السلام عليكم ورحمه الله وبركاته
كيف الحال؟!!
ان شاء الله انكم بخير اخباركم مع جو الرياض ياربي لك الحمد الله ينزل لنا مطر وخير يرحمنا يارب فية
عندي مويضيع <<<تصغير موضوع لكن هالموضوع متشعب شوي يعني يدور في كم محور
<<<حسيت اني برفوفيسورة ^___^ يارب اصير بروفيسورة قولوا امين يارب....:p
وبتكلم عن الأولاد والبنات وزوجه الأب والزوجه الثانية والمتزوجات والبنات واشياء كثيرة لكن لاتخلوني اندم اني كتبت هالموضوع مابي يصير مشاكل ولا ابي تقولون رفع :16:لأن هالكلمه مالها فايده غير كثرة مشاهدي الموضوع من غير ردود ولا أريد ردود فيها هواش ومشاكل فقط أريد نقاش نقاش بمعنى الكلمه \:35:
ولاتحسبوني عجيز كبيرة لأ تراني بنوته صغيرة :04:توني متخرجه من الجامعه السنة ذي حتى وثيقتي مابعد استلمتها .... لاتجي وحده تقول بزر بتعلمنا وش نقول ووش نكتب لأ قد اكون صغيرة في عمري لكن قد يكون عقلي اكبر من سني
وقد اكون كبيرة ولكن قد يكون عقلي اصغر من عمري ....وفي كلا الحالتين اذكرو الله وصلوا على نبينا محمد علة افضل الصلاة واتم التسليم ...
بعد اتفاقنا على الخطبة ......نحدد موعد الملكه ........هع تذكرت دكتورتنا الله يذكرها بالخير كانت دائما إذا بدت بالمقدمه قالت كذا وإذا دخلت بالدرس قالت الملكه وإذا اوشكت على الأنتهاء قالت الزواج وخلاص خلصنا وطلعت قالت انتهت الحياة بأنكم سعيدون ....ياحبني لها الله يذكرها بالخير يارب ويسعدها...
اولا ::بالنسبة للبنات والمتزوجات :::نلاحظ وجود حرب شاسعه بينهم :024:<<وهذي تقول للمتزوجات فقط وذي تقول للبنات فقط طيب يوم أنك حاطة الموضوع وعارفة انه للمتزوجات فقط وانه فية ..... ومافية وشوله من الأساس تحطينة وتصفين حياتك امام العالم انتي عارفة ان المنتديات يدخلها الاف مؤلفه من الذكور والإناث يعنني شوفوني سعيده ولا أيش ولا يعنني شوفو موضوعي ثم يجيتس تهزيء من العضوات وتقولين ياليت اللي كان ماجرى ولا اقولكم اللي صار قبل كم يوم دخلت موضوع جريء جدا لأبعد الحدود واللي كاتبتها الله يهديها بس مااقول غير كذا جت وحده ردت عليها تقول اواه بس على عضوات عالم حواء كلكم صرتوا مبزرة<<<يعني بدل ماتنصحها تقول كذا من قال لك تتكلمين بأسمنا الله يهديك ..شوهة اسمها بكلامها..خفوا على البنات الغير متزوجات شوي مغير همكم هم ماكأنك كنتي بنت قبل كذا وانكم ماتبون يقرون مواضيعكم هي حرية شخصية مثال انا احب اقرأ كل شيء مفيد لي وبيفيدني في حياتي سواء المستقبلية أم الحاضرة من غير أي أكتراث لعنوان الموضوع يعني لاتجين تقولين عيب أو حرام وهو حلال محله رب العباد طالما انه بيفيد هالبنية خلاص تقراه وهي وعقلها اللي بيوزن بلد تجيك بنية عقلها اكبر من عقل هالمتزوجه واللي عندها خبرة بالحياة وتعطيك حل يحل هالمشكلة ازين من اللي عندها 9 عيال ولها خبرة في الحياة خلاص الحين حنا 2011 العالم كلها تقرأ وتقرأ وتقرأ وانتو هنا الدخول للمتزوجات والغير متزوجات هذي عقلية اطفال خلاص ماعاد فيها خلاص العالم على عجله من النمو والأزدهار بشتى العلوم والشيء هذا يدرس في المدارس للطلاب بصيغه علمية لكن هنا يكتب بكل سذاجه مع أحترامي لكل القارئين بأمكاني اكتب مشكلتي بكل أحترام وخصوصيه ويتم حلها بأذن الله بكل قدرة وعفوية ماله داعي الشرح والتفصيل ثم أذا جتها عين ولا شيء قالت انا كذا وكذا
لاتقولون انتي تقولين كلام خيالي لأ اسألي أي بنت عن معلوماتها من أين اتت بها تقول لك الكتاب الفلاني والموقع العلاني وغيرة لااااااااااااااااااازم تكونون انتوا قبل المتزوجات على وعي اكثر من البنات الحين لأنه إذا تزوجت الوحده اصبح عقلها مع أحترامي محصور في حياتها الزوجيه ...............................فقط صح ولا لأ لازم عقلك مايكون محصور في هذا الشيء فقط حاولي تطورين من نفسك من علمك تقرين تبتكرين شيء جديد في حياتك العلميه ممكن تكونين ذكية وتبدعين بشيء جدا رائع لكن من خلال انشغالك اخفيتي كل هذا
واتركوكم من متزوجه وغير متزوجه .....
