🌷

فيينك يا الجنرالة . . اذا في مكة نصير صديقات واخوات إن شاء الله

انا كمان حالتي شبه حالتك

بس عندي جيران نلتقي كل فترة وفترة

سجلت دخولي عشان بس ارد عليك.
وعندي اقتراح حلو. هذي الحركه احنا نسويهاا. اذا طولنا عن اقاربنا فترة
سوي قروب واتس.لخواتك. واهلك. واهل زوجك وخوات زوجك
اول شيء طبعا كلمي الوالده واقترحي عليهاا قولي وش رايكم نقط ونتجمع ف استراحة او مخيم اللي يناسبكم.
واذا اعجبها الاقتراح. سوي القروب. او كلمي اهل زوجك قبل خاص واذا اعجبهم اوك سوي القروب وقولي لهم عن القطة وكم تكلف من ححز وكذا وعشاء.
واجتمعوا وانبسطوا بما انكم قرايب.
او تتفقون. يوم ف الاسبوع دورية ع كل بيت. بس لاتجلسين كذا دام عندك اقارب وجنبك. روحي سيري ع اختك. ومنها تشوفين الوالده.
الله يسعدك. يااارب ويجمعك مع حبابيك ع الخير والطاعة 🤍🤍

مادري ماحسيت عندك مشكلة بالواقع كثر الدراما الي انتي فيها اعذريني ع الشفافية . لا تتحسسين من كل شيء ولا تعتقدين ان الناس كلها مبسوطة مجرد متجمعين فيه ناس متجمعين وهم يكرهون بعض او طول الجلسة دق بالكلام او فيه ناس مايكلمونهم بنفس الجلسة من سنين .
اما الحاجة الثانية العادات والتقاليد تغيرت اعزمي امك ولا تعزمين ام زوجك الويكند الي بعده اعزمي ام زوجك . اجمعي اخوانك وزوجاتهم عند امك وابوك كل يوم بالاسبوع حتى ماتوجهين ابوك وامك يستاسع صدرها هي وابوك .
الحاجة الثالثة تعرفي ع جيرانك ادخلي دورات اما انجليزي او حاسب هذي الي 6اشهر واتعرفي ع صديقات واطلعي معهم واعزميهم او الدورات الثقافية الي بس ساعتين واتعرفي خليك اجتماعية اكثر.
الحاجة الرابعة : غيري استايلك كل فترة وفترة اهتمي بنفس ببشرتك روحي سوي تنظيف بشرة عيادات بدكير مناكير دلعي نفسك اقل شيء مره بالشهر اتسوقي اطلعي كوفيات مع زوجك سجلي بالجم.سافري سواء داخلي او خارجي .
ثقفي نفسك انه تكون عندك مهارات اجتماعية جيبي سواليف وقصص تقولينها لابوك عشان يصير يحب جياتك ولدك لا يصير شقي.
الحاجة الاخيرة والمهمة: احمدي ربك ع النعم الي عندك فيه بنات ملو وهم مقابلين اهلهم وخواتهم يبون يتزوجون وفيه الي بنفس البيت ولا يكلمون بعض وفيه الي ياذون بعض وهم خوات وعندك ولد وفيه الي تتمنى الضنى .وفيه الي متهاوشة مع اهل زوجها وفيه الي مطلقة وثقيله ع اهلها وفيه الي عيالها عند ابوهم وفيه الي فاقدة امها وابوها وفيه المريضة وفيه وفيه انتي ماعندك مشكلة الا قل الشكر والتفكر والحمد
وجهة نظري انك يبي لك تقوين ثقتك بنفسك وتكونيين اجتماعية اكثر وتثقفين نفسك اكثر بالدورات والقراءة اهم شيء القراءة وراح تكتشفين ان ماعندك مشاكل ولا هموم

اللهم اني اعوذ بك من زوال نعمتك وتحول عافيتك
صدقيني يا اختي كل انسان عنده نقص لا يغرك التصوير انتي انعم الله عليك بالزوج والولد والوالدين حتى لو ابوك قاسي وجوده نعمة
استشعري النعم اللي بين يدينك