اولادي غريبي الطوار

:26:بدخل في الموضوع مباشره انا ام لولدين وبنت الكبير عشر سنوات والثاني تسع سنوات والبنت عمرها خمس سنوات ولصغير اربع شهور الاولاد متناقضين في كل حاجه والله يابنات ماتصدقون يعني الكبير يحب ابوه بزياده ويخاف عليه والصغير يخاف علي بزياده تصدقون اني اذا جيت ابطلع لجيراني ولا لاي مكان يحلفني على المصحف اني ارجع للبيت وماانحاش على قولته واذا طلعت انا وابوه يدق على جوال ابوه ويكلمني علشان يتاكد اني مع ابوه وان ابوه ماتركني في السوق وهرب على قولته وش الحل والله اني جلست انا وابوه وتكلمنا معه وشرحنا ان الام ماتنحاش وتترك عيالها مايقتنع مدري وش اسوي معه ابوه قالي انه متاثر بافلام الكرتون وشكله صادق لانه لما ولدت وجبت اخوه الصغيراستانس مره وقالي الحين صرنا اربع زي ابطال النينجا ومره كنت بالمطبخ جاني يركض ويقول ماما فرفور السريع في الحوش ومره يحلف انه شاف سبيدر مان طالع من الحمام والله العظيم مدري وش اسوي معه اما ولدي الكبير غير تعلقه الزايد بابوه اسئلته كثير عن الجنه والنار والموت احيانا معرف اجاوبه اما البنت خوافه مررررره وماتحبني انام واذا نمت تسوي ازعاج لين اصحىالله يخليهم لي مدري ياحريم هذا شي عادي ولا لا ياليت الي عندها خبره تقولي لاعدمتكم