**الزوجه الأولى والزوجه الثانية :11retcher:::وهنا حرب داحس والغبرأ غيرة بشكل مو طبيعي تصل لحد الجنون ليش انه رجلها تزوج عليها وتبدأ بأظهار الجوانب السلبية للزوجه الثانية وانها وانها وفيها كل الجلا والبلا ومستحيل أنه زوجها يتزوج ثانيه انا معكم انها صعبة وانه وانه لكن ربي كاتب ومحلل انه له 4 زوجات حلال بلال علية حنا لانستطيع ان نحلل او نحرم ما أحله الله لأن هذا شيء ليس بيدنا وان تزوج زوجك كوني له الحبيبة الأولى وصدقيني بتكسبية بيوم من الأيام هو تزوج وخلاص لكن الذكية هي من بتكسبة في النهايه مهما عملت الثانية لجذبة نحوها كوني أنتي الأهدأ والاجمل ولاداعي للمشاكل بعفويه وعاميه كوني انتي العاقلة والرزينه والناصحه وكل صفات الجمال والكمال فيك والكامل الله سبحانه وتعالى ..
بقولكم قصة قالها الوالد في يوم من الأيام وبدأت اقيسها على كل شيء في الحياة..
يقولكم هذا واحد كندي له 52 سنه وهو يسوق تاكسي ماعمرة في يوم من الأيام ما اخذ ولا مخالفة ولاقطع ولا إشارة ولا تسبب ب ولا حادث المهم قالوا له جائزة وقبل مايسلمونه الجائزة قالوا مو معقوله في حياتك هذي كلها ماعمرك أخذت ولا مخالفه ولا شيء وش كنت تسوي قال اقولكم سري :
انا كل مافتحت باب السيارة وجيت اركب اعتبر كل الناس مخطئين ومجانين وانا الصح والعاقل وكل ما اخطأ علي احد اعتبرة مو عاقل او مخطئي وبكذا ما أتهاوش مع احد ولا أرد على أحد وبس اسوق وبس
وبديت انا اقيس على نفسي في حياتي كلها واعود أخواني عليها لكن مايقولونها جهريا هي فيها شيء من الصحه والغلط لكن تعود على ظبط النفس بأعتبار كل هالعالم مجانين او مخطئين وانا الصح مثلا لو احد تلفظ عليك او زوجة رجلك الثانية تلفظت عليك او كذا اعتبريها مخطئة وانتي الصح إذا كان الخطأ صادر منها واتركيها وخلاص انتهى الأمر اتمنى تكونون فاهمين علي...
**كذالك حربكم بين أزواجكم اللي ظهرت وانه ليش انتو تتزينون وتلبسون وهم بسروال وفنيلة اقولك رجلك على ماعودتية ببيوت مطمئنة يقولون في حلقة من الحلقات اعتبري رجلك كطفل كبير علمية ماتريدين انتي يعني علمية انك تتزينين وتتجملين له وهو لأ لية اشتري بناطيل وبلايز وقولي ابيك كذا اشتري ثياب بيه وقولي ابيك كذا عيب عليكم مسوين مله على رجالكم وطايحين بالمنتديات تهزيء والله عيب مااحلاي وانا اتطنز على رجلي علشانه يلبس سروال وفنيلة بأمكانك تخلينة يلبي لك كل طلباتك بأسلوبك الهين اللين
وبالنسبة للي ماتزوجوا مثلي اقولهم اليوم الأحد المغرب في إذاعه القران الكريم في برنامج محاضرة الأسبوع كان يتكلم عن اللي مقبلين على الزواج وذكر الشيخ انه احلى فترة يستطيع الشخص اقناع الشخص الأخر برأيه ويظل متأثرا به طول الحياة في الفترة مابيط الملكة والزواج وقال فيها قاسها على الرجل مثلا انت والله تبيها ماتلبس عاري قل والله وانت تكلمها او زايرها بأسلوب غير مباشر والله انا ماحب المرة اللي تلبس عاري او كذا وكذالك انا لا احب المرأة اللي تخرج ليلا ونهارا وصدقني بانها ستأخذها معك طوال العمر وذكر بعد للنساء إذا كنتي تريدين ذالك فافعلي مايقول لأنه ((((أكثر فترة مؤثرة ويسمع فيها الطرفان البعض وينفذا كل مايقولا خلال حياتهم وتظل كلماتهم متعلقة في قلوبهم مهما طال الزمان او قصر)))))
