اوعدك تتخلصي من سواد الركب والاكواع معي

السلام عليكم صبايا
انا عضوة جديدة .. كنت دايماً متابعه وقررت انظم وافيدكم زي ما انا استفدت منكم الكثير الكثير 🌸
رح اكتبلكم مقدمه الي بده الخلاصه ينزل شوي لتحت ..
معروف صبايا انه كلنا لسا بنعاني لهاد الوقت من سواد الركب والاكواع ومفاصل الاقدام والخشونه والجفاف وكله هاد سببه عدم الالتزام بالتقشير والترطيب يعني الموضوع مش مستاهل منك اكثر من تقشير وترطيب مستمر بسس كيف بدنا نبلش ومن وين ..
انا الي سنوات وانا مصره ومعانده السواد وبدي ياه يروح بأي شكل كان جربت كل شي جربوه كثير بنات وطلعت بخلاصه الي هي هاي ..
الخلاصه صبايا :
احنا بنحتاج لحتى يروح السواد نعرف شو سببه ؟
سبب السواد اولاً الاحتكاك والاهم منه قلة الترطيب
حابه اعطيكم خلاصة تحاربي وصلت لمرحله جدا جدا رضيانه عن النتيجه الي وصلتلها وحابه افيدكم وافرّج عنكم وتكونو واثقين بحالكم 😍
اول خطوه لازم تعملي سكراب ( مقشر) باول مرحله كل يوم يعني يوميا اخلطي ( ملح + سكر + قهوه + ليمون ) انا كنت استخدم زيت معهم بس استغنيت عنه ببهدل الدنيا وحسيت نفس النتيجه فيه وبدونه
الخطوه الثانيه الترطيب استخدمت الجليسوليد وكان جدااااااا رائع
الفازلين ما حسيتو اعطاني نتيجه كان يدبق ويعطي ملمس مقرف وما يتشربو الجلد
الجليسرين برضو كان جمييل
اما الاحلى فيهم كان الفازلين المنزلي الي اخذت طريقتو من البنات المغربيات
بناااااااااات لازم كلكم تعلمو هاد الكريم الي رح احطلكم طريقتو جدا جداااااااااااا ممتاز يرطب من قلب يعطيكي شعور انه فعلا اقدامك وركبك واكواعك زببببببده بدون اي مبالغه
مكوناتو شمعة بتحطيها عالنار بوعاء وبتضيفي عليه 4 معالق زيت زيتون اعشقققققققه ❤❤❤
ومجرد ما نزلتيه من النار حطيه بعلبه لحد ما يبرد واستمتعي بالنعومه والترطيب الي انا متاكده ما رح تحسي بدرجة الترطيب هاي الا بهاد الكريم
هاي تجربتي اي استفسار او توضيح تفضلو 🌼
يمكن الموضوع مش مرتب او حاسه ما اعطيتو حقه فعلاً بس لانه عضوه جديده ف لسا ما اخذت عالجو 💚