الله يرفع قدر كل من دعالي ولا اركم الله مكروه في حياتكم ورزقكم سعاده لا تشقون بعدها في الدنيا والاخره
اختي ملح وسكر وبهار فيه شبه كبير بين حالتنا انا نفس الشي اذا بلعت طالع نازل والغدد سليمه الحمد لله ومنتظره الموعد موعد العمليه
وسبحان الله الدكتور الي عنده العمليه نفس الدكتور الي اخذ العينه ماشاء الله ممتاز لان انا ادوخ من الابر التحاليل اي شي فكان مراعي حالتي لاقصى حد حتى رفض اخرج من المستشفى الابعد مايتاكد اني طيبه وسبحان الله جاءت العمليه عنده ونصحوني اطباء كثيراشيلها عشان الجمال بس انا رفضت لكن اخر دكتور قال شيليها اضمن لك مستقبلا ووكلت امري لله
بس انا قالولي تنشال الغده معه
انتي كم الفتره الي اكتشفتيه فيها وكمان وين تراجعي الله يشفينا ومرضى المسلمين

انا زميلتي سوت العمليه عند دكتور اسمه بندر الحارثي جراح غدد في مدينة الملك فهد الطبيه وفعلا جرحها صغير جدا والحمدلله ماأثر ع صوتها
اتمنى اني افدتكم .....الله يشفينا واياكم

حبيبتي لا تخافين اتوكلي على الله وسوي العمليه انا سويتها والحمد لله خط رفيع جدا ما يبان الا لمان تدققي فيه لان العمليه هي عمليه تجميليه والصوت كثير ناس ما يتغير ابدا لاكن انا اشويه اتغير لان كان عندي اورام في الغدد اللمفاويه وكمان في الغدد الدرقيه فالعمليه كانت لاستاصال جميع الغدد من درقيه وجاراتها واثر على الصوت اما الحبوب لازم يوميا وعادي حتتعودين عليه اهم شيء الصحه والعافيه ياعمري الله يعافيكم جميعا ويسهل لكم كل اموركم

عزيرتي دام أنه الغده عندك سليمه وشغلها سليم ليش تشيلينها ؟؟؟ الاورام تكون بجانب الغده وبأمكانهم يستأصلوا الورم فقط
أنصحك تراجعي وتاخذي رأي أكثر من جراح ولا تعتمدين علي رأي واحد المنطقه اللي بتسوين فيها العمليه منطقه حيويه بالجسم ومليانه اورده وغدد مفيده للجسم ياسبحان الله
ولعلمك انه بعد ما يشيلون الورم راح يفحصونه مره ثانيه ويتأكدوا مره ثانيه اذا كان حميد وان شاء الله يكون حميد

بالنسبه لي اكتشفة الانتفاخ او الورم بشهر 11 السنه الماضيه بعدين رحت افحص واسوي الاشعه التلفزيونيه واشعه ثانيه نوويه طلع عندي عقدتين مثل الكور طبعا ومثل قلت لك للي باليسار اكبر شوي
طبعا انا وسواسيه بكثر ما اسمع من اخطاء الاطباء رحت لمستشفى خاص عند دكتور زائر وكلامه كان اني اسوي الخزعه واسوي عمليه بعدها بس حسيته انه دكتور باطنيه وعام مش متخصص بالغدد

وبعدين فتحت ملف بمستشفى حكومي وعطوني موعد شهر سته طووووويل جدا بس انا قلت احسن بهذي الفتره اقدر افكر كثير وقاعده اسأل ناس بالنت وتقريري ارسلها لأطباء المان وواحد منهم قالي احنا بس نشيل الورم وبعدين نشوف اذا حميد خلاص نكتفى بعمليه واحده بس اذا لا لا قدر الله لازم يشلون الدرقيه واللمفاويه وقالي كمان الشق الجراحي بيكون حجمه من 3 الي 4 سم فقط بس المبلغ اللي طالبينه تقريبا بيكون 30 الف درهم
وحاليا قاعده اسأل حاليا بتايلند في شخص بالنت سواها لأبوه فطلعت العمليه مع السكن ب 13 الف درهم بس بسأله حجم الشق كم
وحاليا انتظر اشوف الجراح بالمستشفى الحكومي طبعا بعد شهر 6 بعد موعدي وبشوف شو رايه وكم حجم الشق الجراحي وووو ما ادري شو بسوي بصراحه متخوفه وبنفس الوقت ابغي اسوي العمليه وافتك بس ابغي الدكتور اللي متمرس علي العمليات هذي اذا حصلت دكتور شاطر لا تنسين تخبريني الله يرضى عليك

بقولك شئ وهذي تعتبر من الطرائف مع زياراتي للأطباء واستشاراتي لهم واحد شاف اشعاتي وفحوصاتي تخيلي انه كتبلي دواء الثايروكسين قوة 100 ومعروف هذا الدواء يعطونه بس اللي عندهم نشاط او كسل بالغده وانا حالتي ما تستدعي هذا الدواء حتي يوم قلت للطبيب الزائر وشاف الدواء والله العظيم انه انذهل واتفاجئ وقالي انتي استخدمتيه قلت لا قالي ما اعرف ليش الدكتور كتبلك الدواء هذا وحذرني منه لاني ما احتاجه وحتي المترجم اكد علي وحذرني شفتي الاخطاء الطبيه كيف