اوافق على هالعريس او لا

الله يوفقك اختي ويسهل امورك وعليك بالاستخاره

طيب يااختي مااقلتي لنا هل سبق لك الزواج ؟ وكم عمرك ؟

اذ كنتي بنوته انصحك لاتستعجلين بااتخاذ القرار

واذ تزوجتي ان شاء الله راح تخلفين اطفال معقوله راح يتركك علشان الاطفال !!

بالتوفيق يالغاليه

الله يهديج مدام ان الشاب اللي بعده ما عرس يتقدم لج ليش تفكرين
في اللي عنده حرمه وعيال

عادي عندج تاخذين واحد من وحده ما أذتج وما قصرت ويا ريلها
وكل مشكلتها ان ريلها يبا يستانس بدون العيال

اختي يعني عادي عندج ماتيبين عيال؟؟؟؟؟؟؟؟؟؟؟
ولو يبتي عيال بيدور وحده حق الوناسه المنشوده

هو يقول انه يبا وحده حق الوناسه، ليش ما يسافر ويتونس ويا
حرمته وعيال مب هم أولى؟؟؟؟
أصلا يقدر يسافر ويا حرمته بسس وبدون العيال ويستانس

يوم بتكبرين بيعتبرج ما تنفعين حق الوناسه وبيدور وحده ثالثه

بتسكنين وياها في بيت واحد وانتي من الحين مب متقبله وجودها وياج
في مكان واحد،،،،،، الله يعينهااااا المسكينه هي وعيالها,,

اذا من البدايه جيه، أقول لج اختي ونصيحه من وحده بعدها ما عرست
مثلج، لا تظلمين وحده مالها ذنب ، تقدرين تحصلين واحد لؤطة لى قولتج
ومب معرس

على فكرة هالمعرس مب لؤطة ولا شي،
الوحده تتمنى واحد تسند به ظهرها مب يظلمها عشان وحده ثانيه وفي حالتج
عشان وحده ثالثه

ولو خذتي واحد توه يبني حياته، ممكن يسعدج أكثر المعرس اللؤطه وأجرج
عند الله محفوظ لأنج قبلتي بشاب مب معرس وساعدتيه انه يحمي نفس من الفتنه

أختي العرس مب وناسه وسفرات ودلع وريال مب محتاي يبني حياته مثل الشاب

على العموم هذي حياتج اختي بس والله ثم والله حبيت أنصحج عشان مصلحتج
ومثل ما قلت لج هاي حياتج والله يوفقج

الله يهدي الجميع

لا طبعا ماسبق وتزوجت توني بنوته
بس انا ابي متزوج مثل ماقلت لان الغالب اني راح اكون للدلع لو كنت الثانيه
والعيال مايهموني بالمرررره ولا ابيهم يعني بالنسبه لي عز الطلب
هو طبعا ماراح يمنعني من العيال لو غيرت رايي بعدين وبغيت
وبكذا حلو راح يكفيني واحد او اثنين وبينهم فتره طويله
واذا يبي عيال يروح لزوجته الاولى لان مو مهمتي العيال

انفينيتي
الشاب ما ابيه مثل ماقلت بالموضوع مو قد المسؤوليه ما ابي واحد يتعلم بعد مايتزوجني

بعدين وش فيها واذا اخذته منها؟؟
ترا ماراح اذيهاا

بكون زوجته مثل ما هي زوجته

وان شاء الله انه ماراح يتزوج علي
هو اصلا كان يبيني قبل زواجه لانه يعرفني صديقة اخته ومعجبته
بس كنت توني صغيره بثالث متوسط واهلي رفضوا لايمكن يزوجوني وانا صغيره
الحين بعد ماكبرت وعرف اني عندي استعداد اخذ واحد متزوج رجع يخطبني



بعدين ليه مايكون هالزوج سند لي؟؟؟
يعني لانه تزوج على زوجته الاولى ماينفع يكون سند؟؟

والله ما انصحك خذي لك واحد تسكرون بابكم عليكم وتقفلون جوالاتكم ولاتشيلون هم اللي برا اما اللي متزوج عندك صح لكن شايل هم اللي برا
ان كان قصدك انك للسفرات والدلع فما اختلفنا الشاب اللي ما بعد تزوج يموت على هالشي بعكس اللي قد تزوج قده شبعان منها
من ناحيه الاطفال فانتي اذا حبيتيه بتموتين بس تحملين منه وتجيبين منه طفل
نصيحه من اخت لك انتي بنت مايعيبك شي ليش تاخذين واحد متزوج وتكونين مره ثانيه
فكري زين واستشيري الزوجات الثانيات في ملفهم او زوريه وشوفي بتقدرين تصيرين وتتحملين الزوجه الثانيه ...ترى الدعوه ميب لعبه تحكمين على نفسك طول عمرك بها الشي ..وان ما تحملتي فبتصيرين شي ثاني ..وهي مطلقه
اسفه على ردي لكن ابي لك الخير...