كل اللي اعرفهم وراحوا له مايمدحونه

هلا بنوتات اوباجي باختصار اوله زين واخره شين انا صديقة بنت عمي في جدة سوت عنده اول مرة وانهبلت من زين بشرتها بس عقب سنة ردت البقع ورد الكلف ورجعتله وتعالجت وبعد سنة ردت البقع وردتله مرتن ثالثة واعطاها نفس الادوية واول ما بدت تستعملها ايش الي حصل؟؟؟؟؟؟؟؟؟؟؟؟؟؟؟؟
ما تصدقون بنات بقعة حمرا استقرت عندها بوسط خدها حرقلها بشرتها والحين ما عاد ينفع معاها لا تقشير ولا حتى تجميل يعني خسرت بشرتها وفلوسها وهي مرة ندمانة والمشكلة الحين تدور كيف على الاقل تتخلص من البقعة الي شوهتها مسكينة نصيحة قولي الحمدلله وعالجي عمرك بالزبادي احسن لكي

فليسقط اوباجي هههههههههه لا تضحكون علي بنات بس كل البنات الي راحوله في فرع الخبر او فرع الراشد قالو مالت عليه نصاب ومختص بتدمير البشرات
قبل زواجي بغيت اروحله ومريت على فرع الراشد وقلتلها بشرتي ابغاها تصير روعة قبل زواجي قالت لي حنا مسويين عرض( مررة حلو) قلتلها وشو هالعرض الحقيني عليه قالت لي لا تروحي الفرع الرئيسي علشان هناك الكشف عندهم ب 500 ريال بس هنا مجاني فرحت عبالي شي مميز وقالت لي اعطينا رقم جوالك ونحددلك موعد علشان تكشفين مجاني بس يمكن نتاخر عليكي علشان زحمة وطبعا على طول اعطيتها الرقم وانا اترجى بها انها تسبقني عن غيري علشان زواجي قرب ووعدتني وفعلا عقب 5 ايام اتصلت علي ورحتلها قبل موعدي بساعة وانا انتظر اخاف موعدي يروح علي وقبل ما ادخل قالتلي الحين حنا وفرنا عليكي 500 ريال حقت الكشف والدكتورة تنتظرك بس شرط عقب ما تطلعين لازم تشترين كل المواد والادوية المطلوبة قلت لها وكم المبلغ قالت ما ادري حول ال1000 وال3000 ويمكن اكثر الدكتورة هي تشوف بشرتك وتحدد قلتلها بس انا ما سويت حسابي على كدة هي خليها تكشف وعقب بشتري قالت لا ممنوع قلت لها خلاص ابروح اجيب فلوس وارجع ويوم طلعت ضاق صدري من معاملتهم واسلوب النصب حقهم بس الحمدلله ربي يحبني يوم انا في الراشد واشوف صديقة اختي من زمان ما قد شفتها وقعدنا نسولف وعلمتها بالي صار قالت لي انتبهي ترى انا سويتها عقب ولادة بنتي وصار وجهي يهبل والحين مع الحمل الثاني ولا كني مسوية شي وبشرتي رجعت اخس من اول علشانهم يسوون التقشير لكل من هب ودب ولا يراعون العمر ولا الوضع الاجتماعي حق الحرمة وتقول ان في الخارج ما يسوون التقشير الا عقب ال35 سنة وتكون الحرمة تقريبا وقفت عن الحمل والولادة علشان التقشير ما يتسوى الا مرتين بعمر الحرمة كله ويوم عرفت ان زواجي قريب انهبلت قالت لي كيف تسويه وهو ما يطيب الا عقب 3 شهور شلون بتتصلحين يوم زواجك ووجهك كنه محروق غير الالام المبرحة الي الوحدة ما تقدر تنام وحلفت انها قعدت اكثر من شهرين ما تنام وطول ليلها ماسكة علبة المناديل تلوح بها علشان تخفف الحرارة والنار الي بوجهها والي كلفتها 3500 ريال

ادري طولت عليكم بس ها ويش رايكم

ممكن ليش لأ كل شي جائز في الزمن دا

والله يكون في عون الصادق:24: :26:

انا جربت اوباجي وحرق لي وجهي حروق من الدرجه الثانيه وبعدها حرمت استخدم ادويته والحين رحت لدكتور جلديه ممتاز وسويت تقشير عنده والنتائج مره حلوه لكني للحين ماخلصت وصارلي شهر معه بس احيانا يستخدم ادوية اوباجي مع التقشير لكن المبلغ اللي ياخذه لا يقارن بمبالغ اوباجي الحراميه