اممممممممممممممممممممم ووش بعد ووش بعد يس موضوع المهور داخل في موضوعنا هنا بعد بما انه المتصفحات امهات يبون لعيالهم زوجات والبنات بعد يبون ازواج وكلهم له صله بالموضوع ......بس باقي الطرف الأخر وهو الزوج ماسمعنا وانا متأكده انه كلامي بيوصل للرجال .....مدري وش اللي مخليني متأكده منوه ....هع
المهور وما أدراك مالمهور انتي ياخالتي يا أم الولد لاتستخسرين في زوجه ولدك المهر لكن الشيء بعد ياخالتي أم البنت إذا زاد عن حده انقلب ضده
الشيخ بعد في محاضرة الأسبوع ذكر انه المهور إذا كانت بخسة رخيصة جدا استرخصت الفتاة من قبل الزوج وإذا كانت غالية وعاليه جعلت الزوج يمتن على هذه الفتاة بأنه دفع لها هذا المهر ويريد عليها الزله ليقول لها انا دفعت كذا وكذا فيبيها على سنقة عشرة على قول أخواننا المصريين يبيها طباخه وموظفه وجميلة تنزل الطير من السما لأ فهمية ياخالتي ام الولد انه مو كل شيء يبية بيلقاه ((قولي له تقولك أخر همي إنسان)) ماكل مايتمنى المرء يدركه
تجري الرياح بما لاتشتهي السفنٌ
وانتي بعد ياخالتي ام البنت انا اعرف البنات زيي واااااااااااااااااااااااااااه علينا بس انا بنيه واعرف عقول البنيات تقولك ابي واحد وسيم وعنده فلوس علشان اقهر بنت عمتي ولا بنت عمي لأ اهم شيء الخلق والدين اهم شيء الخلق والدين يااختي بعد الشيخ قال في محاضرة الأسبوع انه عودوا بناتكم يأخذن الرجل الصالح اللي يخاف الله فيك إذا حزنتي شاركك حزنك وإن خفتي حماك ولايظلمك كذالك اهم شيء خوفه من الله علشان اللي يخاف من ربي ثقي بأنه يفعل مايرضي رب العزة والجلال يعني انها إذا تقدم لها الخاطب تدور على الصلاح فية هل هو صلي بالمسجد بار بوالديه حبيبتي اسألي عن برة بأمه لأنه اللي فيه خير خيرة لوالديه وإذا هو خير بوالديه بيكون خير فيك ....
ايه وياخالتي ام الولد وياخالتي ام البنت ثقوا تمام الثقة إذا كلا منكما وصى ولدة وابنتة قبل الزواج بالحسنى وجلستوا مع عيالكم جلسة وصارحتوا بعض فيهم نصحتوهم وكذا ثقوا انه كلامكم مستحيل يروح هدر بأذن الله لأنهم على وشك ترككم والبدء بحياة جديده هم في اشتياق لكم فسيتعلقون بكم أكثر ...
اممممممممممم ووش بعد باقي ايه نقطة جوهرية بالمضوع الا وهي عن القراءه وهو موضوع سبق اني تكلمت عنه اقولكم انه إذا ماقرؤوا بتجهون لشيء ثاني والله يستر وشو هو خليهم يقرون تتفتح عقولهم ترا مع كثرة القراءة تزيد معلوماتهم ثقافتهم مهما كانت ويمكن يصيرون بارعين
وفي النهاية اقولكم اذدري اني كثرت هذره لكني فاضية وجالسة افكر فقلت خليني أنزل مويضيع واشوف ارائكم :26::26:
و(((سبحان الله وبحمده اشهد ان لا إله الا هو أستفرك ربي واتوب اليك)))
أخر همي أنسان @akhr_hmy_ansan
محررة فضية
او.....\بن........\زو......\زو 2........\مه......\خالتي ام الولد والبنت ...حياكم الله
19
2K
يلزم عليك تسجيل الدخول أولًا لكتابة تعليق.
غلاتكم غير
•
مشكورة يسلمو تجنن كتاباتك
ميراج222
•
ماشاء الله تبارك الله ربي يستها معك دنيا واخرة موضوووووووووووووع رائع بمعنى الكلمة
ربي يسعدك ويهنيك ويرزقك بالزوج الصالح يارب
ربي يسعدك ويهنيك ويرزقك بالزوج الصالح يارب
الصفحة الأخيرة