اوريكى مدينتى وورينى مدينتك

مرحبا ياحلوات طبعا دايما اشوف مواضيع كتيرة عن بلادنا الجميلة واهم معالمها واثارها طيب تعالوا نشوف المناطق اللى ساكنيين فيها وانا اول واحدة ببتدى واعرفكم على منطقتى الجميلة اللى انا ساكنة فيها ومنها نتعمق اكثر فى المعرفة ببلادنا

مدينتى هى مدينة 6 أكتوبر كانت تعتبر من محافظة الجيزة الا انها استقلت واصبحت محافظة من فترة قريبة جدا هى تنقسم الى 12 حى انا اسكن فى الحى الثانى منها
وبعرفكم عليه
اهم ما يميزة ومن علاماتة المميزة جدا مسجد الشيخ الحصرى مسجد كبير جدا يتضمن مكتبة اسلامية كبيرة ودار ايتام واعمال خيرية كتيرة جدا


ايضا بالقرب منه جامعة 6 أكتوبر


ويوجد بها مجمع ترفيهى شامل للتسوق اسمه دياموند مول وبه مجمع سينمات وملاهى صغيرة للأطفال وعدة مطاعم



يتميز الحى الثانى بالهدوء والنظافة وبقربة من كل الوسائل المطلوبة ومع ان مدينة 6 أكتوبر من المحافظات الجديدة الا انها تطورت بشكل كبير وبها عمارات فخمة ومنطقة فلل وقصور حديثة جدا وجوها جاف وبعيدة عن اختناق شوارع القاهرة والذهاب اليها بيكون عن طريق المحور الرئيسى اسمه محور اكتوبر

دى منطقتى اللى اسكن فيها واحبها كتير ممكن نتعرف على منطقتك لو حبيتى اتمنى الموضوع يعجبكم ويكون فيه افادة للجميع