هلا اختى عاشقة الغالى لا تحاتين ولا شى انا عيالى فى المدارس الحكومةالامريكية فى البداية ما كانو يعرفو يتكلمو بس بعدين حمد الله مشوا فى اللغة والحين يتقنونها زين صارو احسن منى بكثير وترى الاطفال يكتسبون اللغة بسرعة وبيكونون اكثر الوقت فى المدرسة وخلال شهر او شهرين بتحسينهم يبتدون يتكلمون ويفهمون الكلام وحتى المعلمات بيكونون متساعدين معاهم لين ما يمشون فى الدراسة وانتى كمانحاولى تساعدينهم وتتكلمين معاهم فى البيت وصحيح مدارس امريكا اقوى واحسن من مدارس بلادنا والله يسهلها على عيالج

عاشقة الغالي ياقلبي لاتشيلين هم ترى الوضع طبيعي جدا بس بالبدايه روحي معاهم اذا كانو مابعد بدو بالدراسه بس علشان يكون دافع نفسي لهم وبعدين عادي هم بيحبون المدرسه .....انا عيالي ماصار لهم الا شهر لسى مابعد بدو يتكلمون زين بس ***** الله مع الوقت بيتعلمون

عادي جدا لاتشيلين هم...
الاشهر الاولى بتكون شوي صعبه عليهم بس المدرسين راح يساعدونهم لانهم يعرفون ان ماعندهم لغه
وكلها فتره ويندمجون معهم...
وهنا المناهج احسن واقوى من المدارس العربيه بواجد...
لاتخافين عليهم..الاطفال يتعلمون بسرعه...

انا كنت في بريطانيا والحمدالله عيالي اصلاً دارسين الانكلش من صغرهم لذلك مالقوا اي صعوبه بس تحسن مستواهم كثير

وكان لنا جيران من جميع الدول الخليجيه وكان بعضهم عيالهم ولا شي

بالانكلش وما شاء الله اللهم بارك فتره بسيطه وانا اشوفهم يلعبون مع الاجانب والحوار ماشي تمام

والحلو في بريطانيا ان يدخلونهم على العمر يعني 10 سنوات صف رابع

والآن انا في امريكا قالوا لنا ينزلونهم سنه يعني امريكا ماتعترف بامناهج غيرها

ودخلت عيالي مدارس خاصه اسلاميه وعطونا فرصه ثلاث شهور يشوفونهم اذا مشوا تمام ولا ينزلونهم

الحمدالله انهم ماشين وميسوطين كثير واهم شي الناحيه الدينيه صلاة الظهر جماعه في المسجد

والحجاب والملابس ساتره تنوره سودا طويله وفطور جماعي في المسجد كل سبت والحمدالله على نعمة الاسلام

طلعت عن الموضوع فالاتخافين وتعرفين العيال الله يحفظهم يتأقلمون اكثر من الكبار ويلقطون الكلمات بسرعه

وممكن تجيبين لهم مدرسه لأول شهر و تدعون اطفال من جيرانكم يلعبون مع العيال وبيمشون في المحادثه

أنا حتى أول يوم مارحت معاهم لأني عندي دراسة .علمتهم الكلمات الضرورية اللي يحتاجونها وبس .
والحمد لله مشي الحال
وهنا تعليمهم سهل مافيه تعقيد .والمدرسين بسطاء لأبعد الحدود .
مره رحت المدرسة وقت الحصص باخذ بنتي تصوروا . لقيت الابله تعدلها الجزمه الله يكرمكم !!! بنتي لبستها مقلوبه .... مره تفاجأت وانحرجت ماعرفت ايش أقولها .
وفي نقطه مهمه ساعدتهم أنهم يتعلمون بسرعة أنهم مخصصين للطلاب الغير ناطقين باللغة مدرسين يعلمونهم
طبعاً أنا في أستراليا ماعرف إذا عندكم نفس الشي بس حبيت أفيدك بتجربتي.