خالة دلولة :

مددددري احس كل وحدة وظروووفهااا مااقولك وافقي ولا اقولك ارفضي اقووولك استخييييييييري الله والله يوفقك

مددددري احس كل وحدة وظروووفهااا مااقولك وافقي ولا اقولك ارفضي اقووولك استخييييييييري الله والله...

ضيم السنين. :

انا م مت ضحك الا ع ( امي القلب الحنون) من زود الحماس تحط نسب مئويه وتحسب واحتمالات وافتراضيات كنها مسويه دراسه وواثقه بعد قسم ب الله اني ضحكت من قلب حسيتها جالسه وتحسب ومنسجمه مره اجل عمرتس 21 سنه ورجلتس 33 وقال مناسبه نوعاً ما ؟ واخوتس قال وش ابي ب العجوز ام 24 ؟ واللي عمرهن 24 فوق يأخذن ارمل او مطلق ؟ اقول والله لونتس جالسه تكلمين خطيبتس وتسولفين معو انو اصرف من ردتس هذا وتتكلمين عن العقل بعد اي عقل وانتي تتكلمين ع اساس افتراضيات؟ ودخلتي ف القدر ؟ وكتبتي كل شيء كنتس تقرين اللوح المحفوظ ل كل بنت اقول بلا بربسه زايده والله ان عقليتس دمار جداً بس لايقه ع عقلية رجلتس واخوانتس مادري هو من اثر ف الثاني بعدين انتي اللي ف اي لحظه ممكن تكونين مطلقه وتأخذين مطلق او معدد حتى لو كان عمرتس 21 وممكن تكونين ارمله وتأخذين ارمل او مطلق او معدد حتى لو كان عمرتس 21 يعني ابدا لا تتكلمين وانتي متطمنه تراتس ب الدنيا الملعونه م انتي ب الجنه اما انتي ي صاحبة الموضوع لاتأخذين العلم من الجاهلات اللي م يفهمن ولا يفقهن شيء ف الدنيا واللي تفكيرهن م يتعدا خشومهن هالناس اللي يفكرون ب طريقه ضيقه جداً يعطونتس الحل بدون تفكير حل عشوائي متخبط ضايع بدون اي عقلانيه و يحاولون ينقعونتس فيها ويجبون لتس قصص فلانه تزوجت مثلتس والحين حياتها وش زينها وفلانه عرفت شلون تجيب راسو كن تجارب الناس مقياس وكن اللي يصير ل فلان لازم يصير ل علان م كن كل واحد وحياتو والمكتوب لو وهالسوالف اللي ل اجتمعن قامن يمطرسن ع بعضهن شفتي هالايجابيات اللي انتي ب نظرتس انها ايجابيه؟ بكره ل تزوجتي ب تشوفينها سلبيات الفلوس والجاه والملاين مهو معطيتس اياها كلها ب يعطيتس الف الفين كل شهر ويسكتس فيها لو دخلو السنوي ع قولتس ب الملاين تهقين ب يقدمها لتس هديه؟ م انتي مستفيده شيء الا الاكل والشرب والسكن والسواق والخدامه وهالسوالف حتى عند افقر خلق الله موجوده ومن هالاساسيات يعني م جاب لتس شيء غريب م قالتس اكتب لتس ديره كامله ب اسمتس عسى يغريتس العرض وتفكرين كل هالسوالف مو مهمه وكلن يقدر عليها طالما انسان موظف ويصك راتب الفلوس تروح وتجي بكره مشروع واحد يخشو ويخسر ويصير بدل 12 مليون شهريا يصير ريال واحد م عندو التجاره ربح وخساره ولا تضمنين ربحها دايم ولاتنسين انو متزوج وعندو عيال وهالملاين ب تروح ل عيالوه هو م تعب وشقى عشان يطلعها عن عيالوه انتي للحين صغيره عمرتس 25 سنه تأخذين واحد 50 سنه ليش ؟ وش حادتس ؟ حتى لو تزوجتي عزوبي بيبني لتس بيت فخم مستقبلاً هالشيء صعب ؟ هذا يجيب لتس سواق بس رجلتس مستقبلا العزوبي هو ب يجيبتس ويوديتس اطلق من مليون سواق تأخذين واحد عايش ع راتبوه وشوي شوي يطور نفسوه ابرك مليون مره من مليونير صاك الخمسين سنه متزوج وعندو بزارين يغريتس ب السفريات وامريكا واوربا ومادري وشو كن الصعب صار من الاساسيات ولا شي صعب اصلا الكل يقدر يسافر ل تزوجتي مين م كان ب يسفرتس ويجبتس ويوديتس وسوالف السفر هذي البنت قبل الزواج تطب فيها لكن مجرد م تتزوج يصير اخر اهتمامها وش تبين ب المال والجاه والغنا والسكن اذا انعدمت الراحه النفسيه وش تبين ف انسان ل صرتي ف عز شبابتس يكون شايب مالو خلق ل شيء تقولين تفكيرو منفتح شلون منفتح ؟ترا بعض انفتاح التفكير مصيبه وكارثه يكفي انو متزوج وعند عيال وبنات واكيد عيالو كبار وف عمرتس بعد انتي تو ف بداية العمر وب عز الشباب وهو عاش حياتو وراح وجا وطار وخلف وربى وكبر والحين يبي يرتاح وانتي اللي ب تكونين لو استجمام انتي وبيتس هذا بكره يذبتس ف البيت م تشوفينو الا كل يومين 3 واصحاب الملاين هذوليك لاتضمنينهم لا طاح اللي ب راسو قالتس توكلي ع بيت اهلتس عقبها وش ب ينفعتس ملاينو

انا م مت ضحك الا ع ( امي القلب الحنون) من زود الحماس تحط نسب مئويه وتحسب واحتمالات وافتراضيات...