسبب مايمر فيه من ظروف
ايضا حاولي ان تضيفين على البيت جو من المرح وانت جري السوالف منه والله يوفقك في الدنيا والاخرة
ماشاءالله عليك اختي الغاليه على حرصك وذكائك
انتــي انثى نادرة قليل الان من تحافظ على أولادها وبيتها وتبعد الشيطان عنها كوني كما كنتي
ولا تواجهيه الاء بدليل واضح ولا بيقلب الطاوله عليك ويجيك شي انتــي في غناء عنه
يمكن ماهو له لاكن انتــي راقبيه من بعيد لابعيد
واسأل الله لك التوفيق
ويخليلك عيالك
>>>>^~*نصيحه من أختك الصغيرة
انتــي انثى نادرة قليل الان من تحافظ على أولادها وبيتها وتبعد الشيطان عنها كوني كما كنتي
ولا تواجهيه الاء بدليل واضح ولا بيقلب الطاوله عليك ويجيك شي انتــي في غناء عنه
يمكن ماهو له لاكن انتــي راقبيه من بعيد لابعيد
واسأل الله لك التوفيق
ويخليلك عيالك
>>>>^~*نصيحه من أختك الصغيرة
والله أصلاً من دهشتي وذهولي
ماعندي لك غير دعوة لعل الله يستجيبها قادر ربي وكريم
إنه يهديه ويصلح حاله ويسخره لك ويحببكم في بعض
ويريه الحق حق ويرزقه إتباعه
ويريه الباطل باطل ويرزقه إجتنابه
ماعندي لك غير دعوة لعل الله يستجيبها قادر ربي وكريم
إنه يهديه ويصلح حاله ويسخره لك ويحببكم في بعض
ويريه الحق حق ويرزقه إتباعه
ويريه الباطل باطل ويرزقه إجتنابه
الله يسخره لك يااااارب
انتي صبورة وحكيمه ماشاءالله عليك
اول شي تاكدي انه المعرف له مو لاخوه ؟
اذا تاكدتي العبي عليه وشوفي كيف يتعامل معك
بس انتبهي
حاولي تتعايشي مع الوضع ولا تشيلي همه بزياده
يعني عيشي حياتك بالطول وبالعرض
هالشي يمكن مو قادر يغيره او مو حاب يغيره
الله يسخره لك
انتي صبورة وحكيمه ماشاءالله عليك
اول شي تاكدي انه المعرف له مو لاخوه ؟
اذا تاكدتي العبي عليه وشوفي كيف يتعامل معك
بس انتبهي
حاولي تتعايشي مع الوضع ولا تشيلي همه بزياده
يعني عيشي حياتك بالطول وبالعرض
هالشي يمكن مو قادر يغيره او مو حاب يغيره
الله يسخره لك
الصفحة الأخيرة