فعلا يمكن الحوار نادر اتكلم معاهم ونادر نطلع او نحتك بالناس بيتوتيه احب اجلس بالبيت

ام خالد
انتي ما قويتي شخصيتهم من الطفولة
تدرين الشخصية تنهز ب٣اشياء
الصفع ع الوجه سواء قدام الناس ولابينكم
الصراخ عليه قدام الناس أو مد اليد
الأخيرة تحطمين شخصيته بكلمات سيئة مثل الله يعزكم يا حمار يا حيوان ً،،الخ

وثاني شي لاتهاوشو بالبيت أمسكيهم من يدهم حوطي عينك بعينهم وفهميهم الصح من الخطاء
والله ما أقول عبث ولدي كانت شخصيته مهزوزة لأني اضربه واهزئه قدام الناس
الحين سويت هاذي ألطريقه وصارت شخصيته قويه ولاتهاوشو افهمه هاذي اختك انتبه لها لاتخلي احد يضربها أو يصرخ عليها،والحمد لله صارو يتعاونون ع الغريب هههههههه
انتبهي اهم شي شخصيتهم قويها وتكلمي لاتقولين ماعرفت تعلمي والله الدنيا علمتني ههههههه

ap

ام ليونه فعلا انا اصارخ دايم ولا في نقاش

يا أختي إذا عرف السبب بطل العجب ,, نادر تكلمينهم طيب كيف يعرفون الصح من الخطأ ,, الطفل محتاج اهتمام مو أكل وشرب بس ,, لازم تسولفين معه وتعلمينه الصح من الخطأ لازم تبينين أهتمامك فيهم ومدحك لهم ,, رحمتهم مساكين يهتمون بعيال الناس علشان عمتهم تمدح فيهم وتعطيهم حنان واهتمام فاقدينه عندك ,, لازم تخلين قلوبهم على بعض وكل واحد يهتم بالثاني وله خصوصيته ما احد ياخذ أغراض الثاني والكبير يحرص على الصغير وتمديحينهم وتشجعينهم وإذا شفتي مواقف حلوه لهم كافئيهم ,, النقطه الثانيه ,, عازلتهم عن الناس لا تكلمينهم ولا تطلعينهم يتكلمون مع الناس الحمدلله ما نسوا الكلام فشيء طبيعي يسولفون للناس لانك ما وجهتيهم ولا عطيتيهم وجه ,, يتصرفون هالتصرفات لان حصيلتهم في الخبره وتجارب الحياة صفر لازم يختلطوا ويواجهوا الاطفال وتحصل الصدامات بينهم علشان يتقوون وياخذون حقهم لازم يشوفوا الصح والخطا علشان يميزوا بانفسهم ,, لكن نادر تطلعينهم والناس يستققون عليهم بيكرهون الحياة الاجتماعيه بكبرها وينطوون على انفسهم لانهم شافوا الجانب السيئ ويفقدون الثقه بأنفسهم ,, للأسف اطفالك مالهم شخصيه (( أتوقع من تصرفات اطفالك وما أبي أظلمك إنك راميتهم ع الخدامه واتوقع إن سبق مرت عليك مشكلة نطق أو تاخر في الكلام في واحد من أطفالك هذي احتمالات مو اتهامات ولأني معتبرتك مثل اختي ما جاملتك ))