اولادي ضاعوا

السلام عليكم ورحمه الله وبركاته 
مثل ماهو مبين في العنوان الموضوع عن ضياع اولادي 
انا عندي ثلاث بنت وولدين وطلعنا تمشينا ع البحر المهم رحوا العيال يلعبون الكبيره في اولى والاثنين باقي مادرسوا 
بالعاده يروحون ويجون علينا 
بس ذي المره راحوا وماعاد رجعوا مرت ساعه ونص بعدين انا خفت قلت اكيد راحوا للملاهي البعيده وضيعوا وقمت ادورهم مشيت مسافه مهي بسيطه وانا ادور وشوي الا جيوب الدوريات يصوتون بااسماء اولادي وانا اروح لاقرب واحد واوقفه قلت هذي اسماء اولادي وينهم قال دقايق ونجيبهم ظليت واقفه انتظرهم وشوي الاجاء زوجي وزعلان طبعا سمع النداء وجاء والا كان جالس ع فرشتنا بس يقول سمع النداء وانا ع بالي ماسمع  المهم وصل عندي وزعلان يقول ليه تكلمين العسكري روحي اجلسي ومولع نارمدري حسيت ماله داعي يزعل لاني تكلمت مع العسكري ب ادب وحتى من خوفي ع اولادي احس مدري كيف اجاويه او ايش يقول احس كنت مرتبكه  وانا انقهرت ابي اشوف عيالي وخامل وتعبانه ومره تاثرت وتخيلتهم وهم يدورونا 
طبعا شوي الا وجابهم والحمد لله  ع سلامتهم  بس انا مره تعبت وجلست ليلي كله ابكي عليهم اناظرهم واقول كيف لو مالقيتهم ايش كان صار فيهم واتخيلهم وهم ضايعين وابكي الين اغمى عليه وصحيت ورجعت ابكي مره ثانيه يمكن ع الفجر سكتت ونمت 
طبعا الغلط مني انا وابوهم لاننا ما انتبهنا عليهم وبالعاده انا دايم ادورهم وعيني عليهم بس ذي المره مدري كيف غفلت عنهم 
وطبعا بنتي ماحفظتها ارقام  جوالاتنا وهذا كمان اكبر غلط المفروض اني حفظتها الارقام 
فاانتبهوا يا امهات ع عيالكم وحفظوهم ارقام الجوالات عشان لو احد ضاع الايعرف الارقام ع الاقل 
اماانا اخذت درس في حياتي ماراح انساه وحبيت اوصيكم وانبهكم لاني اعتبركم اخوات لي